Efesasi 4:6 - Ṉa Alaofua Falu 1923 1949

⁶ Tee God na Maka kulu ni sui, ne tatha inaofakulua sui, ma ka ra ani kulu sui, ma ka to i ruruumulua sui boo.

Efesasi 4:6 Referans Kwoze

Roma 11:36

Uria si do ki sui bana ita mai ani nia, ma ka uri nia, ma ani nia. Keki fare inoto ani nia toto si sui. Emeni.

I. Korinitha 8:6

Sui ifakulua tee God boo, ṉa Maka, ne futaṉai nia si do ki sui bana, ma ni kulu kuka to ifana; ma tee Lord boo, na tha Jesus Christ, na si do ki sui bana ka ita mai ani nia, ma ni kulu ita lau bomai ani nia.

Jone 20:17

Tha Jesus ka soree isana, Osi sua nau; uria ni nau e ai kwasi tae u isana Maka nau: oko lae isana dooraku kera, oko faaroṉo kera, Nau kwai tae kau isana Maka nau ma Maka kamulua, isana God nau ma God kamulua.

I. Jone 3:24

Ma wane na ka ade sulia si ṉata fifi nia ki ka to ani nia, ma ni nia ka to ana wane eri. Ma asi kula eri kulu thaitoomana na nia to ani kulu, atha Spirit ne falea ifakulua.

Mathui 6:9

Mania muka foa ka una eri: Maka kamilia no ni thalo, Keki faaabua thatamu.

II. Korinitha 6:16

Ma ta si ta fetei na biu baita tha God kai kwaimani fafia bia god na kesi mamana ki? uria ni kamulua biu ṉa God maruki; ’uria si do na tha God e sorea, be una eri, Nau kwai to ani kera, ma kwai abula ani kera; ma ni nau kwai God kera, ma keki toa nau ki.

I. Korinitha 12:6

Ma si do tataka ki na kera ra ania, sui tee God boo, na ka ra asi do ki sui bana ana imole eki sui boo.

GENESIS 14:19

Ma wane eri ka alua lea la fafi nia, ka una eri, Lea la kai to fafia tha Aberamo, do ita mai atha God ne Inoto ka Tatha, na do nia ki u boo na thalo lo ma fanua na i iano:

Efesasi 6:23

Enenoa ifana baree wai doorana eri, ma liothau la bia fitooa, ita atha God na Maka ma tha Lord Jesus Christ.

Efesasi 3:17

Fasi tha Christ kai to i ruruumulua ana fitooa; adedea, na keka faaṉadoa lalimulua ana liothau la,

Efesasi 2:22

Ma kera ofu kamulua lau boo ani nia kamulua na biu na tha God kai to iei atha Spirit.

Jone 17:26

Ma nau ku fafaaroṉo kera ana thatamu, ma kwai faaroṉo kera ania; fasi liothau la eri no liothau iaku kai to ani kera, ma ni nau ani kera.

Jone 14:23

Tha Jesus e luua, ka soree isana, Mada sa ta wane ka liothau iaku, nia kai ade sulia bae laku: ma Maka nau kai liothau ani nia, ma kamarea meki lae kau, meki to ana kadee biu kamarea isana.

Mathui 6:13

Ma osi talai kamilia isana bae aliṉa la, oki suusi kamilia faisia tha Taa, sulaania na do oe na ṉa tooa, ma ṉa sukwaia, ma ṉa inotoa, toto si sui. Emeni.

Fa Ṉu Abu ki 95:3

Uria na God inoto na tha Jihova, na Kiṉa ne inoto ka tatha ana god eki sui bana.

Efesasi 1:21

Ka inoto ka tatha faamau ana toa eki sui bana na kera tatha inao, ma naona toa ki, ma toa sukwai ki, ma toa gwauwai ki, ma atona bana ta si do na kera sorea thatana, talitoona bana i kada nei e ai, i kada eri lau boo na ni u mai: