Filifae 1:6 - Ṉa Alaofua Falu 1923 1949

⁶ Sulaania ku thaitoomana lea si do eri boo, na ni nia ne thafalia mai si ra lea ani kamulua kai faasuia kai mamana maakwalia fa boni tha Jesus Christ:

Filifae 1:6 Referans Kwoze

Filifae 2:13

Sulaania tha God ana ne ra ani kamulua muka thathamii ra ma muka ra lau boo, uria si do ni nia e thathamia.

Efesasi 4:12

Uria faasukwai teefau la ana toa abu eki, uria ra la asi ra ifada, uria faatae lana seena tha Christ:

I. Pita 5:10

Ma tha God ana lea la ni sui bana, ne aili kamulua mai atha Christ Jesus uria inotoa nia ne to tatha, buriana na mulu toto ana taa la ana kasi maṉa seseka, talani nia kai faasukwai teefau ani kamulua, kai faatakwe kamulua, kai faaṉado kamulua

Fa Ṉu Abu ki 138:8

Tha Jihova kai adea na si ade la suli nau kai lea bonaa; Jihova ae, tatakomia oe ka toto si sui: ada oko luka faekwa asi do eki no thauwai nia ana ro aba oe ki italaamu.

I. Korinitha 1:8

Na kai faaṉado kamulua lau boo ka fula ana susui la, muki dodoloa afa boṉi eri na Lord kulu tha Jesus Christ.

II. Thesalonika 1:11

Ma uria si kula eri mili foa ṉado lau boo uri kamulua, fasi God kulu manatana na muki farana aili la ne aili kamulua mania, ma fasi kai adea do eki sui bana na lea la nia e thathamia, ma ra eri ana fitooa, kai mamana boo ana sukwaia;

Hibaru ki 10:35

Mania musi naṉa ania seeraa la kamulua eri, na keki duua ana kwaiara baita.

Jone 6:29

Tha Jesus e luuda, ka soree isada, Ra tha God nania, muki fitoona wane ne arasia mai.

Filifae 1:10

Fasi muki ala fafia si do ne lea ka tatha ki; fasi muki thathaulia ma dodoloa maakwalia fa boṉi tha Christ;

Hibaru ki 12:2

Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.

I. Thesalonika 1:3

Uria na mili manatatoona, ta si maṉa si ei, ra kamulua ana fitooa ma ulafu la kamulua ana liothau la ma si lio ni susuu la na mulu manatatoo ṉado ania uria si do ki ana Lord kulu tha Jesus Christ, inaofana God kulu na ṉa Maka kulu;

Faelimone 1:21

Uria nau ku fitoomu noki ade sulia ṉata laku, ku kekeda kau isamu, sulaania nau ku thaitoomana noki ilia ka tatha mena asi do nau ku sorea.

Filifae 1:29

Sulaania kera falea si kula eri iamulua inunufatha Christ, talitoona na muki fitoona e ai, na muki to ana taa la lau boo inunufana:

II. Thesalonika 3:4

Ma mili fitoona ṉa Lord uri kamulua, na mulu ilia si do eki na mili sorea bia muki ilia boo.

Kolose 2:12

Uria na kera kwaiṉei kamulua bi nia ana babataesi la eri, si kula na kera tatae kamulua lau boo bi nia uria fitooa kamulua eri ana ra lana tha God, ne tatae nia faisia toa mae ki.

II. Korinitha 7:16

Mania ku seethathala uria asi do ki sui boo ku manatatoo ṉado uria si do lea ki ifani kamulua.

Si do Aposela ki kera ilidaki 11:18

Ma si maṉa na kera roṉoa si do eki, keka bona bada, sui kera taṉoa tha God, keka una eri, O ma Jenetaele ki lau boo tha God e falea manata akele la ifada uria marukia.

Si do Aposela ki kera ilidaki 16:14

Ma tee kini, thatana ni Lidia, na ra nia usi la asi maku momothelaa ki, kini ana toaa susu i Thaeatira, ne faabaita tha God, e roṉo kamilia: ma tha Lord e ifinia ruruuna, adedea nia fale nia ana manatatoona lana si do na tha Polo e soredaki.

Galesia 5:10

Ku fitoomulua ana ṉa Lord, na manatamulua sa ka eeta faisia manataku e ai: ma ni tei bana na ka sore kamulua kai ṉalia kwae lana.

II. Pita 3:10

Ma fa boṉi tha Lord kai fula bomai ’uria wane na ka bili la rodo; fa boṉi na thalo lo ki kai sui naa ana alifeo la baita, ma si do totonao ki ne ofu asi do ki kai thaka kwailiu uria era ne aako faamau, ma fanua nei iano ma si ra nai iei ki kai akofi teefau ania.

II. Korinitha 9:4

Ada mado e ai, mada sa tei toa i Masedonia keki fula bi nau, ma keki fulatoomulua na musi fifarao, keka faaseenoni kamilia (fasi kwasi sorea keka faaseenoni kamulua) sulia takofale la eri.

II. Korinitha 2:3

Ma nau ku keda na ba si do eri boo isamulua, ada, si maṉa nau kwai fula, lioku kai dila uria toa eri ne kokoto kwai seethathala urida; uria nau ku fitoomulua asi kula eri, na seethathala la nau na seethathala la kamulua sui.

II. Korinitha 1:15

Ma sulaania nau ku faamamanea si kula eri, manataku inao sa kwa fula isamulua totonao, fasi amulua lau ta lea la;

Filifae 2:12

Mania, toa liliothaua nau, ’uria lau boo na mulu adede ṉado sulia si do ba ki, ana talitoona si kada na nau ku toto isamulua e ai, si maṉa eri na nau kwasi ni mena isamulua muki ilia ka suka ni tatha, muki fa’ara marukia kamulua i talaamulua ana mau la ma leleba la;

Filifae 2:16

Na muki rau lalaa asi baea ana marukia; fasi nau kwai seethathala afa boṉi tha Christ, uria ni nau e ai kwasi tona fifita ma kwasi tona ululafu.