Efesasi 3:8 - Ṉa Alaofua Falu 1923 1949

⁸ Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

Efesasi 3:8 Referans Kwoze

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

I. Korinitha 15:9

Uria ni nau wane nai buri bonaa ana aposela ki, ne ai kwasi farana keki alaṉi nau ana aposela, sulaania nau ku tona ililamatai nia figua tha God.

Efesasi 3:16

Fasi, sulia si do eki na nia kai rikii do ania uria faainoto lana, nia kai falea si kula eri ifamulua keki faasukwaia wane nai ruruumulua ana sukwaia ana Spirit nia;

Efesasi 2:7

Fasi asi kada na ni ki u nia kai fatai nia lea la nia ne inoto asia naa ana ade lea la uri kulu atha Christ Jesus:

I. Timothi 2:7

Sulia si do eri kera alu nau nau wane ni ṉaliṉata ma aposela (Nau ku ṉata mamana atha Christ, nau kwasi lole), wane ku kwaifamanatai isana Jenetaele ki ana fitooa ma mamana la.

I. Timothi 1:13

Nau wane ku fafaretoliṉia mena tha God totonao, ku tona ililamatai nia toa ki, ku thathasi naunau: ma sui kera doanita iaku, sulaania si maṉa na ku fitala u kwasi thaitoomana maalutana si do nau ku ilia;

Galesia 1:16

E thathamii fatai nia Kaluwane nia i ruruuku, fasi kwa ṉata suli nia i maalutana Jenetaele ki; si maṉa eri u boo e ai kwasi ṉata bia imole ana marikobia abu.

Roma 11:33

Sifo ladoa lana inotoa ma liotooa ma thaitoomana la tha God bonaa e baita ka tatha! kesi talaana rofe la maalutana si do nia sorea na kai uria imole, ma lae lana sulia tala nia ki sule lana e afetai!

Roma 2:4

Mado o fare faekwa ana lea la nia ne baita asia naa ma mamasoro la ma si lio ni doanita tatha la nia, uria nosi thaitoomana sulia lea la tha God eri ne tole oe mai uria manata akele la?

II. Timothi 1:11

Na kera alu nau nau wane ni ṉata la sulia, ma aposela, ma wane ni kwaifamanatai ifana Jenetaele ki.

Efesasi 3:19

Liothau la tha Christ, muki thaitoomana si do eri ne baita ka tatha asi do imole e talaana thaitoomana lana, fasi keki faafuṉu kamulua muki fuṉu asi do ki sui na ni atha God.

I. Korinitha 2:9

Ma ’uria si do na kera keda, Si do na maana imole si rikidaki, ma aliṉana si roṉoa. Na ruruuna imole si lalomatoona, Si do ki sui bana na tha God e thathaia maakwalia toa na kera liothau ani nia.

Roma 12:10

Ana liothau la uria baree wai doorana eki muki thathami kamulua faamau kwailiu; ana fare baita la muki fare baita faamau kwailiu ani kamulua;

Si do Aposela ki kera ilidaki 5:41

Mania kera lae faisia ofu la eri ana seethathala la, uria na manatana tha God e thaitoomana na kera farana to la ana fare faekwa la uria Thatana.

Si do na kera fatai nia 3:18

Nau ku soree isamu oki usia si goloda nau na kera faafalua i la era, fasi oki rikii do; ma tooni kwakwaoa ki, fasi oki tooni ania, ma kesi faaseenoni ani oe si maṉa keki fatai oe no talu; ma si gwai ana maana imole fasi oki gwaia maamu, oki rikia fanua.

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui:

Si do Aposela ki kera ilidaki 9:15

Ma ṉa Lord ka soree isana, Oki lae amua: uria nia do ni taiṉei la na nau ku filia ifaku, fasi kai ṉalia thataku inaofana Jenetaele ki ma kiṉa ki, ma kwalafa tha Isirela:

Filifae 4:19

Ma God nau kai falea si do na kai talaana si do ki sui bana na muki rofea, sulaania do oro ne rikidaki ana inotoa atha Christ Jesus.

Galesia 2:8

(Uria ni nia ne ra i ruruuna tha Pita kai aposela ifana toa ana kwai kakali la e ra lau boo i ruruuku uria Jenetaele ki);

Fa Ṉu Abu ki 31:19

Ade lea lamu ka baita faamau! si ade la eri no alua naa maasia toa eki na kera takofale kera iamu inaofana kaluwane imole ki!

Filifae 2:3

Musi ilia ta si do ana firu la mado ana faabaita lamulua la i talaamulua, asi lio ni abula kelawanea la, kamulua sui, ta wane u boo i talaana ma ta wane u boo i talaana, manatana kai sorea na doorana e lea ka tatha ani nia;

Efesasi 3:2

Mada sa mulu roṉoa lea lana tha God neri na kera takofale nau ania fasi kwai ra ania ifamulua;

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Jone 1:16

Uria ni nia e fuṉu, ma kulu sui kuka ṉalia ta si asi do nia ki, ma lea la fafona lea la.

Efesasi 3:1

Uria si kula eri ni nau tha Polo, wane tha Jesus Christ na kera suusi nau i la lokafu uri kamulua Jenetaele ki, —

Luke 14:22

Ma wane ni ra eri ka sorea, Lord, si do no faaroṉo ania kera ilia naa, ma ta si kula kai tona to u bana.