Efesasi 2:2 - Ṉa Alaofua Falu 1923 1949

² Na mulu abula sulia dini mai inao sulia si maṉo eri na ni ana toa na fanua nei iano, suli nia ne inoto ana toa gwauwai eki i la mamatalea, spirit na ka ra si maṉa eri i lala unii wane na kera ade faisia si ṉata;

Efesasi 2:2 Referans Kwoze

Efesasi 6:12

Sulaania do ana mariko ma abu e ai na kulu kwaikwairaui bia, toa inoto eki molo, toa sukwai eki, toa gwauwai fafia si kada nei ana maerodo nei, omea spirit taa ki nai thalo.

I. Jone 5:19

Kulu thaitoomana kulu do tha God ki, ma fanua nei iano sui boo ka teo atha Taa.

Efesasi 2:3

Toa ni kulu sui kulu toto lau boo bida dini mai inao ana si thathami la taa ana seekulua, kulu ilia si do na seena imole ma manatana e thathamia, si lio kulu na si lio unii wela na keki fulatoona rakeiria, ’uria lau boo toa ba sui:—

Jone 12:31

Si maṉa eri maṉa ana kotu baita ifana fanua nei iano: si maṉa eri keki sui nia ne inoto i fanua nei iano kai lae kau.

Efesasi 5:6

Musi alamatania ta wane si lole kamulua asi baea ne fokoka: sulaania sulia si do eki rakeiria tha God kai fula fafia unii wane na kera ade faisia ṉata lana.

Jone 8:44

Kamulua wela maka kamulua na tha devil, ma si lio taa ki, do maka kamulua eri, muki thathamii ilia. Nia thauwane ita mai i thafali la, me ai si to ana mamana la, uria ne ai ta do ne mamana si ni ani nia. Si maṉa nia lole, nia ṉata asi do nia ki u boo: uria nia do na kai lole, ma maka ana lole la.

Efesasi 4:22

Ma do eki nai nia, mulu tanusia naa, sulia abula lamulua mai inao, wane nai nao, na kai fufuraa uria si thathami la taa ana kaura lana;

I. Korinitha 6:11

Ma tei toa iamulua mulu una eri inao: ma sui kera faasiufi kamulua, ma sui kera faaabu kamulua, ma sui kera ala fafia kokoto la kamulua, ana thatana tha Lord Jesus, ma ana Spirit God kulu.

II. Korinitha 4:4

Toa eki god kada nei e faarorodoa manatana toa ana fitala la, fasi ṉa lalaa la na si faaroṉoa lea sulia inotoa tha Christ, na nuna tha God, ka ai si laa ifada.

I. Jone 5:4

Uria atona bana ta do ne futa atha God si nia kai tatha ana fanua nei iano: ma si do na si nia kai tatha ana fanua nei iano, na fitooa kulu.

I. Jone 3:10

Asi kula eri kera fatai nia baree wela tha God, ma baree wela tha devil: ni tei bana ne ai si ilia kokoto la do tha God e ai, ma ni tei ne ai si liothau ana doorana.

I. Pita 1:14

Mala kala wela na kera thathamii ade sulia si ṉata, musi ade ’uria si thathami la taa totonao kamulua ki asi maṉa ne ai musi thaitoomana si do ki:

Si do na kera fatai nia 20:2

Ma nia rau ana baekwa eri, wa aala eri na ita u ka to, tha Devil neri na tha Satan, me kani nia kai to sulia tee tooni fa ṉali,

I. Jone 4:4

Kamulua do tha God ki, kala wela ki, ma si kamulua ka tatha ani kera: sulaania nia na ka to ani kamulua e baita ka tatha ani nia na ka to ana fanua nei iano.

I. Pita 4:3

Uria na si maṉa oro ki bonaa e sui uria ili lana si thathami la Jenetaele ki, ma uria abula la ana daidei la, si thathami la taa ki, kuu baita la ana waene, malasaole la, semosemo la, ma foa la ni mamagu la ania ana god eeta ki:

Kolose 1:21

Ma ni kamulua, na kera lalakwatai kamulua dini mai inao ma liomulua na si lio ana maalimae ki asi ra taa kamulua ba ki, e alu kamulua muka kwaimani lau bi nia

Galesia 1:4

Ne alamatai nia uria abula taa la kulu ki, fasi kai faamaruki kulu faisia si maṉa eri ne taa, sulia si do nia e thathamia ne God kulu ma Maka kulu:

Roma 12:2

Ma musi abula ’uria abula lana unii wane nai maṉa eri: keki alu kamulua muki eeta uria manatamulua na kera adea e falu, fasi muki ilitoona si do na tha God e thathamia ne lea, ma do na kera ala fafia, ma ka sukwai teefau.

