Filifae 2:1 - Ṉa Alaofua Falu 1923 1949

¹ Mania mada sa ta si lio ni faainamaruki lana imole ni atha Christ, mado ta si lio ana faalea lana manatana imole ana liothau la, mado ta kwaimani lea la atha Spirit, mado ta ruruui imole ne lea ma si lio ni tatakomi la,

Filifae 2:1 Referans Kwoze

Kolose 3:12

Mania toa na tha God e fili kamulua, na mulu abu ma kera liothau ani kamulua, muka tooni asi do nai ki, si lio ni tatakomi la, ade lea la, abula seseka la, abula marabibi la, si lio ni doanita tatha la;

I. Jone 4:12

E ai ta wane si rikia tha God ana ta si maṉa: mada sa kuka liothau kwailiu ani kulu, tha God ka to ani kulu, ma liothau la nia kai sukwai teefau ani kulu:

II. Korinitha 13:14

Lea la tha Lord Jesus Christ, ma liothau la tha God, ma kwaimani lea la atha Spirit Abu, kai to bi kamulua sui boo. Emeni.

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

I. Korinitha 12:13

Uria ana tee Spirit kera babataesi kia sui ana tee see do, Ju ki mado toa i Girisi, toa na kera suuwanida keka tona ra mado toa na kera tonee to; ma kera ilia na kia sui boo kia kuu ana tee Spirit.

Fa Ṉu Abu ki 133:1

Rikia fasi, si abula la e lea me farana sa keki thathamia nai nia, doora kera keki to ofu ana tee si lio!

Galesia 5:22

Ma foee do atha Spirit na ṉa liothau la, seethathala la, enenoa, si lio ni doanita tatha la, adelea, abula thathaore la, abula lea la, abula mamana la,

Galesia 4:6

Ma uria na mulu kaluwane nia ki tha God e arasia mai Spirit Kaluwane nia uria ruruumulua na ka ’ai una eri, Aba, Maka ae.

Si do Aposela ki kera ilidaki 4:32

Ma malului wane eki sui boo na kera fitoo kera to ana tee si lio ma ana tee si manata: me ai ta imole si sorea si do ne rikidaki si do nia ki i talaana; si do kera ki si do i ofuane ki bana.

I. Jone 3:24

Ma wane na ka ade sulia si ṉata fifi nia ki ka to ani nia, ma ni nia ka to ana wane eri. Ma asi kula eri kulu thaitoomana na nia to ani kulu, atha Spirit ne falea ifakulua.

Jone 17:13

Ma si maṉa eri ku lae kau isamu; ma si do nei ki nau ku sorea i fanua nei iano, fasi ruruuda kai fuṉu ana seethathala la nau.

I. Jone 4:16

Ma kulu thaitoomana ma kuka fitoona naa liothau la eri na ni isatha God uri kulu. Tha God na ṉa liothau la; ma wane na ka to ana liothau la e to atha God, ma tha God ka to ani nia.

Filifae 3:3

Uria ni kulu toa ana kwai kakali la, na kulu faabaita tha God atha Spirit, ma kulu seethathala atha Christ Jesus, me ai kusi fitoona seena imole:

I. Korinitha 3:16

Musi thaitoomana na ni kamulua biu baita tha God, ma Spirit tha God ka to ani kamulua?

Roma 8:26

Ka ’uria lau boo tha Spirit kai adomia feda lakulua: sulaania e ai kusi thaitoomana foa la ne kokoto; tha Spirit ana talani nia kai lae isatha God uri kulu ana kwai baita la sulia si do na kera dora ania ṉata la sulidaki;

Roma 5:5

Ma manatatoo ṉado la eri e ai si faaseenoni kulu; uria na kera kikira liothau la tha God i la ruruukulua atha Spirit Abu na kera falea ifakulua.

Si do Aposela ki kera ilidaki 2:46

Ma sulia boṉi kera seemabe ana figu la ana tee si lio i la biu baita tha God, keka nia berede i maafera kera ki, keka ania faṉa kera ana seethathala la ma ana tee si lio i ruruuda,

I. Pita 1:2

Na kera fili kamulua sulia si do na tha God na Maka e thaitoomana totonao, ana faaabu lamulua la atha Spirit, uria ade la sulia ṉata lana ma uria taṉasi lamulua la ana abuna tha Jesus Christ: Lea la ma enenoa kai oro alaa iamulua.

Hibaru ki 6:18

Fasi ana ro si do ki ne ṉado, ne ai si tatala, ne afetai ka tatha sa tha God kai lole ania, keki faainamaruki kulu faamau, ni kulu na kulu thaka uria marukia fasi kuki rau asi do na kera alua inaofakulua na kuki manatatoo ṉado uria;

Filifae 1:8

Uria na tha God kai faamamanea si do nia thaitoomana suli nau, na nau ku thathami kamulua faamau sui boo ana ruruuna tha Jesus Christ.

Efesasi 4:4

Tee see do boo, ma tee Spirit, ’uria lau boo kera aili kamulua mai ana tee si do na muki manatatoo ṉado uria sulia aili la eri;

II. Korinitha 2:14

Ma keki sore lea ifatha God, na kai talai kamilia ṉado ana laea baita uria faainoto lana tha Christ, ma kai fatai nia ani kamilia do eri ne makwa lea, na ṉa thaitoomana la suli nia, ta kula si ei.

I. Korinitha 15:31

Iu, ’uria lau boo ku faabaita nau ani kamulua, atha Christ Jesus na Lord kulu, ku mae sulia boṉi.

Jone 14:27

Enenoa ku akwasia isamulua; enenoa nau, kwai falea iamulua: ’uria fale lana fanua nei iano e ai, kwai falea iamulua. I la ruruumulua si tataa, ma ka ai si mamaula.

Jone 14:18

Nau sa kwa akwasi kamulua muka inamae e ai: kwai lae mai isamulua.

Luke 2:25

Ma rikia fasi, tee nonii wane e to i Jerusalema, thatana tha Simiona; ma wane eri e kokoto ma ka faabaita tha God, kai maasia faainamaruki lana Isirela: ma tha Spirit Abu e to fafi nia.