Efesasi 1:3 - Ṉa Alaofua Falu 1923 1949

³ Taṉo nia ne God na Lord kulu tha Jesus Christ ma Maka nia, ne alua lea la tha Spirit ka sui bana kai to fafi kulu asi do ṉa thalo ki atha Christ:

Efesasi 1:3 Referans Kwoze

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

II. Korinitha 1:3

Keki taṉoa thatana tha God na Maka ṉa Lord kulu tha Jesus Christ, Maka na kai kwaitatakomi ma God na kai faainamaruki kulu sui boo;

Efesasi 2:6

Me tatae kulu ofu bi nia, e alu kulu kuka ono bi nia i thalo lo ki, atha Christ Jesus:

GENESIS 22:18

Ma kulee toa ni sui bana na i fanua na i iano, kai lea iada sulia kwalafamu, uria no ade naa sulia ṉata laku.

Efesasi 1:20

Ne ra ania atha Christ, si maṉa ne tataea na ba faisia toa mae ki, ka alua kai ono ibali aba aola nia i thalo lo ki,

Fa Ṉu Abu ki 72:19

Ma muka taṉoa toto si sui thatana ne inoto ka tatha; ma inotoa baita nia kai fuṉu i la fanua na i iano ni sui bana. Emeni, ma Emeni.

Efesasi 6:12

Sulaania do ana mariko ma abu e ai na kulu kwaikwairaui bia, toa inoto eki molo, toa sukwai eki, toa gwauwai fafia si kada nei ana maerodo nei, omea spirit taa ki nai thalo.

Efesasi 3:10

Fasi asi maṉa eri keki fatai nia liotooa tha God, ne manataia si do oro ka tatha, isana toa inoto ma toa sukwai nai thalo ki, keki thaitoomana sulia figua eri,

Galesia 3:9

Mania toa eki ana fitooa kai lea iada ofu bia tha Aberahamo, wane eri ne fitoo.

Fa Ṉu Abu ki 134:3

Tha Jihova kai alua lea la fafi oe ita mai Saeono; ni nia neri ne thauwai nia thalo lo ma fanua na i iano.

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

Fa Ṉu Abu ki 72:17

Thatana kai ṉado toto si sui; thatana kai to ṉado bana ’uria lau boo thato lo: ma keki alua lea la ifana wane ki ani nia; kulee toa eki sui bana keki alaṉi nia ana wane ne lea iana.

Efesasi 1:17

Fasi nia ne God na Lord kulu tha Jesus Christ, ṉa Maka ana inotoa, kai falea spirit ana manata lea la ifamulua ma riki lana si do nia kai fatai nia ana thaitoomana lana la;

II. Korinitha 11:31

Nia ne God na Lord kulu tha Jesus Christ ma Maka nia, nia na kera taṉoa toto si sui, nia thaitoomana nau e ai kwasi lole.

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

GENESIS 14:20

Ma soreleaa kai to ifatha God ne Inoto ka Tatha, ne falea maalimae oe ki i abamu. Ma tha Aberamo ka falea taṉafula si do ki sui bana ifana.

I. Korinitha 12:12

Uria na talafana seena imole tee do, ma si do ki na ana seena imole eri ka oro, ma si do ki sui boo na ana seena imole, ka oro mena, ka ofu ana tee see do; alafana lau boo tha Christ.

Roma 12:5

Alafana lau boo ni kulu, na kulu oro, kulu ofu mai ana tee see do atha Christ, ma kulu tee si do na ana seekulua kwailiu.

Efesasi 1:10

Uria si ra ne takofale nia ania asi maṉa na kai kokoto ania, fasi kai ofua si do ki sui bana atha Christ, si do nai thalo ki, ma si do nai fanua nei iano; ani nia,

II. Korinitha 5:17

Mania mada sa ta wane ni atha Christ, nia do falu: si do u inao ki ka sui naa; rikia fasi, si do ki sui bana e falu naa.

Roma 15:6

Fasi ana tee si lio ma ana tee si ṉata muki faainoto nia ne God ṉa Lord kulu tha Jesus Christ ma Maka nia.

Nehemiah 9:5

Sui Lifaete eki, tha Jesua, ma tha Kamiele, tha Baani, tha Asanaea, tha Serebaea, tha Odaeja, tha Sebanaea, ma tha Betaea, keka una eri, Muka takwe iaa, taṉoa fasi tha Jihova na God kamulua toto si sui: taṉo la e farana thatamu ne inoto faamau me ni iaa ka tatha asi do eki sui bana na kera faare baita ania ma keka taṉoa.

Hibaru ki 8:5

Na keka ra asi do ne ’uria si do nai thalo ma nuna do eki, ’uria lau boo tha God e faaroṉoa tha Mosesi si maṉa karaṉi kai kasia biui maku eri: uria ne sorea, Beta suli oe, oki thauwai nia si do ki sui bana talafana do totonao na kera fatai nia isamu i gwauna gwa tolo eri.

Filifae 2:11

Ma fasi meana toa eki sui bana kai faamamanea tha Jesus Christ na nia Lord, ana inotoa tha God na Maka.

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Hibaru ki 9:23

Mania do kera ilia, e ai si ei boo, na kera faafalua nunui do asi do nai thalo lo ki asi do eki; ma si do mamana nai thalo lo ki ana do ni foa la ki ne lea ka tatha asi do eki.

Jone 20:17

Tha Jesus ka soree isana, Osi sua nau; uria ni nau e ai kwasi tae u isana Maka nau: oko lae isana dooraku kera, oko faaroṉo kera, Nau kwai tae kau isana Maka nau ma Maka kamulua, isana God nau ma God kamulua.

Jone 14:20

Lalae afa boṉi eri muki thaitoomana boo na nau ku ni ana Maka nau, ma ni kamulua mulu ni ani nau, ma ni nau ani kamulua.

Luke 2:28

Si maṉa eri nia ṉalia, ka olia, ma ka taṉoa tha God, ka sorea,