Efesasi 1:7 - Ṉa Alaofua Falu 1923 1949

⁷ Wane eri na kulu rikia tae la faisi kulu ni ani nia sulia ’abuna, na manata lube la ana abula garo lakulua ki, sulia inotoa lea la nia.

Efesasi 1:7 Referans Kwoze

I. Pita 2:24

Ne ṉalia abula taa lakulua ki i talaana i seena i talaana sulia ’ai ba, fasi ni kulu, uria na kulu mae naa ana abula taa la ki, kuka maruki ana kokoto la; ma aliliboa nia ki e faamaruki kamulua.

Roma 3:24

Sui kera tona falea kokoto la ifada ana lea la nia uria tae la faisida na ni atha Christ Jesus:

Kolose 1:14

Wane eri na kulu rikia tae la faisi kulu ni ani nia ana ’abuna, na manata lube lana abula taa la kulu ki.

Hibaru ki 9:22

Ma sulia ṉa lo, karaṉia kwai sorea, si do ki sui bana kera faafalua asi ’abu, ma igwa lana ’abu ka ai faisia, doanita la ka ai lau boo faisia.

Mathui 26:28

Uria na abuku nai nia ana alaofua falu, ne igwa ifana toa oro uria doanita la ana abula taa la ki.

Si do na kera fatai nia 5:9

Ma keka ṉulia tee fa ṉu falu, keka una eri, O farana ṉali lana ṉa buka, ma dekwe lana do ne faaṉadoa ki: sulaania kera thauṉi oe oko mae, mo usia imole ki ifatha God ana abumu faisia kulee toa ni sui, ma toa ana ṉata la eki sui bana, ma ina lana imole ni sui boo, ma toa ana fanua eeta ki sui bana,

I. Jone 2:12

Kwai kekeda kau isamulua, kala wela ki, sulaania abula taa la kamulua ki kera manata lubea ana thatana.

Filifae 4:19

Ma God nau kai falea si do na kai talaana si do ki sui bana na muki rofea, sulaania do oro ne rikidaki ana inotoa atha Christ Jesus.

Efesasi 2:7

Fasi asi kada na ni ki u nia kai fatai nia lea la nia ne inoto asia naa ana ade lea la uri kulu atha Christ Jesus:

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Fa Ṉu Abu ki 130:7

Isirela ae, manatatoo ṉado fasi uria si do lea atha Jihova; uria na si lio ni tatakomi la ni atha Jihova, ma ani nia tae la faisi kulu kai oro faamau.

Efesasi 3:16

Fasi, sulia si do eki na nia kai rikii do ania uria faainoto lana, nia kai falea si kula eri ifamulua keki faasukwaia wane nai ruruumulua ana sukwaia ana Spirit nia;

II. Korinitha 8:9

Sulaania mulu thaitoomana lea la Lord kulu tha Jesus Christ, na, boro sa nia ka rikii do mena, e toto ana rofe la uri kamulua, fasi ana rofe la nia eri ni kamulua muki rikii do.

Roma 2:4

Mado o fare faekwa ana lea la nia ne baita asia naa ma mamasoro la ma si lio ni doanita tatha la nia, uria nosi thaitoomana sulia lea la tha God eri ne tole oe mai uria manata akele la?

I. Jone 2:2

Ma nia Wane na ka dianalio faisi kulu uria abula taa la kulu ki; ma talitoona abula taa la kulu ki e ai, abula taa la toa na fanua nei iano ka sui bana.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

Mathui 20:28

Ka ’uria boo Kaluwane imole ne ai si fula fasi keki ra iana e ai, e fula uria ra la ifana imole, ma fale lana maṉona ana tae la faisia toa oro.

I. Jone 4:10

Liothau la ka to fatai asi kula eri, na ni kulu kulu liothau atha God e ai, ni nia e liothau ani kulu, me arasia mai Kaluwane nia, wane na ka dianalio uria abula taa la kulu ki.

