Efesasi 2:3 - Ṉa Alaofua Falu 1923 1949

³ Toa ni kulu sui kulu toto lau boo bida dini mai inao ana si thathami la taa ana seekulua, kulu ilia si do na seena imole ma manatana e thathamia, si lio kulu na si lio unii wela na keki fulatoona rakeiria, ’uria lau boo toa ba sui:—

Efesasi 2:3 Referans Kwoze

Taetasi 3:3

Uria ni kulu lau boo inao mai kulu oewanea, kulu adede faisia si ṉata, kera lole kulu, kulu ra ifana si thathami la taa tataka ki ma si do oro ki ne faalea kulu, kulu toto asi lio ne taa ma ana uga la, kulu do kera mamagu ania, kulu riki kulu kwailiu ka taa.

I. Pita 1:14

Mala kala wela na kera thathamii ade sulia si ṉata, musi ade ’uria si thathami la taa totonao kamulua ki asi maṉa ne ai musi thaitoomana si do ki:

Efesasi 4:22

Ma do eki nai nia, mulu tanusia naa, sulia abula lamulua mai inao, wane nai nao, na kai fufuraa uria si thathami la taa ana kaura lana;

Roma 13:14

Muki tooni fafia seemulua atha Lord Jesus Christ, ma musi beta ta si do maakwalia see imole, ifana si thathami la taa nia ki.

Roma 6:12

Mania musi alamatania abula taa la si inoto fafia seemulua na toto kai mae, fasi muki ade sulia si thathami la taa nia ki:

Fa Ṉu Abu ki 51:5

Rikia fasi, kera thauwai nau asi lio na kera lufia; ma asi lio ne taa nau ku toto ana thainaku.

I. Jone 2:16

Uria na si do ki sui bana nai fanua nei iano, si do na seena imole ka thathamia, ma si do na maana imole ka thathamia, ma si lio ana faabaita lakulua la i talaakulua sulia to lana imole, si do ṉa Maka e ai, si do fanua nei iano ki bana.

Efesasi 2:2

Na mulu abula sulia dini mai inao sulia si maṉo eri na ni ana toa na fanua nei iano, suli nia ne inoto ana toa gwauwai eki i la mamatalea, spirit na ka ra si maṉa eri i lala unii wane na kera ade faisia si ṉata;

Jone 8:44

Kamulua wela maka kamulua na tha devil, ma si lio taa ki, do maka kamulua eri, muki thathamii ilia. Nia thauwane ita mai i thafali la, me ai si to ana mamana la, uria ne ai ta do ne mamana si ni ani nia. Si maṉa nia lole, nia ṉata asi do nia ki u boo: uria nia do na kai lole, ma maka ana lole la.

II. Korinitha 7:1

Mania uria na alaṉaia eki ifakulua, toa liliothaua nau ki, kuki faafalu kulu faisia si do ki sui bana na kai faataalia seekulua ma spirit kulu, kuki faaabu teefau ani kulu ana mau la atha God.

I. Korinitha 4:7

Sulaania ni tei ne faabaita oe lau ana tei wane? ma ṉa ta asi do no rikidaki na kesi falea iamu? sui mada sa kera falea iamu, uria ta no faabaita oe i talaamu, uria sa kesi falea?

Roma 7:18

Sulaania ku thaitoomana e ai ta do lea si ni ani nau, ana seeku neri: uria na thathami lana si do ne lea, ku thathamia boo, ma ili lana ku dora ania.

Mako 4:19

Ma manata baita la asi do kada nei ki, bia kaura lana inotoa ki, ma thathami lana do eeta ki kai kotho mai, kai suusia si baea eri, ka ai si fuṉu.

GENESIS 6:5

Ma tha God e rikia abula taa lana imole ki ka baita i la fanua ne i iano, ma lioda ma si do ki sui bana na kera manatatoona i ruruuda talitoona si do taa ki sulia boṉi.

