Filifae 2:2 - Ṉa Alaofua Falu 1923 1949

² Muki ilia na seethathala la nau kai mamana boo, si maṉa na muki to asi lio eri, amulua tee liothau la eri boo, muki to ana tee si manata la, ana tee si lio;

Filifae 2:2 Referans Kwoze

Roma 12:16

Muki to kwailiu ana tee si lio. Manatamulua si toto ana si do ana inotoa ki, kai oli uria si do ana thafee to faekwa la ki. Musi ala fafia liotooa kamulua i talaamulua.

I. Korinitha 1:10

Sui nau ku ṉata kwaitakoi isamulua, doora kera, ku soree isamulua ana thatana Lord kulu tha Jesus Christ, kamulua sui muki ṉata asi ṉata la ne totoo, musi to ana tafulu si lio; ma keki oolo kamulua muki to ofu ana tee si lio ma ana tee si manata la.

II. Korinitha 13:11

Si do iisi, doora kera, muki seethathala. Keki oolo kamulua; keki faainamaruki kamulua; muki to ana tee si lio; muki to ana enenoa; ma ṉa God ana liothau la ma enenoa kai to bi kamulua.

III. Jone 1:4

E ai ta do si faaseethathala nau ka tatha asi do eri, roṉo la sulia baree wela nau na keka abula ana mamana la.

Filifae 2:16

Na muki rau lalaa asi baea ana marukia; fasi nau kwai seethathala afa boṉi tha Christ, uria ni nau e ai kwasi tona fifita ma kwasi tona ululafu.

Si do Aposela ki kera ilidaki 2:46

Ma sulia boṉi kera seemabe ana figu la ana tee si lio i la biu baita tha God, keka nia berede i maafera kera ki, keka ania faṉa kera ana seethathala la ma ana tee si lio i ruruuda,

II. Jone 1:4

Ku seethathala faamau na nau ku fulatoona tei wela ana baree wela oe ki kera abula ana mamana la, uria lau boo ṉa Maka e soree isakulua.

II. Thesalonika 2:13

Ma mika sore lea ṉado atha God, e ai si ei boo, uri kamulua, doora kera na ṉa Lord e liothau ani kamulua, uria na tha God e fili kamulua ita i thafali la mai uria marukia ana faaabu lamulua la atha Spirit ma ana fitoona lana mamana la eri:

Kolose 2:5

Sulaania ku to mena i thara faisi kamulua ana seena imole, spirit nau ni isamulua, ku seethathala, ku rikia abula kokoto la kamulua, ma fitooa kamulua ne ṉado atha Christ.

Filifae 4:2

Ku soree isani Iuodia, ma ku soree isani Sidiki, moki to ana tee si lio ana ṉa Lord.

Filifae 2:20

Sulaania e ai akua ta wane na lione totoo bia lioku, na kai tala oga nia mamana boo uria to lamulua.

II. Korinitha 7:7

Ma ana talitoona bana fula lana e ai, ana inamaruki la eri lau boo na kera faainamaruki nia ania ani kamulua, si maṉa nia faaroṉo kamilia asi thathami la kamulua, ana liodila kamulua, asi do na kai oga kamulua uri nau; adedea kwa seethathala ka tatha.

II. Korinitha 2:3

Ma nau ku keda na ba si do eri boo isamulua, ada, si maṉa nau kwai fula, lioku kai dila uria toa eri ne kokoto kwai seethathala urida; uria nau ku fitoomulua asi kula eri, na seethathala la nau na seethathala la kamulua sui.

Si do Aposela ki kera ilidaki 5:12

Ma ana abana aposela ki kera ilia bala si do oro ki ma do ni kwele la ania ki i maalutana toa eki; ma kera figu ana tee si lio i la taofa tha Solomona.

Si do Aposela ki kera ilidaki 1:14

Wane eki sui boo kera seemabe ṉado ana tee si lio ana foa la ma ṉata fifi la ana foa la, bia kini eki, ma ni Meri thainana tha Jesus, ma doorana tha Jesus ki.

Filifae 1:4

Ma ana foa la nau ki uri kamulua sui boo, ta si maṉa si ei, ku foa ana seethathala la,

Jone 3:29

Wane na kini falu ni isana, ni nia ṉa wane seelea: sui wane ne ado bia wane seelea na kai takwe isana, ka roṉoa ṉata lana, kai seethathala faamau sulia ṉata lana wane seelea eri: mania seethathala la nau eri e too bonaa.

II. Timothi 1:4

Ku thathamia faamau kwai riki oe, ku manatatoona kafona maamu fasi kwai fuṉu ana seethathala la;

Si do Aposela ki kera ilidaki 2:1

Ma Taṉafula‐limana‐tafulu fa boṉi eri lalae e fula naa, kera sui kera ofu mai ana tee si kula.

Faelimone 1:20

Iu, doora, oki adea kwai seethathala ana ṉa Lord: oki adomia ruruuku kwai to lea lau ana ṉa Lord.

Fa Ṉu Abu ki 122:8

Inunufana dooraku kera ma toa na mili ado, nau kwai sorea si maṉa eri, Enenoa kai to bana ani oe.