Efesasi 1:4 - Ṉa Alaofua Falu 1923 1949

⁴ ’Uria lau boo e fili kulu ani nia si maṉa na kesi boa u fanua nei iano, fasi kuki abu ma kuki dodoloa inaofana ana liothau la:

Efesasi 1:4 Referans Kwoze

II. Timothi 1:9

Ne faamaruki kulu, me aili kulu mai ana aili la ne abu, sulaania ra kulu ki e ai, sulaania si do ni nia e tala thathamii ilia ma uria lea la nia, na kera falea naa iakulua atha Christ Jesus to u asia mai inao ne ai si sui,

Efesasi 2:10

Uria ni kulu do nia e thauwai nia, ne thauwai kulu atha Christ Jesus maakwalia si ra lea ki, na tha God e thathaia totonao fasi kuki abula sulia.

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania:

Si do na kera fatai nia 13:8

Ma toa eki sui boo nai fanua nei iano keki faabaita nia, toa eki na kesi keda thatadalua i la buka ana marukia ṉa Lama na kera thauṉia ka too mai ana boa lana fanua nei iano.

Jone 15:16

Kamulua e ai musi fili nau, nau na ku fili kamulua, ku alu kamulua, fasi muki lae, muki fuṉu ana foee do ki, bia fasi foee do kamulua eki kai to ṉado: fasi atona bana ta si do na muki gania ana ṉa Maka ana thataku, nia kai falea iamulua.

I. Pita 1:2

Na kera fili kamulua sulia si do na tha God na Maka e thaitoomana totonao, ana faaabu lamulua la atha Spirit, uria ade la sulia ṉata lana ma uria taṉasi lamulua la ana abuna tha Jesus Christ: Lea la ma enenoa kai oro alaa iamulua.

I. Pita 1:20

Wane na kera thaitoomana boo totonao si maṉa na kesi boa u fanua nei iano, ma sui kera fatai nia ana susui lana si maṉa eki uri kamulua,

Kolose 3:12

Mania toa na tha God e fili kamulua, na mulu abu ma kera liothau ani kamulua, muka tooni asi do nai ki, si lio ni tatakomi la, ade lea la, abula seseka la, abula marabibi la, si lio ni doanita tatha la;

Kolose 1:22

Ana seena i talaana uria maea, fasi kai fatai kamulua muki abu ma muki dodoloa ma kesi rikia ta si do na keki sore kamulua fafia inaofana:

Efesasi 5:27

Fasi kai fatai nia ṉa figua fani nia i talaana na do inoto, e ai si karua me ai si lukuta me ai ta si taa la una eri si to ania; kai abu ma kai dodoloa.

Si do na kera fatai nia 17:8

Do maruki eri ne kwasi no rikia na ba e toto i dini, ma si maṉa eri ka ai naa, ma sui kai makee tae faisia ṉa kilu kwasi, sui kai lae fasi kai to ana taa la toto si sui. Ma toa na fanua nei iano, na kesi keda thatada asi maṉa ana boa lana fanua nei iano i la buka ana marukia, keki kwele, si maṉa na keki rikia do maruki eri ne kwasi, ne toto i dini, ma si maṉa eri ka ai naa, ma toto kai fula mai.

Si do Aposela ki kera ilidaki 13:48

Ma si maṉa na Jenetaele ki kera roṉoa si do eri, kera seethathala, keka faainotoa bae lana ṉa Lord: ma toa eki sui bana na kera filida ana marukia tatha keka fitoo.

Jone 17:24

Maka ae, toa no falea ifaku, nau ku thathamia, si kula na nau kwai to iei, ni kera lau boo keki to bi nau; fasi keki rikia inotoa nau, no falea ifaku: uria no liothau ani nau si maṉa na kesi boa u fanua nei iano.

I. Thesalonika 4:7

Uria na tha God e ai si aili kulu uria manata taa la, ana faaabu lakulua la bana.

Filifae 2:15

Fasi muki dodoloa ma seemulua kai eno, baree wela tha God ki ne ai ta si lio garo si ni ani kamulua i maalutana unii wane na kilu kekeo ma kiku ade garo, unii wane na kera riki kamulua i maalutada mala laafa ki i fanua nei iano,

II. Timothi 2:19

Ma sui gwa fau sukwai totonao tha God ki ka takwe ṉado, kera safua ana do ni faaṉado la nania, Tha Lord e thaitoomana toa nia ki: ma, Ni tei na ka ’ai ana thatana tha Christ kai ekwa asi abula la ne ai si kokoto.

