Filifae 1:7 - Ṉa Alaofua Falu 1923 1949

⁷ Ma si do kokoto neri na manataku kai una eri uri kamulua sui, uria na mulu to ana ruruuku, sulaania, ana kani la na kera kani nau ania, ma ana luu lana si do na kera alaṉia si faaroṉoa lea ania, ma ana faaṉado lana, kamulua sui boo mulu ṉalia lau boo ta si ana lea la na ni nau ku ṉalia.

Filifae 1:7 Referans Kwoze

II. Korinitha 7:3

Nau kwasi sorea si do eri fasi kwa alaṉi kamulua ana ta si do: uria nau ku sorea naa, na muka to i ruruumilia fasi kuki mae ofu ma kuki maruki ofu.

Filifae 1:5

Uria kwaiadomi la na mulu kwaiadomi ania asi faaroṉoa lea ita afa boṉi totonao ka fula asi mana eri;

II. Timothi 2:9

Si do eri na nau ku to ana taa la uria ka fula ana kani la, ’uria ta wane ne abula taa; sui bae lana tha God kesi kani fafia.

Kolose 4:18

Nata laku tha Polo ana abaku i talaaku nai nia. Muki onotoona kani la na kera kani nau ania. Lea la kai to bi kamulua. Emeni.

Filifae 4:14

Una ena mena, mulu abula lea asi kula eri, na mulu kwaimani lea bi nau ana adomi laku la ana taa la na nau ku to ania.

Efesasi 6:20

Na nau wane ni ṉaliṉata ania fafia nailii thalo nania; fasi nau kwai ṉata seeraa sulia, ’uria si ṉata ne kokoto ifaku.

Efesasi 3:1

Uria si kula eri ni nau tha Polo, wane tha Jesus Christ na kera suusi nau i la lokafu uri kamulua Jenetaele ki, —

Si do Aposela ki kera ilidaki 20:23

Talitoona si do eri, tha Spirit Abu ka faamamanea si do ne thaitoomana isaku i la toaa susu ki sui bana, ka ṉata sulia nailii thalo ki ma to la ana taa la ki na kai maakwali nau.

I. Jone 3:14

Kulu thaitoomana na kulu tatha naa faisia maea uria marukia asi kula eri, na kulu liothau ana baree wai doorana. Wane ne ai si liothau ana doorana e to bana ana maea.

II. Pita 1:13

Iu, manataku ne kokoto, si maṉa nau kwai to ana ooba nei, nau kwai tharasi kamulua ana faaroṉo lamulua la lau fasi muki onotoona;

I. Pita 4:13

Ma uria na mulu ṉalia tei si ana taa la tha Christ ki, muki seethathala ania; fasi asi maṉa na toto keki fatai nia lau boo inotoa nia, muki bii seethathala ana seethathala la ne baita ka tatha.

Hibaru ki 3:1

Mania, doora abu ke ra, na amulua si aili la ita mai i thalo, muki lio uria Aposela ma Aofia ni Foa na kulu faamamanea, tha Christ Jesus neri;

II. Timothi 1:8

Mania osi seenoni asi do na kera faamamanea sulia ṉa Lord kulu, mado ani nau, wane nia na kera suusi nau i la lokafu: ni oe lau boo oki to ana taa la ifana si faaroṉoa lea ana sukwaia tha God;

I. Thesalonika 5:5

Ni kamulua sui mulu kaluwane lalaa la ki, ma kaluwane ṉa thato ki: kulu do ana gaufai e ai, ma do ana maerodo ka ai;

Kolose 4:3

Ma muki foa uri kamilia lau boo, fasi tha God kai ifinia maa ifamilia ifana si baea eri, miki ṉata sulia si do tha Christ ne toto thaufuni, si do na kera kani nau lau boo fafia;

Efesasi 4:1

Mania ni nau, wane ana ṉa Lord na kera suusi nau i la lokafu, ku ṉata kwaitakoi ku soree isamulua muki abula ana abula la ne farana aili la eri na kera aili kamulua mania,

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

II. Korinitha 3:2

Ni kamulua leta kamilia, na kera keda i ruruumilia, na toa na fanua kera thaitoomana ma kera teemai nia;

I. Korinitha 13:7

Ka thu fafia si do ki sui boo, ka faamamanea si do ki sui boo, ka manatatoo ṉado uria si do ki sui boo, ka susuu asi do ki sui boo.

I. Korinitha 9:23

Ma nau ku ilia si do ki sui boo inunufana si faaroṉoa lea eri, fasi kwai toliṉia.

Si do Aposela ki kera ilidaki 21:33

Sui wane inoto eri ka idu karaṉia, ka rau ani nia, ka sorea keki kania ana ro nailii thalo ki; ma ka soetoona, Tei nena, ma si ta ne ilia?

I. Pita 5:1

Wane ulunao ki i maalutamulua ku soree isada, ni nau wane ana ulunao la ni lau boo bi kera, na ku faamamanea si do nau ku rikia naa ana taa la tha Christ e toto ania, ma kwai ṉalia lau boo ta si ana inotoa eri na toto keki fatai nia:

Filifae 1:12

Sui nau ku thathamia muki thaitoomana, doora kera, na si do be fulatooku e fula mai ana adomi lana si faaroṉoa lea kai sukwai alaa;

Filifae 1:13

Adedea kani la na kera kani nau ania inunufatha Christ e to fatai isana omea ni sui na kera toi faisia wane inoto, ma isana toa eki sui boo;

Filifae 1:14

Ma oroṉana baree wai doorana ana ṉa Lord, uria na fitooa kera e baita sulia kani la na kera kani nau ania, kera seeraa ka tatha fasi keka ṉata sulia bae lana tha God mau la e ai faisida.

Filifae 2:22

Ma mulu ilitoona mamana lana wane eri, na, ’uria lau boo wela bia maka nia, e ra bi nau ana ra eri ifana si faaroṉoa lea.

Filifae 4:3

Ma nau ku ṉata kwaitakoi isamu lau boo, wane mamana no ra ofu bi nau, fasi oki adomia ro kini eki, uria na kera ululafu ana ra la bi nau asi faaroṉoa lea, bia tha Kelemeni lau boo, ma tei toa lau na kera ra bi nau, na thatada ni la buka ana marukia.

Filifae 4:15

Ma ni kamulua, toa nai Filifae, mulu thaitoomana, na ana thafali lana si faaroṉoa lea, si maṉa na nau ku lalae faisia Masedonia na ba, e ai ta figua lau si toto kwaimani bi nau fafia kekeda la sulia fale la ma ṉali la, ma talifili kamulua boo;

Faelimone 1:13

Na nau ku thathamia sa ka to bi nau, fasi nia kai ra ifaku uri oe maṉa na kera kani nau fafia si faaroṉoa lea: