Efesasi 4:12 - Ṉa Alaofua Falu 1923 1949

¹² Uria faasukwai teefau la ana toa abu eki, uria ra la asi ra ifada, uria faatae lana seena tha Christ:

Efesasi 4:12 Referans Kwoze

Efesasi 4:16

Ma see do eri sui boo na kera thauwai lea ania ma kera ladoa ka rao uria si do na lado la eki sui boo ka falea, ta do boo si kula nia, ma ta do boo si kula nia, sulia ra lana ne talaana, kai tala adea see do eri kai baita alaa ani nia, ma kai tala tola alaa i talaana ana liothau la.

I. Korinitha 12:27

Ma ni kamulua na seena tha Christ, ma imole iamulua talifili nia si kula ana see do eri.

Roma 15:14

Ma ni nau lau boo ku thaitoomana boo suli kamulua, doora kera, ni kamulua mulu fuṉu ana lea la, mulu thaitoomana lea maalutana si do ki sui bana, mulu talaana lau boo faamanatai lamulua la kwailiu.

I. Korinitha 14:26

Ma ṉa ta neri, doora kera? Si maṉa na mulu figu mai, toa eki sui bana ada tee fa nu, ada ta si do na keki kwaifamanatai sulia, ada ta ṉata la eeta, ada ta si do na keki fatai nia, ada toolaṉai lana ta si do bia ṉata lamulua. Keki ilia si do ki sui bana ana faasukwai lamulua la.

Roma 14:19

Mania kuki tari buriana si do ana enenoa ki, ma si do na kuki faasukwai kulu kwailiu ania.

I. Timothi 1:12

Ma nau ku sore lea atha Christ Jesus na Lord kulu, ne faasukwai nau mai, uria nia e takofale nau ku mamana, me alu nau ana ra nia;

I. Korinitha 14:12

Talafana lau boo ni kamulua, uria na mulu seemabe faamau asi do tha Spirit ki, muki rofe na muki rikii do uria faasukwai lana figua eri.

Hibaru ki 13:17

Muki ade sulia ṉata lana toa na kera tatha inaomulua, ma muki roo sulida: sulaania keka fono toi kakalia maṉomulua, mala toa na keki soetoomulua ani kera, e ai si ei boo; fasi keki luua soetoona la eri ana seethathala la, ma ana liodila ka ai: uria na do e ai si adomi kamulua neri.

Hibaru ki 6:1

Mania kuki akwasia si ṉata ana thafali lana kwaifamanataia tha Christ, ma kuki lae tatha asi do ne talaana wane ne manata naa; ma kusi alua lau gwa fau totonao ki na ṉa manata akele la faisia si ra wane ne mae ki, ma fitooa uria tha God,

II. Korinitha 6:3

Misi lukatania si maṉa na sa mika faataofai nia ta wane ana ta si do, ada keki ṉata taa sulia ra eri na mili ra ania;

II. Korinitha 5:18

Ma si do ki sui bana ita mai atha God, ne ilia na mili kwaimani lau bi nia sulia tha Jesus Christ, me falea si kulu eri iamilia miki ra ana kwaimani la eri;

Luke 22:32

Sui nau ku foa uri oe, fasi fitooa oe si sui: ma lalae o akele lau mai, oko faaṉadoa dooramu kera.

II. Timothi 4:5

Ma ni oe oki inoto ana seemu asi do ki sui, oki susuu i la taa la, oki ra ana ra wane ni ṉata la sulia si faaroṉoa lea, oki ili teefau ana ra oe.

Kolose 4:17

Ma muki soree isatha Akipasi, Oki seemabe asi ra eri na kera falea ifamu ana ṉa Lord, fasi oki ilia.

Kolose 1:28

Wane na mili faaroṉo ania neri, mili ṉata fifi isana wane eki sui boo ma mili kwaifamanatai isana wane eki sui boo ana liotooa faamau, fasi miki fatai nia wane eki sui boo keki sukwai teefau atha Christ Jesus;

Kolose 1:24

Nau na ku seethathala i maalutana taa la eki na nau ku to ania uri kamulua, ma kwai faafuṉua ana seeku si do ne ai si fuṉu u ana taa la eki na tha Christ e to ania uria seena, na ṉa figua;

Efesasi 1:23

Ma figua eri na ṉa seena, si do ne to isana fasi nia kai laulau na ka faafuṉua si do eri sui bana ani nia ta si kula si ei.