Si do Aposela ki kera ilidaki 18:10

Uria ni nau kwai to bi oe, me ai ta wane si alasi oe uria thauṉi lamu la: sulaania toa oro ni isaku ana toaa susu nai.

Fa Ṉu Abu ki 135:4

Sulia na tha Jihova e filia Jekofo ifana italaana, Isirela na ogogonia nia u boo.

II. Timothi 2:10

Mania nau ku susuu asi do ki sui bana ifana toa na tha God e filida, fasi ni kera lau boo keki fulatoona marukia eri na ni atha Christ Jesus bia inotoa na kai to tatha.

Efesasi 4:2

Ana abula seseka la faamau ma abula marabibi la, asi lio ni doanita tatha la, muki mamasoro kamulua kwailiu ana liothau la;

I. Korinitha 1:8

Na kai faaṉado kamulua lau boo ka fula ana susui la, muki dodoloa afa boṉi eri na Lord kulu tha Jesus Christ.

Mathui 24:31

Ma nia kai arasia mai angel nia ki fafia aṉi lana buṉu ne aṉi baita, ma keki ofua mai toa nia ne talisida faisia fai sui fanua, faisia susui lana tee bali ana thalo lo, lae ka fula ata bali.

Efesasi 5:2

Ma muki abula ana liothau la, talafana lau boo tha Christ e liothau ani kulu, me alamatai nia uri kulu, ana do na kera tona falea ma do ni foa la ne makwa lea ifatha God.

Jone 10:16

Ma nau akua tei sifi lau, na kesi to i la thakali nei: kera lau boo kwai tolea mai e ai si ei boo, ma keki roṉoa liṉana ṉata laku; ma toto keki ofu ana tee aini sifi, ma tee wane ni fono toi la kalida.

I. Thesalonika 3:12

Ma ṉa Lord kai adea liothau la kamulua kai baita alaa uri kamulua kwailiu, ma uria wane ki sui boo, ’uria lau boo liothau la kamilia uri kamulua;

Efesasi 3:17

Fasi tha Christ kai to i ruruumulua ana fitooa; adedea, na keka faaṉadoa lalimulua ana liothau la,

Galesia 5:13

Sulaania ni kamulua, doora kera, kera aili kamulua mai fasi muki tonee to; sui to lea la eri do ifana seena imole fasi kai inoto e ai, muki ra kwailiu ifamulua ana liothau la.

Roma 8:33

Ni tei na kai alaṉia ta si do ana toa na tha God e fili kulu? Tha God ana ka ala fafia kokoto lakulua;

Mathui 24:24

Uria na Christ na kesi mamana ki, ma porofeta na kesi mamana toto keki tatae, keki fatai nia bala si do baita ki ma do ni kwele la ania; fasi, mada sa kera talaana, do keki talai garo ana toa na kera talisida ni mena.

Mathui 24:22

Ma mada sa kesi lofoṉurusia fa boṉi eki, ta wane so ka maruki e ai: sui keki lofoṉurusia boo fa boṉi eki ifana toa kera talisida.

I. Jone 4:16

Ma kulu thaitoomana ma kuka fitoona naa liothau la eri na ni isatha God uri kulu. Tha God na ṉa liothau la; ma wane na ka to ana liothau la e to atha God, ma tha God ka to ani nia.

II. Pita 3:14

Mania, toa liliothaua nau ki, uria na mulu maakwalia si do eki, muki seemabe fasi keki fulatoomulua ana enenoa, muki dodoloa ma maana si rikia ta si do taa ani kamulua.

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

Galesia 5:22

Ma foee do atha Spirit na ṉa liothau la, seethathala la, enenoa, si lio ni doanita tatha la, adelea, abula thathaore la, abula lea la, abula mamana la,

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Si do Aposela ki kera ilidaki 15:18

Tha Lord e soroa, nia na ka fafatai nia si do eki ka toto bana ita mai ana thafali lana fanua nei iano ka fula asi maṉa eri.