Efesasi 2:12 - Ṉa Alaofua Falu 1923 1949

¹² Mulu toto eeta faisia tha Christ asi maṉa ba inao, toa Isirela kera lalakwatai kamulua, mulu toa eeta ki na kesi ṉata suli kamulua ana alaofua ba ki sulia alaṉaia eri, kamulua e ai amulua ta si do lea na muka manatatoo ṉado uria, ma tha God e ai faisi kamulua i fanua nei iano.

Efesasi 2:12 Referans Kwoze

Galesia 4:8

Ma asi maṉa ba, uria na musi thaitoomana tha God, kera suuwai kamulua mulu tona ra ifana toa eki na god mamana ki e ai:

Kolose 1:21

Ma ni kamulua, na kera lalakwatai kamulua dini mai inao ma liomulua na si lio ana maalimae ki asi ra taa kamulua ba ki, e alu kamulua muka kwaimani lau bi nia

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

I. Thesalonika 4:13

Ma mili lalakwa na muki dora ania, doora kera, maalutana toa na kera biṉa; fasi e ai musi liodila, ’uria oroṉana toa, ne ai ada ta do na keki manatatoo ṉado uria.

Efesasi 4:18

Uria na manatade rorodoa, ma keka lalakwatanida faisia marukia tha God uria lioda ne ai si thaitoomana si do ki, sulia ruruuda ne sadi;

I. Thesalonika 4:5

Ana si thathami la taa faamau, ’uria lau boo Jenetaele ki na kesi thaitoomana tha God, e ai;

Jone 15:5

Nau na ṉa faene, kamulua ṉa tharee do ki: wane na kai to ani nau, ma ni nau ani nia, wane eri kai fuṉu ana foee do oro ki: uria ni nau e ai faisi kamulua musi talaana ili lana ta si do.

Hibaru ki 6:18

Fasi ana ro si do ki ne ṉado, ne ai si tatala, ne afetai ka tatha sa tha God kai lole ania, keki faainamaruki kulu faamau, ni kulu na kulu thaka uria marukia fasi kuki rau asi do na kera alua inaofakulua na kuki manatatoo ṉado uria;

Roma 9:8

Ma toolaṉai lana si do eri neri, baree wela ana see imole e ai na kera baree wela tha God ki; kera alua baree wela ana alaṉaia eri ifana ana kwalafa nia.

I. Pita 3:15

Muki faaabua tha Lord God i ruruumulua: ma muki fifarao ṉado uria luu lana atona bana ta wane na kai soetoomulua uria maalutana manatatoo ṉado la na ni ani kamulua, sui muki luua ana abula marabibi la ma ana mau la:

Si do Aposela ki kera ilidaki 28:20

Mania uria si kula eri nau ku aili kamulua mai na ba fasi muki lio i maaku ma muki ṉata bi nau: sulaania uria si do eri Isirela e manatatoo ṉado uria, kera kani nau ana nailii thalo nania.

Si do Aposela ki kera ilidaki 3:25

Kamulua na kwalafana porofeta eki, ma amulua alaofua eri na tha God e kania bia maka kamulua ba inao ki, si maṉa ne soree isatha Aberahamo na ba, Ma kulee toa ni sui bana nai fanua nai iano kai lea iada sulia kwalafamu.

GENESIS 15:18

Afa boṉi eri boo tha Jihova e kania alaofua bia tha Aberamo, ka una eri, Ifana kwalafamu ku falea naa fanua nei, ka thafali mai ana kafo na ka lio uri Ijifi, lalae ka fula ana kafo baita eri, na kafo thatana Iupetisi:

I. Jone 3:3

Ma ni tei na ka manatatoo ṉado uria si do eri ani nia kai faafalu nia i talaana, ’uria lau boo ni nia e falu.

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.

Hibaru ki 11:34

Na kera faaaia sukwai lana era, na kera maruki faisia ṉari lana nini ni firu, na kera faasukwaida faisia feda lada, na kera adea na kera sukwai faamau ana firu la, na kera taria omea toa ana fanua eeta ki.

I. Timothi 1:1

Polo, Aposela tha Jesus Christ sulia si ṉata fifi tha God ne faamaruki kulu, ma tha Lord Jesus Christ na kulu manatatoo ṉado uria;

II. Thesalonika 2:16

Ma Lord kulu tha Jesus Christ talani nia, ma tha God na Maka kulu ne liothau ani kulu me faainamaruki kulu ana inamaruki la na kai to tatha me falea si do lea na kulu manatatoo ṉado uria ana lea la,

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

Kolose 1:5

Sulaania si do lea eri na mulu manatatoo ṉado uria na kera alua maakwali kamulua i thalo lo, si do eri na mulu roṉoa mai inao asi baea sulia mamana la eri na si faaroṉoa lea,

Jone 10:16

Ma nau akua tei sifi lau, na kesi to i la thakali nei: kera lau boo kwai tolea mai e ai si ei boo, ma keki roṉoa liṉana ṉata laku; ma toto keki ofu ana tee aini sifi, ma tee wane ni fono toi la kalida.

Jone 4:22

Kamulua muka foa ana thatana do na mulu dora ania: ni kamilia mika foa ana thatana ni nia na mili thaitoomana naa: uria marukia eri thafalia mai ana Ju ki.

Luke 1:72

Fasi ka faamamanea tatakomia talea maka kulu nai nao ki, Ma kai onotoona alaofua abu nia;

Si do Aposela ki kera ilidaki 2:39

Sulaania alaṉaia eri na do ifamulua, ma ifana wela kamulua ki, ma ifana toa ni sui bana na kera ni da, toa eri sui boo na tha Lord na God kulu kai ailia mai.

Efesasi 2:19

Mania kamulua wane ana fanua eeta ki ma wane kwaita ki e ai naa, muka tee kulee toa bia too abu eki, ma tee baree wela bia baree wela tha God,

Hibaru ki 8:6

Ma si maṉa eri e fulatoona ra la ne lea ka tatha, ’uria lau boo nia Wane ana fofolo la ana alaofua ne lea ka tatha, na kera faaṉadoa fafia si alaṉaia ne lea ka tatha ki.