Efesasi 1:5 - Ṉa Alaofua Falu 1923 1949

⁵ Uria ne too kulu u boo totonao kuki fulatoona thathagoni lakulua la isana kuki kaluwane nia ki atha Jesus Christ, sulia si thathami la lea nia,

Efesasi 1:5 Referans Kwoze

Efesasi 1:11

Wane eri lau boo na mika inamaruki ani nia asi do miki fulatoona, uria na kera alu kamilia ania u mai inao sulia si do ni nia e thathamii ilia ne ilia si do ki sui bana sulia si do manatane thathamia;

I. Jone 3:1

Muki rikia fasi liothau la baita eri na ṉa Maka e liothau iakulua ania, na keki alaṉi kulu ana wela tha God ki: mania fanua nei iano ka ai si thaitoomakulua, uria ne ai si thaitoomana ni nia.

Jone 1:12

Sui toa eri na kera thathagoni nia mai, nia ka falea sukwaia ifada keka wela tha God ki, ifana toa eri na keka fitoona thatana:

Roma 8:23

Ma talifilia si do eki e ai, ni kulu lau boo, na kulu rikia naa foee do totonao na tha Spirit, ni kulu mena kulu kwai baita i ruruukulua, si maṉa kulu maakwalia thathagoni la eri na keki thathagoni kulu mania kuki wela nia ki, si maṉa ana tae la faisia seekulua neri.

Galesia 3:26

Uria ni kamulua sui boo kaluwane tha God ki, uria fitooa, atha Christ Jesus.

II. Korinitha 6:18

Ma nau kwai Maka kamulua, Ma ni kamulua kaluwane nau ki ma thari nau ki, tha Lord ne sukwai ka tatha e sorea.

Si do na kera fatai nia 21:7

Wane na si nia kai tatha kai fulatoona si do ki sui boo; ma ni nau na God nia, ma ni nia na kaluwane nau.

Efesasi 1:9

Uria ne fatai nia si do ne toto thaufuni isakulua asi do nia thathamia, sulia si thathami la lea nia ne onotoona ani nia

Jone 11:52

Ma talitoona uria kulee toa eri e ai, fasi kai ofua lau boo ana tee si do wela tha God ki na kera foatata anida.

II. Thesalonika 1:11

Ma uria si kula eri mili foa ṉado lau boo uri kamulua, fasi God kulu manatana na muki farana aili la ne aili kamulua mania, ma fasi kai adea do eki sui bana na lea la nia e thathamia, ma ra eri ana fitooa, kai mamana boo ana sukwaia;

Luke 10:21

Asi kadee maṉa eri tha Jesus e seethathala atha Spirit, ma ka sorea, Nau ku sore lea iamu, Maka ae, Lord ana thalo lo ma fanua nei iano, uria no thaufunia si do eki faisia toa liode too ma toa manatade kali, mo fatai nia isana wela aabu ki: iu, Maka; sulia si do una eri o rikia ka lea.

I. Korinitha 1:21

Uria na sulaania ana liotooa tha God fanua nei iano ana liotooa nia i talaana e dora ania tha God, tha God e thathamia ana oewanea la si do na kera ṉata sulia kai faamarukia toa na kera fitoo.

Jone 20:17

Tha Jesus ka soree isana, Osi sua nau; uria ni nau e ai kwasi tae u isana Maka nau: oko lae isana dooraku kera, oko faaroṉo kera, Nau kwai tae kau isana Maka nau ma Maka kamulua, isana God nau ma God kamulua.

Mathui 11:26

Iu, Maka, sulia si do una eri o rikia ka lea.

Luke 11:32

Wane ba i Ninifa ki toto keki takwe afa boṉi ana kotu baita isana unii wane nei maṉa eri, ma keki sorea kera abula taa boo: uria na kera akeletania boo manatada sulia ṉata lana tha Jona; ma rikia fasi, tee wane ne baita ka tatha atha Jona ni kunei.

Filifae 2:13

Sulaania tha God ana ne ra ani kamulua muka thathamii ra ma muka ra lau boo, uria si do ni nia e thathamia.

I. Korinitha 1:1

Tha Polo, wane na kera aili nau ku aposela tha Jesus Christ asi do na tha God e thathamia, ma doorakulua na tha Sothenisi,

Mathui 1:25

Ma ka ai si fula isana toto ka tharea tee kaluwane inao; ma nia ka alaṉia atha JESUS.

Luke 12:32

Musi mau, aini sifi na musi oro; uria na Maka kamulua e to’oa kai falea tooa eri ifamulua.

Si do Aposela ki kera ilidaki 13:48

Ma si maṉa na Jenetaele ki kera roṉoa si do eri, kera seethathala, keka faainotoa bae lana ṉa Lord: ma toa eki sui bana na kera filida ana marukia tatha keka fitoo.

Kolose 1:19

Sulaania ṉa Maka e thathamia na nia kai fuṉu asi do lea ki sui bana;

Hibaru ki 2:4

Si maṉa na tha God lau boo e faamamanea bi kera si do nia thaitoomana, ana bala si do ki ma do ni kwele la ania, ma asi ra sukwai oro ki lau boo, ma asi fale la tataka ki atha Spirit Abu, sulia si do nia tala thathamia?