Efesasi 3:9 - Ṉa Alaofua Falu 1923 1949

⁹ Ma kwai fatai nia isana wane ki sui bana si do na kera takofale nau ania ne toto thaufuni ita asi maṉa nai nao ki ka fula asi maṉa eri ni atha God ne thauwai nia si do ki sui bana atha Jesus Christ;

Efesasi 3:9 Referans Kwoze

Kolose 1:26

Si do ne toto thaufuni faisia si maṉa nai nao ki sui bana ma faisia unii wane ki sui boo neri: ma si maṉa eri kera fatai nia naa isana toa abu nia ki,

Mathui 13:35

Fasi keki faamamanea si do na porofeta e sorea, be una eri, Kwai ifinia fokoku ana tarifula ki; Kwai sorea si do ne to thaufuni ki ita mai ana boa lana fanua nei iano.

II. Timothi 1:9

Ne faamaruki kulu, me aili kulu mai ana aili la ne abu, sulaania ra kulu ki e ai, sulaania si do ni nia e tala thathamii ilia ma uria lea la nia, na kera falea naa iakulua atha Christ Jesus to u asia mai inao ne ai si sui,

Kolose 3:3

Sulaania mulu mae naa, ma marukia kamulua kai to thaufuni bia tha Christ ni atha God.

Mathui 28:19

Mania muki lae, muki to’oa si do ki isana kulee toa ki sui bana, muki babataesi kera ana thatana ṉa Maka ma ṉa Kaluwane ma tha Spirit Abu:

Fa Ṉu Abu ki 33:6

Tha Jihova e thauwai nia thalo lo ki ana bae lana; ma omea baita ni sui bana e ni ania ana ufi lana fokona.

Si do na kera fatai nia 4:11

Lord, o farana ṉali lana inotoa ma fare baita la ma sukwaia: sulaania o thauwai nia si do ki sui bana, ma uria no thathamia kai fula, ka fula, ma keka thauwai nia.

Taetasi 1:2

Ana manatatoo ṉado la uria marukia tatha, do na tha God, ne dora ania lole la, e alaṉai nia to u asia mai inao ne ai si sui;

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Si do na kera fatai nia 13:8

Ma toa eki sui boo nai fanua nei iano keki faabaita nia, toa eki na kesi keda thatadalua i la buka ana marukia ṉa Lama na kera thauṉia ka too mai ana boa lana fanua nei iano.

I. Pita 1:20

Wane na kera thaitoomana boo totonao si maṉa na kesi boa u fanua nei iano, ma sui kera fatai nia ana susui lana si maṉa eki uri kamulua,

II. Timothi 4:17

Ma sui ṉa Lord e takwe isaku, ma ka faasukwai nau; fasi suli nau si ṉata eri keki faaroṉo teefau ania, ma fasi Jenetaele ki sui boo keki roṉoi: ma kera lau nau faisia fokona laeona.

II. Thesalonika 2:13

Ma mika sore lea ṉado atha God, e ai si ei boo, uri kamulua, doora kera na ṉa Lord e liothau ani kamulua, uria na tha God e fili kamulua ita i thafali la mai uria marukia ana faaabu lamulua la atha Spirit ma ana fitoona lana mamana la eri:

Kolose 1:23

Mada sa muki to ṉado asi do eki na kulu fitoona, ma keka faaṉado kamulua muki takwe ṉado, ma kesi idu kamulua faisia si do eri na kulu manatatoo ṉado uria asi faaroṉoa lea na mulu roṉoa, na kera ṉata sulia isana imole eki sui boo na kera thauwai nia ifara thalo lo; si do na kera alu nau tha Polo nau wane ni ra la ania.

Efesasi 1:4

’Uria lau boo e fili kulu ani nia si maṉa na kesi boa u fanua nei iano, fasi kuki abu ma kuki dodoloa inaofana ana liothau la:

I. Korinitha 2:7

Liotooa tha God neri na mili ṉata sulia asi do ne toto thaufuni, liotooa eri na kera agwafai nia inao, na tha God e alua mai inao inaofana thafali lana si maṉa totonao ki uria faainoto lakulua la:

Si do Aposela ki kera ilidaki 15:18

Tha Lord e soroa, nia na ka fafatai nia si do eki ka toto bana ita mai ana thafali lana fanua nei iano ka fula asi maṉa eri.

Jone 10:30

Ni nau ma ṉa Maka, kamarea tee Do boo.

Jone 5:19

Mania tha Jesus e luuda, ka soree isada, Mamana, mamana, ku soree isamulua, Na Kaluwane e ai si sukwai ana ili lana ta si do i talaana, talitoona bana si do nia rikia ṉa Maka kai ilia: uria na atona bana si do ni nia ka ilia, si do eki ṉa Kaluwane kai ili una eri ania lau boo.

Jone 5:17

Tha Jesus e luuda, ka una eri, Maka nau kai ra ka fula asi maṉa eri, ma ni nau ku ra.

Luke 24:47

Bia keka ṉata sulia manata akele la ma doanita la ana abula taa la ki ana thatana i maalutana kulee toa ni sui, keka thafalia mai i Jerusalema.

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

Mathui 10:27

Si do ku faaroṉo kamulua ania i la maerodo, muki sorea i la lalaa la: ma si do kera fuaroṉania, muki ’ai kwaitalofi ania i fafo biu ki.

Si do na kera fatai nia 17:8

Do maruki eri ne kwasi no rikia na ba e toto i dini, ma si maṉa eri ka ai naa, ma sui kai makee tae faisia ṉa kilu kwasi, sui kai lae fasi kai to ana taa la toto si sui. Ma toa na fanua nei iano, na kesi keda thatada asi maṉa ana boa lana fanua nei iano i la buka ana marukia, keki kwele, si maṉa na keki rikia do maruki eri ne kwasi, ne toto i dini, ma si maṉa eri ka ai naa, ma toto kai fula mai.

Si do na kera fatai nia 14:6

Ma nau ku rikia tee angel lau ne lofo i initoona thalo, fafia si faaroṉoa lea na kai to tatha na nia kai ṉata sulia isana toa nai fanua nei iano, isana toa ana fanua eeta ki sui bana ma kulee toa ni sui ma toa ana ṉata la eeta ki sui bana ma ina lana imole ni sui boo;

Roma 11:25

Sulaania ku lalakwa, doora kera, na muki dora ania maalutana si do eri ne toto thaufuni, ada manatamulua ka sorea na liomulua ka too i talaamulua, si do eri neri, kera faarorodoa maana tee bali toa ana Isirela, maakwalia si maṉa na inotoa Jenetaele ki kai fuṉu;

Efesasi 3:2

Mada sa mulu roṉoa lea lana tha God neri na kera takofale nau ania fasi kwai ra ania ifamulua;

Efesasi 6:19

Ma uri nau, fasi keki falea si ṉata iaku si maṉa nau kwai ifinia fokoku, kwai seeraa ana fatai lana si do ne toto thaufuni asi faaroṉoa lea,

Kolose 4:3

Ma muki foa uri kamilia lau boo, fasi tha God kai ifinia maa ifamilia ifana si baea eri, miki ṉata sulia si do tha Christ ne toto thaufuni, si do na kera kani nau lau boo fafia;