Efesasi 4:4 - Ṉa Alaofua Falu 1923 1949

⁴ Tee see do boo, ma tee Spirit, ’uria lau boo kera aili kamulua mai ana tee si do na muki manatatoo ṉado uria sulia aili la eri;

Efesasi 4:4 Referans Kwoze

Efesasi 2:18

Sulaania kulu sui ana tee Spirit kulu idu karaṉia ṉa Maka ani nia.

Efesasi 4:1

Mania ni nau, wane ana ṉa Lord na kera suusi nau i la lokafu, ku ṉata kwaitakoi ku soree isamulua muki abula ana abula la ne farana aili la eri na kera aili kamulua mania,

Efesasi 1:18

Keki ifinia maana wane nai ruruumulua, fasi muki thaitoomana si do eri ne manatatoo ṉado uria si maṉa ne aili kulu mai, ma si do eki na nia kai rikii do ania uria faainoto lana la na nia kai fulatoona ana toa abu eki,

I. Korinitha 12:20

Ma si maṉa eri si do ki na ana seena imole ka oro, ma ka ofu ana tee see do boo.

Kolose 1:5

Sulaania si do lea eri na mulu manatatoo ṉado uria na kera alua maakwali kamulua i thalo lo, si do eri na mulu roṉoa mai inao asi baea sulia mamana la eri na si faaroṉoa lea,

Efesasi 5:30

Sulaania kulu si do ki na ana seena, ana marikona ma ogina.

I. Jone 3:3

Ma ni tei na ka manatatoo ṉado uria si do eri ani nia kai faafalu nia i talaana, ’uria lau boo ni nia e falu.

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.

Taetasi 2:13

Kuki maakwalia ṉado si do na kera taṉoa na kulu manatatoo ṉado uria na ṉa fatai lana inotoa God baita kulu ne faamaruki kulu, tha Jesus Christ neri;

Taetasi 1:2

Ana manatatoo ṉado la uria marukia tatha, do na tha God, ne dora ania lole la, e alaṉai nia to u asia mai inao ne ai si sui;

II. Thesalonika 2:16

Ma Lord kulu tha Jesus Christ talani nia, ma tha God na Maka kulu ne liothau ani kulu me faainamaruki kulu ana inamaruki la na kai to tatha me falea si do lea na kulu manatatoo ṉado uria ana lea la,

Kolose 3:15

Ma enenoa tha God kai inoto i la ruruumulua, si do eri lau boo na kera aili kamulua mai uria ana tee seedo; ma muki sore lea.

Efesasi 2:22

Ma kera ofu kamulua lau boo ani nia kamulua na biu na tha God kai to iei atha Spirit.

Efesasi 2:16

Ma fasi kai adea ro si do eki keko kwaimani lau bia tha God ana tee see do uria ’ai rarafolo eri, uria ne thauṉia firu la eri ka mae ania:

Mathui 28:19

Mania muki lae, muki to’oa si do ki isana kulee toa ki sui bana, muki babataesi kera ana thatana ṉa Maka ma ṉa Kaluwane ma tha Spirit Abu:

Taetasi 3:7

Fasi, uria na kera ala fafia kokoto lakulua uria lea la nia, kuki inamaruki ana Maka kulu asi do na kulu manatatoo ṉado uria na ṉa marukia tatha.

I. Timothi 1:1

Polo, Aposela tha Jesus Christ sulia si ṉata fifi tha God ne faamaruki kulu, ma tha Lord Jesus Christ na kulu manatatoo ṉado uria;

I. Korinitha 10:17

Uria na ni kulu, na kulu oro mena, kulu tee fa berede, tee seedo: uria na kulu sui boo kuka ania ta si ana tee fa berede eri.

II. Korinitha 11:4

Uria mada sa ta wane e lae mai ka ṉata sulia ta Jesus ne eeta, na kamilia misi ṉata sulia, mado muka ṉalia spirit eeta, ne ai musi ṉalia, mado si faaroṉoa lea ne eeta, na musi alala fafia, muki ade lea si maṉa na muki doanita ania.

Si do Aposela ki kera ilidaki 15:11

Ma kulu fitoo na keki faamaruki kulu ana lea la tha Lord Jesus Christ, alafana lau boo ni kera.

Roma 11:29

Uria tha God ka ai si akeletania manatana faisia si do ne tona faledaki ma aili la ne ailia mana imole.

Fa Ṉu Abu ki 122:8

Inunufana dooraku kera ma toa na mili ado, nau kwai sorea si maṉa eri, Enenoa kai to bana ani oe.