Efesasi 5:3 - Ṉa Alaofua Falu 1923 1949

³ Ma oe la toa na kera oe fafia kwaida, ma oe la ni sui bana, mado thathami lana si do kera ki, boro sa ṉata la ni mena, kesi ṉata sulia i maalutamulua, sulia si do ne farana toa abu;

Efesasi 5:3 Referans Kwoze

Kolose 3:5

Mania muki faamaea si do na ana seemulua ki na ni fanua nei iano; oe la, manata taa la, si lio ni oea, thathami lana do taa, ma thathami lana si do kera ki, si do eri na ṉa foa la ana god eeta ki;

Efesasi 5:5

Sulaania mulu thaitoomana mamana si do eri nai nia, e ai ta wane ni oe la, mado wane taa, mado wane ne thathamia si do kera ki, wane ne foa ana god eeta neri, si fulatoona ta si do ana tooa tha Christ ma tha God.

I. Thesalonika 4:3

Uria na si do na tha God e thathamia neri, na faaabu lamulua la, na muka to faisia oe la;

I. Korinitha 6:18

Muki thaka faisia oe la. Abula taa la ki sui boo na wane kai abula taa ania ka to mai i thara faisia seena; ma nia na kai oe kai abula taa iana seena i talaana.

I. Thesalonika 4:7

Uria na tha God e ai si aili kulu uria manata taa la, ana faaabu lakulua la bana.

I. Korinitha 6:13

Si do ana faṉa ki ifana rakena imole, ma rakena imole ifana si do ana faṉa ki: sui tha God toto kai faaaia rakena imole ma si do ana faṉa ki lau boo. Ma seena imole do ifana oe la e ai, do ifana ṉa Lord neri; ma ṉa Lord ifana seena imole:

Efesasi 5:12

Uria si do na kera ili thaufuni ania talitoona ṉata la mena sulia e faaseenoni.

Mathui 15:19

Sulaania si lio taa ki kai lae mai faisia ruruuna wane, thauwanea, oe la, oe la toa keki oe fafia kwaida, bili la ki, lole la fafia imole, ṉata taa la seena imole:

Si do na kera fatai nia 2:21

Ma nau ku alamatania kai suka to si ana fasi sa kai akeletania manatana faisia oe la nia; ma manatane lalakwee akele faisia.

I. Korinitha 10:8

Bia kusi oe, ’uria lau boo tei toa iada kera oe bada, ma ro molee wane ma ulu tooni wane iada kera funu ana tee fa boṉi.

Si do na kera fatai nia 22:15

Uria na koito ki ni thara, ma toa ba ki na kera ra ana sukwaia spirit taa ki, ma toa ba ki ni oe la, ma toa ba ki ni thauwane la, ma toa ba ki ni foa la ana god eeta ki, ma ni tei bana ne thathamia lole la ma kai lole ana.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

Si do na kera fatai nia 2:14

Ma sui manataku e teo ana ṉadee si do uri oe, uria na tai toa ni isamu i kula eri na kera bira fafia kwaifamanatai la tha Balama, ne tooa isatha Belaka kai naṉa asi do ana lakwadora la ania inaona kwalafa tha Isirela, keki ania do ni foa la na kera faledaki ana god eeta ki, ma keki oe.

I. Korinitha 5:1

Kera sorea mena oe la e ni maalutamulua, ma oe la na Jenetaele ki mena e ai kesi oe ania, na tee nonii wane e tolea kwaina maka nia.

Si do na kera fatai nia 9:21

Ma kes akeletania manatada faisia thauwane la kera ki, mad ra la kera ana sukwaia god eeta ki, mado oe la kera ki, mado bili la kera ki.

II. Pita 2:3

Ma ana thathami lana si do kamulua ki ana bae lada ne ai si mamana keki rofea si do na keki toda ani kamulua: ma kwae lada na kera sorea dini u mai inao kai fula fofoa mai, ma si do na kai labatanida e ai si biṉa mai sula tale.

Hibaru ki 12:16

Ada ta wane ni oe la ka toto bana, mado ta wane eeta faisia tha God, ’uria tha Iso, ne usi, uria ta si faṉa ne ania ana tee si maṉa boo, asi do nia i talaana na kai tae fuli ania ana maka nia.

II. Korinitha 12:21

Ada, maṉa kwai fula lau isamulua, God nau kai alu faekwa iaku inaofamulua, ma lioku kai dila uria toa oro ana toa eki na kera abubula taa ka fula asi maṉa eri, ma kesi akeletania manatada faisia do taa ma oe la ma daidei la na kera ililidaki.

Taetasi 2:3

Na kini ki lau boo na kera kukue naa riki lada kai farana toa abu ki, kesi lole fafia imole ma kesi fale kera ana kuu la ana waene oro, keki toa ni kwaifamanatai asi do lea ki;

II. Timothi 3:2

Uria na wane ki keki liothau ani kera i talaada, keki liothau ana malefo, keki uunaoda, keki fafakao kera, keki ṉata ni faretoliṉi lana imole, keki ade faisia ṉata lana maka kera ki ma thainada, kesi sore lea, keki taa,

Si do Aposela ki kera ilidaki 15:20

Kuki keda si kula eri isada, keki to faisia si do eki ana god eeta ki na ka faasua kera, ma faisia oe la, ma fai sia seena do na kera lioa ki, ma faisia abuna do ki.

II. Pita 2:14

Maada ka lio ni oea, ma abula taa lada e ai si sui; keki gafoa imole ruruuda si ṉado ki; manatada ka thaitoomana lea gafogafoa; baree wela na taa la kai to fafida;

II. Pita 2:10

Ma imole eki u boo na kera abula sulia seena imole asi thathami la ne faataali kera, ma keka fare faekwa ana toa gwauwai ki. Kera seeraraa, keka naunibaita, kesi leleba si maṉa na keki ṉata taa i seena toa inoto faamau ki:

I. Pita 5:2

Muki tharea aini sifi tha God na ni maalutamulua, muki fono toi kakalida, ’uria sa keka suuwai nia iamulua e ai, ma liomulua na kai ilia; uria malefo ne faataali kia e ai, muki fifarao uria ana manatamulua;

Taetasi 1:11

Toa noki faabona kera e ai si ei boo; wane ki na kera tole garo ana baree wela ki sui, uria na kera tooa si do ne ai si kokoto ki, uria malefo ne faataali kia.

Taetasi 1:7

Sulaania wane nanao kai dodoloa e ai si ei boo, ’uria wane na kera takofale nia asi do tha God ki; wane ni susuu la lau bana asi do nia thathamia i talaana e ai, wane ne rakeiri fofoa ka ai, e ai si kuu baita ana waene, e ai si firu ana abana, e ai si ogogoni ana malefo ne faataali kia;

I. Timothi 3:3

E ai si kukuufia waene, e ai si firu ana abana, e ai si ogogoni ana malefo ne faataali kia; kai abula thathaore, si thathamii oli susuu, e ai si thathamia si do kera ki;

I. Timothi 2:10

Keki lauṉi asi ra lea ki (si do ne farana kini ki na keki sorea kera fare baita atha God).

Filifae 1:27

Tee si do boo, abula lamulua kai farana si faaroṉoa lea tha Christ: fasi, mada sa kwa fula kwa riki kamulua mado kwa to mai i thara faisi kamulua, kwai roṉoa to lamulua, na muki takwe ṉado ana tee spirit, ma ana tee si manata muki aṉasi ana ra ofu la ifana si do eki na kulu fitoona na si faaroṉoa lea;

Roma 16:2

Fasi muki thathagoni nia kau ana ṉa Lord, ana ade la ne farana toa abu ki, ma muki adomi nia ana atona bana ta si do na nia kai rofe uria ana adomi lana la: uria ni nia lau boo e aadomia toa oro, me adomi nau i talaaku.

Roma 6:13

Bia musi falea si do na ana seemulua ki ifana abula taa la ana do ni ra la ki asi lio ne ai si kokoto; muki fale kamulua ifatha God, ’uria toa na muka maruki faisia toa mae ki, ma si do na ana seemulua ki na do ni ra la ki ana kokoto la ifatha God.

Roma 1:29

Uria na kera faafuṉu kera asi abula la ni sui bana ne ai si kokoto, oe la, taa la, thathami lana si do kera ki, si lio ne taa; kera fuṉu ana uga la, thauwane la, firu la, lole la, manata taa la; kera toa ana fuaro la,

Si do Aposela ki kera ilidaki 20:33

Nau e ai kwasi thathamia silifa ta wane, mado goloda nia, mado si maku nia.

Luke 16:14

Ma Farisi ki lau boo, toa na kera liothau ana malefo, kera roṉoa si do eki sui boo; ma keka sumakwa ania.

Fa Ṉu Abu ki 119:36

Falea mai si lio i ruruuku kwa thathamia faamamane la oe ki, ma kwasi thathamia si do kera ki.

Fa Ṉu Abu ki 10:3

Uria na wane taa ka faabaita nia sulia si do ruruuna e thathamia, ma wane ne thathamia si do kera ki ka ekwa atha Jihova, iu, ka faare faekwa ani nia.

I. Timothi 6:10

Sulaania thathami lana malefo na ṉa laila si do ki sui bana ne taa: na tei toa na keka tekwasia abada sa keki ra uria kera tala faisia si do eki na kulu fitoona, ma keki tala thaukwadaṉia seeda i talaada ana taa la oro ki.

Luke 12:15

Ma nia ka soree isada, Muki fia, ma muki beta kamulua faisia thathami lana ta tee si do mena asi do kera ki: uria na marukia imole e ai si ni ana do oro ne riki daki.