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

Fa Ṉu Abu ki 86:5

Sulia na ni oe, Arai Lo ae, o ade lea, si lio oe ana manata lube la, tatakomia oe ka baita asia naa ifana toa eki sui boo na kera ’ai thatamu.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

Efesasi 3:8

Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

Si do Aposela ki kera ilidaki 10:43

Porofeta eki sui boo keka faamamanea si do na kera thaitoomana suli nia, na ni tei bana na kai fitoona keki doanita ana abula taa la nia ki ana thatana.

Jone 20:23

Ni tei bana na kamulua muki doanita ana abula taa la nia ki, kera doanita bonaa ani nia; ni tei bana na muki sorea abula taa la nia ki kai to fafi nia, kai to bonaa fafia.

Mako 14:24

Ma nia ka soree isada, Abuku nai nia ana alaofua falu, ne igwa ifana toa oro.

Taetasi 3:6

Ne kiki faamau ania ani kulu, atha Jesus Christ ne faamaruki kulu;

I. Timothi 2:6

Ne fale nia ana tae la faisia toa ni sui; si do na toa na kera thaitoomana keki ṉata sulia asi maṉa nia bonaa;

Kolose 2:13

Ma ni kamulua, na mulu mae naa uria ade garo la kamulua ba ki ma uria seemulua na kesi kwai kakalia, e faamaruki kamulua ofu bi nia, uria ne doanita iamulua ana ade garo la kamulua ki sui bana;

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

Efesasi 2:4

Ma tha God, uria tatakomia nia ne inoto, sulaania liothau la baita nia ne liothau ani kulu,

Roma 9:23

Ma fasi kai adea keki thaitoomana inotoa nia ne baita asia naa ana kwadee do ana tatakomia ki, ne beta totonao maakwalia inotoa,

Si do Aposela ki kera ilidaki 3:19

Mania muki akeletania manatamulua, ma muki akele buri, fasi keki usua abula taa la kamulua ki, fasi maana si do eri si maṉa ana faalea lakulua la ki kai thafali mai asi kula na ni inaofatha Lord;

Luke 24:47

Bia keka ṉata sulia manata akele la ma doanita la ana abula taa la ki ana thatana i maalutana kulee toa ni sui, keka thafalia mai i Jerusalema.

Luke 1:77

Fasi ka falea thaitoomana lana marukia ifana toa nia ki Ana doanita la ana abula taa la kera ki,

Si do na kera fatai nia 14:4

Toa ne a kesi faasuada ana kini ki neri; sulaania kera wane dara ki. Toa na keki lae buriana ṉa Lama atona bana si kula ne lae uria. Toa na kera usida faisia i maalutana wane ki neri, kera foee do totonao ki ifatha God ma ifana ṉa Lama.

Efesasi 1:6

Ana taṉo lana inotoa lea la nia, ne ala fafi kulu ania ana Wane liliothaua nia:

Fa Ṉu Abu ki 130:4

Sui si lio ni manata‐lube la ni isamu, fasi keki faare baita iamu.

Mathui 6:12

Ma oki manata lube kamilia ana abula taa la kamilia ki, ’uria lau boo na miki manata lube kera na kera abula taa iamilia.

Roma 3:25

Wane na tha God e alu fatai ania, si kula ana dianalio la, ana fitoona lana abuna, uria fatai lana kokoto la nia, ne doanita sulia mamasoro la tha God ana abula taa la eki na kera abula taa ania dini u mai inao;

Efesasi 1:8

Ne adea ka oro uri kulu ana liotooa ni sui ma manata kali la,

Efesasi 1:14

Na thafali lana do lea eri na kuki fulatoona, fasi keki tae naa faisia si do kulu eri, ana taṉo lana inotoa nia.

Efesasi 1:18

Keki ifinia maana wane nai ruruumulua, fasi muki thaitoomana si do eri ne manatatoo ṉado uria si maṉa ne aili kulu mai, ma si do eki na nia kai rikii do ania uria faainoto lana la na nia kai fulatoona ana toa abu eki,