Filifae 1:8 - Ṉa Alaofua Falu 1923 1949

⁸ Uria na tha God kai faamamanea si do nia thaitoomana suli nau, na nau ku thathami kamulua faamau sui boo ana ruruuna tha Jesus Christ.

Filifae 1:8 Referans Kwoze

Filifae 4:1

Mania, doora liliothaua nau ki na nau ku thathami kamulua faamau, do na nau ku seethathala ani kamulua ma do ni eregwau la nau, muki takwe ṉado una eri ana ṉa Lord, toa liliothaua nau ki.

Roma 1:9

Sulaania tha God kai faamamanea si do ne thaitoomana suli nau, nia na nau ku ra ifana ana spirit nau asi faaroṉoa lea sulia Kaluwane nia, ka sorea na nau ku ṉata suli kamulua ana foa la nau ki ta si maṉa si ei,

II. Timothi 1:4

Ku thathamia faamau kwai riki oe, ku manatatoona kafona maamu fasi kwai fuṉu ana seethathala la;

I. Thesalonika 2:8

Talafana, uria na mili thathami kamulua, mili seethathala ana fale lana, talitoona si faaroṉoa lea tha God ifamulua e ai, maṉomilia i talaamilia lau boo, sulaania mili riki kamulua ka lea faamau.

Roma 9:1

Nau ku ṉata mamana atha Christ, e ai kwasi lole, manataku kai faamamanea ofu bi nau si do ne thaitoomana suli nau atha Spirit Abu,

Faelimone 1:12

Na nau ku arasia kai oli kau isamu, mania oki thathagonia kau wane eri, ne ’uria ruruuku i talaaku:

Kolose 2:1

Uria nau ku thathamia muki thaitoomana aṉasi la na nau ku aṉasi faamau ania uri kamulua, ma uria toa nai Laodisia, ma uria toa eki sui boo na kesi rikia maaku i seena imole;

Galesia 4:19

Wela faekwa nau ki, na nau ku to lau ana fiwela la uri kamulua maakwalia si maṉa na keki thauwai nia tha Christ ani kamulua,

Galesia 1:20

Ma sulia si do eki na nau ku keda kau isamulua, rikia fasi, inaofatha God, nau kwasi lole.

II. Korinitha 7:15

Ma nia thathami kamulua ka tatha i ruruuna, si maṉa kai manatatoona na kamulua sui boo mulu ade sulia ṉata laku, na mulu thathagoni nia mai ana mau la ma ana leleba la.

II. Korinitha 6:12

Kamilia misi faaseseka faisi kamulua, ruruumulua bana ne faaseseka.

Luke 1:78

Sulia tatakomia i ruruuna God kulu, Na thato ne raraṉia fanue too mai ia e thai suli kulu sulia,

I. Jone 3:17

Ma ni tei bana ne rikii do asi do ana fanua nei iano ki, ma ka rikia doorana ka to ana rofe la, ma ka fonoa tatakomia nia faisia, nifana ade lana na liothau la tha God ka to ana wane eri?

Faelimone 1:20

Iu, doora, oki adea kwai seethathala ana ṉa Lord: oki adomia ruruuku kwai to lea lau ana ṉa Lord.

I. Thesalonika 2:5

Sulaania kesi fulatoomilia ana atona bana ta si maṉa na mili ṉata gafogafo, do mulu thaitoomana neri, mado na mili thathamii ṉali thaufuni asi do ta wane, tha God ana e faamamanea si do nia thaitoomana sulia;

Kolose 3:12

Mania toa na tha God e fili kamulua, na mulu abu ma kera liothau ani kamulua, muka tooni asi do nai ki, si lio ni tatakomi la, ade lea la, abula seseka la, abula marabibi la, si lio ni doanita tatha la;

Filifae 2:26

Sulaania e thathami kamulua faamau sui, me taa faamau iana, uria na mulu roṉoa ne matai:

Filifae 2:1

Mania mada sa ta si lio ni faainamaruki lana imole ni atha Christ, mado ta si lio ana faalea lana manatana imole ana liothau la, mado ta kwaimani lea la atha Spirit, mado ta ruruui imole ne lea ma si lio ni tatakomi la,

II. Korinitha 13:9

Uria na mika seethathala, si maṉa ni kamilia mili feda, ma ni kamulua muka sukwai: mili foa lau boo uria si do eri boo, na keki oolo kamulua.

Galesia 3:26

Uria ni kamulua sui boo kaluwane tha God ki, uria fitooa, atha Christ Jesus.