Jemesi 4:4

Kamulua wane ma kini ni oe la ki, musi thaitoomana na ado la bia fanua nei iano na ṉa firu la bia tha God?

I. Korinitha 5:10

Sui sa muki to teefau faisia toa nei iano na kera oe, mado kera thathamia si do ta wane, mado kera abula dodora, mado kera foa ana god eeta ki e ai; uria na si do eri e afetai iamulua si maṉa na musi lae teefau faisia fanua nei iano:

Si do Aposela ki kera ilidaki 5:3

Ma tha Pita ka sorea, Ananiasi, uria ta na tha Satan ka faafuṉua ruruumu oki lolea tha Spirit Abu, oko alua mai ta bali ana malefo no usia ana gano eri ifamu?

Jone 15:19

Mada sa ni kamulua do fanua nei iano ki, do fanua nei iano kai liothau asi do nia ki i talaana: sui uria ni kamulua do fanua nei iano ki e ai, ma nau ku fili kamulua faisia fanua nei iano, uria si kula eri fanua nei iano kai riki kamulua ka taa.

Jone 14:30

Nau e ai kwasi ṉata oro lau bi kamulua, uria na nia ne inoto ana fanua nei iano toto kai lae mai: me ai ta do si ni ifana ani nau;

II. Pita 2:14

Maada ka lio ni oea, ma abula taa lada e ai si sui; keki gafoa imole ruruuda si ṉado ki; manatada ka thaitoomana lea gafogafoa; baree wela na taa la kai to fafida;

Jone 16:11

Sulia kotu kokoto la, uria do ne inoto i fanua nei iano Wane ni Kotu e ṉata naa suli nia.

Jone 13:27

Ma buriana si faṉa eri, tha Satan ka kotho i ruruuna. Mania tha Jesus e soree isana, Si do noki ilia, ili fofoa ania.

Jone 13:2

Ma si maṉa na kera ni ana fafaṉa i thaulafia, ma tha devil e ṉata naa i ruruuna tha Judasi Isikarioto, kaluwane tha Saimona, fasi ka faaalamai nia,

Jone 8:23

Ma nia ka soree isada, Kamulua mulu ita iano; ni nau ku ita mai ia: kamulua do fanua nei iano ki; ni nau do fanua nei iano e ai.

Jone 7:7

Fanua nei iano sa ka riki kamulua ka taa e ai; nau ana ka riki nau ka taa, uria na nau ku faamamanea si do nau ku thaitoomana sulia, na ra nia ki e taa.

Mathui 13:38

Ma ra ba ṉa fanua nei iano; ma foee do lea ba ki, kera ṉa kaluwane tooa ki; ma si lolo bubula ba ṉa kaluwane tha Taa ki;

Si do na kera fatai nia 13:8

Ma toa eki sui boo nai fanua nei iano keki faabaita nia, toa eki na kesi keda thatadalua i la buka ana marukia ṉa Lama na kera thauṉia ka too mai ana boa lana fanua nei iano.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

Jemesi 1:7

Uria na wane una eri, e ai si lea na manatana sa ṉa Lord kai falea ta si do ifana;

II. Timothi 4:10

Uria na tha Dimasi e akwasi nau, sulaania nia thathamia si do kada nei ki, e lae uri Thesalonika; tha Keresenasi uri Galesia, tha Taetasi uri Dalamesia.

Si do Aposela ki kera ilidaki 19:35

Ma buriana na wane ni kekeda e faabona toa eki, nia sorea, Kamulua wane i Efesasi ki, ni tei wane ne ai si thaitoomana maalutana toaa susu i Efesasi ne fono toi kakalia biu god baita eri ni Diana, ma nunui do eri ne toto isatha Jupita ma ka asia mai?

