Filifae 2:9 - Ṉa Alaofua Falu 1923 1949

⁹ Mania tha God lau boo e faainoto nia faamau, me falea thata eri ifana ne baita ka tatha ana thata ki sui bana;

Filifae 2:9 Referans Kwoze

Si do na kera fatai nia 19:16

Ma ana thatana na kera keda fafia tooni nia ma fafia thafana, Kiṉa inoto ka tatha ana kiṉa ki, ma Lord inoto ka tatha ana lord ki.

Mathui 28:18

Ma tha Jesus ka fula ma ka ṉata isada, ka una eri, Sukwaia sui bana kera falea naa ifaku i thalo mai ma i fanua nei iano.

I. Pita 3:22

Ne fula naa i thalo, ma ka to bana ana aba aola tha God; ma kera alua aini angel ki ma toa gwauwai ki ma toa sukwai ki keka roo suli nia.

Hibaru ki 2:9

Sui kulu rikia tha Jesus, na kera alulua ka suka faekwa i fara aini angel ki, fasi ka to ana seefia ana maea, na kera erea naa gwauna ana inotoa ma fare baita la, fasi ana lea la tha God nia ka thaitoomana maea uria imole ki sui.

Si do na kera fatai nia 5:12

Ma keka ’ai baita, keka una eri, Ṉa Lama na kera thathauṉia e farana fasi kai ṉalia sukwaia, ma inotoa, ma liotooa, ma rigita la, ma fare baita la, ma taṉo la, ma lea la.

Hibaru ki 1:4

Ma kera alua ka lea ka tatha ana aini angel ki, ’uria lau boo e ṉalia ana Maka nia thatana ne lea ka tatha ana thatada.

Fa Ṉu Abu ki 89:27

Ma ni nau kwai alu nia na kaluwane totonao nau, inoto ka tatha ana kiṉa eki i fanua na i iano.

Hibaru ki 12:2

Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.

Fa Ṉu Abu ki 110:1

Tha Jihova e soree isana Arai nau, Oki ono ibali aba aola nau, maasia si maṉa kwai adea maalimae oe ki kera do ni alu lana ’a’aemu ifafona.

Jone 17:5

Ma si maṉa eri, Maka ae, oki faainoto nau ani oe i talaamu ana inotoa ba na ku rikia bi oe si maṉa na fanua nei iano e ai si to u bana.

Fa Ṉu Abu ki 110:5

Arai Lo isana aba aola oe kai labukwadaṉia kiṉa ki afa boṉi ana rakeaṉoṉoa nia.

Si do na kera fatai nia 3:21

Wane na si nia kai tatha, nau kwai falea si kula eri ifana kai ono bi nau ana do ni ono la nau ana inotoa, ’uria lau boo si nau e tatha, ma ni nau ku ono bia Maka nau ana do ni ono la nia ana inotoa.

Luke 10:22

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Fa Ṉu Abu ki 91:14

Sulia liothau lana ne liothau faamau iaku, ni nau kwai faamaruki nia boo: nau kwai alu nia kai to iaa, uria ne thaitoomana thataku.

Si do na kera fatai nia 11:15

Ma fiuna angel ka ufia buṉu; ma si ṉata la baita ki ka fula mai i thalo iburiana, na keka una eri, Ṉa tooa fanua nei iano ni naa ifana Lord kia, ma Christ nia: ma nia kai inoto ka tatha toto si sui.

Si do na kera fatai nia 1:5

Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana:

II. Pita 1:17

Uria ne ṉalia atha God na Maka fare baita la ma inotoa, si maṉa na liṉana ṉata la e sifo mai i inotoa baita ka tatha, ne una eri, Kaluwane liliothaua nau fu nia, e lea iaku uri nia:

Kolose 1:18

Ma nia gwauna seedo eri, na ṉa figua: nia na thafali la, ulunao faisia toa na kera mae; fasi nia kai inoto ka tatha asi do ki sui.

Si do Aposela ki kera ilidaki 5:31

Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki.

Jone 13:3

Tha Jesus, ne thaitoomana na ṉa Maka e falea si do ki sui bana i abana, ma nia e lae mai ka ita atha God, ma kai oli lau isatha God,

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

Jone 17:11

Ma nau e ai kwasi to lau i fanua nei iano, sui toa nei ki keki to bada i fanua nei iano, ma nau kwai lae kau isamu. Maka Abu ae, oko beta suli kera ana thatamu no alaṉi nau ania, fasi ni kera tee do boo, ka ’uri koro.

Jone 17:12

Si maṉa ni nau ku to isada i fanua nei iano, ku beta sulida ana thatamu no alaṉi nau ania: ma nau ku fono toi kalida, me ai ta wane iada si aana, talitoona boo wane eri na kera tooa kai sui; fasi kekeda la abu ba kai mamana.

Efesasi 1:10

Uria si ra ne takofale nia ania asi maṉa na kai kokoto ania, fasi kai ofua si do ki sui bana atha Christ, si do nai thalo ki, ma si do nai fanua nei iano; ani nia,

II. Thesalonika 1:12

Fasi keki faainotoa thatana Lord kulu tha Jesus Christ ani kamulua, ma ni kamulua ani nia, sulaania lea la God kulu ma tha Lord Jesus Christ.

Hibaru ki 1:9

O liothau ana kokoto la, mo rikia abula la asi do kera lufia ka taa; Mania tha God, na God oe, e kiki oe Asi gwai ana seethathala la oki tatha inaofana toa na kera to ofu bi oe.

III. Jone 1:7

Uria na inunufana Thata eri kera lae kau, ma kesi ṉalia ta si asi do Jenetaele ki.