II. Korinitha 12:19

E to i manatamulua ka tau na mai soso miki ṉata una eri isamulua uria bana fasi miki suusi kamilia. Inaofatha God mili ṉata atha Christ. Ma si do eki sui boo, liliothaua nau ki, uria faasukwai lamulua la.

II. Korinitha 7:1

Mania uria na alaṉaia eki ifakulua, toa liliothaua nau ki, kuki faafalu kulu faisia si do ki sui bana na kai faataalia seekulua ma spirit kulu, kuki faaabu teefau ani kulu ana mau la atha God.

II. Korinitha 4:1

Mania uria na amilia ra eri, uria na mili fulatoona tatakomia, misi feda ania:

II. Korinitha 3:8

Ra tha Spirit e ai si to ana inotoa baita ka tatha?

I. Korinitha 14:14

Sulaania mada sa ku foa ata ṉata la eeta, spirit nau kai foa boo, sui manataku e ’uria ’ai ne ai si fuṉu.

Roma 15:29

Ma nau ku thaitoomana, si maṉa kwai fula isamulua, kwai fula ana lea la baita ka tatha na ni asi faaroṉoa lea tha Christ.

Roma 15:2

Kulu sui, ta wane si ei boo, kuki faalea wane kulu ki uria si do ne lea, ana faasukwai lakulua la.

Roma 12:7

Mado ra la asi ra ifada, kuki seemabe asi ra eri; mado wane na kai tooa si do ki isada, ana too lana si do eki;

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

Si do Aposela ki kera ilidaki 20:24

Ma nau ku doanita asi do eki sui boo, ma kwasi ogoni ana maṉoku, ’uria si do nau ku liothau ania, fasi kwai fita lea ana fita la nau, ma kwai ilia si ra eri na nau ku ṉalia atha Lord Jesus, faamamane lana si do nau ku thaitoomana sulia si faaroṉoa lea ana lea la tha God.

Si do Aposela ki kera ilidaki 11:23

Nia lalae mai e fula, me rikia lea la tha God, ka seethathala; ma nia soree isada sui, keki susuu ana ruruuda, keki rau ṉado ana ṉa Lord:

Si do Aposela ki kera ilidaki 9:31

Sui figua eri ana fanua i Judia sui boo ma i Galili ma i Sameria e to ana enenoa, ma kera faasukwaida, ma, uria na kera abula ana mau la uria tha Lord ma ana faainamaruki la na tha Spirit Abu e faainamarukida ania, kera oro ka oli alaa.

Si do Aposela ki kera ilidaki 1:25

Fasi kai tae fulii atha Judasi ana ra eri ma ra aposela, si do ne asi nia faisia, fasi kai lae uria si kula ne talaana.

Si do Aposela ki kera ilidaki 1:17

Sulaania kera teemai nia bi kamilia, ma kera ukalia ta si asi ra eri ifana.

II. Timothi 4:11

Talifilia tha Luke ne to isaku. Oki tolea tha Mako kai lae mai bi oe: uria ni nia e faraku ana ra la.

Efesasi 4:29

Musi alamatania si ṉata la taa si maṉo i ṉidumulua, si ṉata la ne lea molo ana faasukwai lana imole, si do na kai talaada, fasi kai falea lea la ana toa na keki roṉoa.

Efesasi 4:4

Tee see do boo, ma tee Spirit, ’uria lau boo kera aili kamulua mai ana tee si do na muki manatatoo ṉado uria sulia aili la eri;

II. Korinitha 13:9

Uria na mika seethathala, si maṉa ni kamilia mili feda, ma ni kamulua muka sukwai: mili foa lau boo uria si do eri boo, na keki oolo kamulua.

I. Korinitha 12:7

Ma ni tei na kera fatai nia tha Spirit ani nia, kera fatai nia fasi kai kwaiadomi ania.

Roma 12:5

Alafana lau boo ni kulu, na kulu oro, kulu ofu mai ana tee see do atha Christ, ma kulu tee si do na ana seekulua kwailiu.

II. Korinitha 13:11

Si do iisi, doora kera, muki seethathala. Keki oolo kamulua; keki faainamaruki kamulua; muki to ana tee si lio; muki to ana enenoa; ma ṉa God ana liothau la ma enenoa kai to bi kamulua.