Efesasi 2:4 - Ṉa Alaofua Falu 1923 1949

⁴ Ma tha God, uria tatakomia nia ne inoto, sulaania liothau la baita nia ne liothau ani kulu,

Efesasi 2:4 Referans Kwoze

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

Efesasi 1:7

Wane eri na kulu rikia tae la faisi kulu ni ani nia sulia ’abuna, na manata lube la ana abula garo lakulua ki, sulia inotoa lea la nia.

Fa Ṉu Abu ki 86:15

Ma sui ni oe, Arai Lo, na ṉa God asi lio baita ni tatakomi la, mo kwaiofei, osi rakeiri fofoa, o ade lea ka tatha mo mamana asia naa.

Roma 5:8

Ma tha God ana kai ṉata ifana liothau la nia uri kulu, uria si kula eri, si kada na kulu abubula taa u mena, tha Christ e mae uri kulu.

Efesasi 2:7

Fasi asi kada na ni ki u nia kai fatai nia lea la nia ne inoto asia naa ana ade lea la uri kulu atha Christ Jesus:

Fa Ṉu Abu ki 145:8

Tha Jihova ka lio ni kwaiofei la, ma tatakomia nia ki ka oro faamau; e a’i si rakeiri fofoa, ma tatakomia nia e baita.

Roma 10:12

Sulaania ṉa Ju e ai si eeta faisia wane i Girisi: uria tee Lord eri boo ne inoto ani kera sui, ka rikii do ifana toa eki sui boo na keki ’ai thatana:

I. Timothi 1:14

Ma lea la Lord kulu e oro ka tatha bia fitooa ma liothau la na ni atha Christ Jesus.

Fa Ṉu Abu ki 86:5

Sulia na ni oe, Arai Lo ae, o ade lea, si lio oe ana manata lube la, tatakomia oe ka baita asia naa ifana toa eki sui boo na kera ’ai thatamu.

II. Timothi 1:9

Ne faamaruki kulu, me aili kulu mai ana aili la ne abu, sulaania ra kulu ki e ai, sulaania si do ni nia e tala thathamii ilia ma uria lea la nia, na kera falea naa iakulua atha Christ Jesus to u asia mai inao ne ai si sui,

Efesasi 3:8

Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

Roma 9:23

Ma fasi kai adea keki thaitoomana inotoa nia ne baita asia naa ana kwadee do ana tatakomia ki, ne beta totonao maakwalia inotoa,

Roma 2:4

Mado o fare faekwa ana lea la nia ne baita asia naa ma mamasoro la ma si lio ni doanita tatha la nia, uria nosi thaitoomana sulia lea la tha God eri ne tole oe mai uria manata akele la?

Nehemiah 9:17

Kera lalakwee ade sulia bae lamu, ma kesi onotoona si do baita ba ki no ilia imaalutada, ma keka adea luada ka gaga ’ai kesi gwau toli, ma asi lio kera ni ade la faisia bae lamu, kera alua wane sa kai tatha inaoda, sa keki oli lau uria si ra na kilu suuwanida kera tona ulafu ania na ba: una ena mena, ni oe God no thathai uria manata lube la, si lio oe ni kwaiofei la ma tatakomia, osi rakeiri fofoa, ma ade lea lamu e baita; mania e a’i osi luka faekwa ani kera.

II. Thesalonika 2:13

Ma mika sore lea ṉado atha God, e ai si ei boo, uri kamulua, doora kera na ṉa Lord e liothau ani kamulua, uria na tha God e fili kamulua ita i thafali la mai uria marukia ana faaabu lamulua la atha Spirit ma ana fitoona lana mamana la eri:

Luke 1:78

Sulia tatakomia i ruruuna God kulu, Na thato ne raraṉia fanue too mai ia e thai suli kulu sulia,

Fa Ṉu Abu ki 51:1

Oko tatakomi nau, God ae, sulia ade lea lamu; sulia biranamu asi maṉa ooro ka oro asi lio oe ni kwaitatakomi la, oko usua kau abula garo la nau ki.