Efesasi 4:16 - Ṉa Alaofua Falu 1923 1949

¹⁶ Ma see do eri sui boo na kera thauwai lea ania ma kera ladoa ka rao uria si do na lado la eki sui boo ka falea, ta do boo si kula nia, ma ta do boo si kula nia, sulia ra lana ne talaana, kai tala adea see do eri kai baita alaa ani nia, ma kai tala tola alaa i talaana ana liothau la.

Efesasi 4:16 Referans Kwoze

Kolose 2:19

Me ai si rau ana ṉa Gwau, na seedo eri sui boo, na lado la eki ma si lalali eki ka faasukwaia ma ka ladoa ka rao, kai baita alaa ani nia ana baita la ne ita mai atha God.

Jone 15:5

Nau na ṉa faene, kamulua ṉa tharee do ki: wane na kai to ani nau, ma ni nau ani nia, wane eri kai fuṉu ana foee do oro ki: uria ni nau e ai faisi kamulua musi talaana ili lana ta si do.

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

Efesasi 4:12

Uria faasukwai teefau la ana toa abu eki, uria ra la asi ra ifada, uria faatae lana seena tha Christ:

I. Korinitha 13:13

Ma si maṉa eri fitooa ka to bana, ma manatatoo ṉado la uria si do lea ki, ma liothau la, ulu si do eki; ma si do iada ne baita ka tatha na ṉa liothau la.

Efesasi 4:15

Ma uria na kuka sorea si do ne mamana ana liothau la, kuki baita alaa asi do ki sui bana, kuki farana wane eri na gwaukulua, tha Christ neri;

I. Timothi 1:5

Ma gwauna si ṉata fifi eri na ṉa loithau la ne ita ana rurui imole ne thathaulia ma asi lio ne lea ma fitooa na kesi lole ania:

I. Thesalonika 2:13

Ma uria si kula eri mili sore lea atha God ta si maṉa si ei, uria na, si maṉa na mulu ṉalia bae lana tha God ani kamilia, mulu ala fafia mala bae lana imole ki e ai, mala bae lana tha God, ma do eri boo nania, do ne ra lau boo ani kamulua na mulu fitoo.

Filifae 1:9

Ma si do kwai foa uria nai nia, na liothau la kamulua kai baita alaa ana thaitoomana lana si do ki ma ana manata lea la faamau;

Efesasi 3:17

Fasi tha Christ kai to i ruruumulua ana fitooa; adedea, na keka faaṉadoa lalimulua ana liothau la,

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

Efesasi 3:7

Na kera alu nau ṉa wane ni ra la ania, sulia lea lana tha God neri na kera tona falea iaku sulia ra lana sukwaia nia.

Efesasi 1:4

’Uria lau boo e fili kulu ani nia si maṉa na kesi boa u fanua nei iano, fasi kuki abu ma kuki dodoloa inaofana ana liothau la:

Galesia 5:22

Ma foee do atha Spirit na ṉa liothau la, seethathala la, enenoa, si lio ni doanita tatha la, adelea, abula thathaore la, abula lea la, abula mamana la,

I. Jone 4:16

Ma kulu thaitoomana ma kuka fitoona naa liothau la eri na ni isatha God uri kulu. Tha God na ṉa liothau la; ma wane na ka to ana liothau la e to atha God, ma tha God ka to ani nia.

II. Thesalonika 1:3

Mika sore lea ṉado atha God, e ai si ei boo, uri kamulua, doora kera, ma do kokoto neri, uria na fitooa kamulua ka tae ka baita alaa, ma liothau la kamulua uri kamulua kwailiu sui boo ka oro ka tatha;

I. Thesalonika 3:12

Ma ṉa Lord kai adea liothau la kamulua kai baita alaa uri kamulua kwailiu, ma uria wane ki sui boo, ’uria lau boo liothau la kamilia uri kamulua;

I. Thesalonika 1:3

Uria na mili manatatoona, ta si maṉa si ei, ra kamulua ana fitooa ma ulafu la kamulua ana liothau la ma si lio ni susuu la na mulu manatatoo ṉado ania uria si do ki ana Lord kulu tha Jesus Christ, inaofana God kulu na ṉa Maka kulu;

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

I. Korinitha 8:1

Ma sui sulia si do ni foa la na kera faledaki ana god eeta ki: Kulu thaitoomana na thaitoomana la ni isakulua sui. Thaitoomana la ka ilia imole ka faabaita nia i talaana, ma liothau la kai faasukwaia.

Roma 12:4

Sulaania talafana lau boo si do na ana seekulua ki e oro ma ka ofu ana tee see do, ma si kula eki sui bana kesi ra ana ta tee si ra:

I. Korinitha 10:17

Uria na ni kulu, na kulu oro mena, kulu tee fa berede, tee seedo: uria na kulu sui boo kuka ania ta si ana tee fa berede eri.