Roma 11:30

Uria talafani kamulua dini mai inao musi fitoona tha God, ma sui si maṉa eri mulu fulatoona tatakomia uria fitala lada,

Roma 9:22

Mado e ai tha God, uria ne thathamii fatai nia rakeiria nia, keki thaitoomana sukwaia nia lau boo, e doanita asi lio nia ni doanita tatha la ana kwadee do ana rakeiria ki na kera too fasi keki sui:

Jone 1:13

Na kera futa ana abu e ai, mado uria na seena imole ka thathamia, mado uria na imole ka thathamia e ai, atha God bana.

GENESIS 8:21

Ma do eki ka makwafia tha Jihova ka lea; ma tha Jihova ka soree i ruruuna, Nau e a’i kwasi alua lau taa la fafia theegano inunufana imole; boro so si manata la ni sui bana na imole keka manatatoona i ruruuda e taa asia naa ita u boo i faekwa lada; ma nau e a’i kwasi thauṉia lau do maruki eki sui bana, sulia abula laku na nau ku ilia na ba.

II. Pita 2:18

Sulaania, ana bae lada roṉo lana ka baita faamau me fakoka, uria si do na seena imole e thathamidaki, ma ana daidei la, kera gafoa imole eki na keki thaka na mai faisia toa ana ade garo la;

II. Pita 2:14

Maada ka lio ni oea, ma abula taa lada e ai si sui; keki gafoa imole ruruuda si ṉado ki; manatada ka thaitoomana lea gafogafoa; baree wela na taa la kai to fafida;

I. Timothi 6:9

Ma toa na keki thathamii rikii do keki asi kera ana bae aliṉa la ma aikwai ma ana thathami lana do oro ne oewanea ma ka faataali kera, si do na kai ilia wane ki keki lola asi do na kai labatai teefau anida ma kai faaaana maṉoda.

Galesia 3:22

Ma kekeda la abu eri e suusia si do ki sui bana i la lokafu ana abula taa la, fasi alaṉaia eri ana fitoona lana tha Jesus Christ keki tona falea ifana toa eki na kera fitoo.

Roma 1:24

Mania tha God lau boo e lukatai kera asi thathami la taa ruruuda ana manata taa la, fasi keka fare faekwa ana seeda kwailiu:

I. Jone 2:8

Ma sui lau boo, si ṉata fifi falu neri na nau ku keda kau isamulua, do ne mamana ani nia ma ani kamulua: sulaania maerodo ka tatha, ma ṉa lalaa la mamana ka laa si maṉa eri mena.

Si do Aposela ki kera ilidaki 14:16

Ne alamatania asi maṉa nai nao ki kulee toa ki sui bana keka abula sulia tala kera ki i talaada.

GENESIS 5:3

Ma tha Adam ka to bana sulia tee taleṉee fa ṉali ma ulu tafulu fa ṉali, sui ka tharea kaluwane nia sulia nuuna i talaana, ka alaṉia thatana atha Sete:

Roma 2:14

Uria na si maṉa na Jenetaele ki ne ai ada ta lo keka tala ilia si do sulia ṉa lo ki, toa eki ne ai ada ta lo, kera lo kera i talaada bana;

Roma 5:9

Sui si maṉa eri na kera ala fafia kokoto la kulu uria abuna, e kwaiakaori ka tatha na keki faamaruki kulu faisia rakeiria eri ani nia.

Roma 5:10

Sulaania mada sa, asi kada na kulu maalimae ki u, kera ilia na kulu kwaimani lau bia tha God ana mae lana Kaluwane nia, e kwaiakaori ka tatha na keki faamaruki kulu ana marukia nia, si maṉa eri na kera ilia na kulu kwaimani naa bia tha God;

Kolose 1:21

Ma ni kamulua, na kera lalakwatai kamulua dini mai inao ma liomulua na si lio ana maalimae ki asi ra taa kamulua ba ki, e alu kamulua muka kwaimani lau bi nia

I. Thesalonika 4:13

Ma mili lalakwa na muki dora ania, doora kera, maalutana toa na kera biṉa; fasi e ai musi liodila, ’uria oroṉana toa, ne ai ada ta do na keki manatatoo ṉado uria.

I. Thesalonika 5:6

Mania kusi biṉa, ’uria oroṉana toa, kuki tharai ma kuki inoto ana seekulua.