Luke 22:31

Ma ṉa Lord e sorea, Saimona, Saimona, rikia fasi, tha Satan e gani kamulua ifana, fasi nia kai isu kamulua ’uria uiti:

Luke 16:8

Ma wane inoto nia e taṉoa wane eri ne ai si kokoto na kera takofale nia asi do ki, uria nia abula ana liotooa: uria na kaluwane ana kada nei ki liode too ka tatha ana kaluwane ana lalaa la ki asi do ana unii wane kera ni u boo.

Mathui 11:19

Kaluwane imole e fula, ka faṉa ma ka kuu, ma keka sorea, Rikia fasi, wane kai fafaṉa kwasi, ma kai kuu ṉado ana waene, wane ne ado bia wane na kera ṉalia takisi ki bia toa kera abula taa! Ma liotooa, wela nia ki kera faamamanea na nia e kokoto.

Fa Ṉu Abu ki 17:14

Faisia imole ki, ana abamu, Jihova ’ae, faisia wane na i fanua na i iano ki na do thatada ni ana to lada asi maṉa eri, na wane na rakede abusu naa ana ogogonia oe no faledaki mai: kera rikii do ana wela kera ki, ma keka akwasia oretana do lea kera ki ifana kaala wela kera ki.

Si do na kera fatai nia 16:17

Ma fiuna angel ka kikira labeṉa nia fafia mamatalea; ma liṉana si ṉata la baita ka maṉo mai faisia biu baita tha God nai thalo, faisia do ni ono la ana inotoa eri, ka una eri, Kera ilia sui naa:

Si do na kera fatai nia 13:14

Ma nia lolea toa na fanua nei iano ana bala si do eki na kera alu nia kai ilia inaofana do maruki eri ne kwasi; ka soree isana toa na fanua nei iano keka thauwai nia nunui do ifana do maruki eri ne kwasi, na kera kwae mala iana ana nini ni firu, ma sui e maruki.

Si do na kera fatai nia 12:9

Ma kera naṉa ana baekwa baita eri, wa aala eri na ita u ka to, nia na kera alaṉia atha Devil ma Satan, na ka lolea toa na fanua nei iano sui boo; keka naṉa ani nia kai sifo uri fanua nei iano, ma keka naṉa ana angel nia ki bi nia.

Mathui 13:22

Ma wane na kera afusia maalutana kwarafifi ki, nia nania na kai roṉoa si baea eri; ma manata baita la ana si do kada nei ki, bia kaura lana inotoa ki, kai suusia si baea eri, ma nia ka ai si fuṉu.

Mako 4:19

Ma manata baita la asi do kada nei ki, bia kaura lana inotoa ki, ma thathami lana do eeta ki kai kotho mai, kai suusia si baea eri, ka ai si fuṉu.

Efesasi 1:21

Ka inoto ka tatha faamau ana toa eki sui bana na kera tatha inao, ma naona toa ki, ma toa sukwai ki, ma toa gwauwai ki, ma atona bana ta si do na kera sorea thatana, talitoona bana i kada nei e ai, i kada eri lau boo na ni u mai:

Efesasi 2:11

Mania muki onotoona si do eri, dini mai inao ni kamulua, Jenetaele ki sulia seena imole, na toa eki na kera alaṉida ana toa ana kwai kakalila, na kera kwai kakali ana seeda ana abee imole, kera alaṉi kamulua ana toa na kesi kwai kakali ani kamulua;

Efesasi 2:13

Ma si maṉa eri atha Christ Jesus ni kamulua na mulu ni da, kera talai kamulua muka idu karaṉi mai ana abuna tha Christ.

Efesasi 4:17

Mania si do eri ku sorea, ma ku faamamanea si do nau ku thaitoomana sulia ana ṉa Lord, Musi abubula lau ’uria abula lana Jenetaele ki, sulia manatada ne fakoka,

Efesasi 5:8

Sulaania inao mai mulu rorodoa, ma sui si maṉa eri kamulua lalaa la ana ṉa Lord: abula lamulua kai farana baree wela ṉa lalaa la

Jemesi 1:27

Si lio thathaulia ma dodoloa ana manata baita la atha God, inaofana God kulu na Maka kulu nai nia, wane lae kai makelea wela na maka kera e mae ma gwa oru ki maṉa ne taa iada, kai beta suli nia fasi fanua nei iano ka ai si sua nia.