Efesasi 1:11 - Ṉa Alaofua Falu 1923 1949

¹¹ Wane eri lau boo na mika inamaruki ani nia asi do miki fulatoona, uria na kera alu kamilia ania u mai inao sulia si do ni nia e thathamii ilia ne ilia si do ki sui bana sulia si do manatane thathamia;

Efesasi 1:11 Referans Kwoze

Roma 8:28

Ma kulu thaitoomana na si do ki sui bana ka ra ofu uria lea la ifana toa na kera liothau atha God, toa eki na kera ailida mai sulia si do manatana e thathamii ilia.

I. Pita 1:4

Maakwalia si do na kuki fulatoona ne toto si taa, na kesi faataalia, ma ka ai si sui, na keka beta i thalo maakwali kamulua,

Efesasi 1:14

Na thafali lana do lea eri na kuki fulatoona, fasi keki tae naa faisia si do kulu eri, ana taṉo lana inotoa nia.

Efesasi 3:11

Sulia si do manatana e thathamia ita asi maṉa nai nao ki ka toto si sui atha Christ Jesus na Lord kulu:

Efesasi 1:5

Uria ne too kulu u boo totonao kuki fulatoona thathagoni lakulua la isana kuki kaluwane nia ki atha Jesus Christ, sulia si thathami la lea nia,

Galesia 3:18

Sulaania mada sa kera fulatoona si do eri ana ṉa lo, do sulia alaṉaia eri e ai: ma tha God e alamatania ifatha Aberahamo sulia alaṉaia eri.

Hibaru ki 6:17

Talafana lau boo tha God, uria ne thathamii fatai nia si do nia manataia ne ṉado ne ai si tatala, ka to lalaa ka tatha isana toa ba ki na keki too uria fulatoona lana alaṉaia eri, e safua ana othi la:

Taetasi 3:7

Fasi, uria na kera ala fafia kokoto lakulua uria lea la nia, kuki inamaruki ana Maka kulu asi do na kulu manatatoo ṉado uria na ṉa marukia tatha.

Roma 8:17

Ma mada sa kulu wela nia ki, kuki ṉalia lau boo ta si asi do nia ki; kuki ṉalia ta si asi do tha God ki, ma kuki ṉalia ofu bia tha Christ; mada sa kuki to ana taa la ofu bi nia, fasi keki faainoto kulu ofu lau boo bi nia.

Kolose 1:12

Muki sore lea ana ṉa Maka, ne adea kuka farana ṉali Iana ta si asi do toa abu eki keki fulatoona i la lalaa la;

Kolose 3:24

Uria na muki thaitoomana toto muki ṉalia kwaiara ba, si do eri na ṉa Lord kai falea fani kamulua na muka inamaruki ani nia: do muki ra ifana ṉa Lord tha Christ.

Si do Aposela ki kera ilidaki 26:18

Fasi oki ifinia maada, kikui akele faisia maerodo uria ṉa lalaa la, ma faisia sukwaia tha Satan isatha God, fasi keki manata lubea abula taa la kilua ki, ma kikui ṉalia si do na kikui fulatoona i maalutana toa na kera faaabuda ana fitoona laku la.

Si do Aposela ki kera ilidaki 20:32

Ma sui si maṉa eri, doora kera, ku takofale kamulua atha God, ma asi baea ana lea la nia, ne sukwai fasi kai faasukwai kamulua, ma kai falea si do eri na muki fulatoona i maalutana toa eki sui boo na kera faaabuda.

Si do Aposela ki kera ilidaki 2:23

Wane eri na kera alamatania sulia si do manatana tha God e thathamii ilia ma si do ne thaitoomana totonao, ni kamulua mulu raua, ma ana abana wane na kera ilia si do kera lufia mulu fota fafia ana ’ai rarafolo ma mulu thauṉia:

Si do Aposela ki kera ilidaki 20:27

Sulaania e ai kwasi mau ana faaroṉo lamulua la sulia si do eki sui bana na tha God e manataia.

Si do Aposela ki kera ilidaki 4:28

Fasi keka ilia si do eki sui bana no gwalua ana abamu ma manatamu totonao.

Fa Ṉu Abu ki 37:18

Tha Jihova ka thaitoomana fa boṉi eki ana toa oolo: ma fanua na keki ṉalia ifada ka toto si sui.

I. Pita 3:9

Musi duduua taa la ana taa la, mado ṉata taa la ana ṉata taa la; muki duua amulua ana lea la; uria na kera aili kamulua mai uria si kula eri, fasi muki fulatoona lea la.

Roma 11:34

Sulaania ni tei ne thaitoomana si do ni manatana tha Lord? mado ni tei ne faaroṉo nia asi do ne lea kai ilia?

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?

Efesasi 1:8

Ne adea ka oro uri kulu ana liotooa ni sui ma manata kali la,

Si do Aposela ki kera ilidaki 13:48

Ma si maṉa na Jenetaele ki kera roṉoa si do eri, kera seethathala, keka faainotoa bae lana ṉa Lord: ma toa eki sui bana na kera filida ana marukia tatha keka fitoo.

Roma 8:29

Sulaania toa ne thaitoomana totonao si do na keki ilia, toa eki manatana e sorea lau boo totonao keki ’uria nuna Kaluwane nia, fasi nia kai ulunao ana baree wai doorana oro ki:

Roma 8:30

Ma toa na manatana e una eri totonao sulida, e ailida lau bomai: ma toa ne ailida mai, e ala lau boo fafia kokoto lada: ma toa ne ala fafia kokoto lada, e faainotoda lau boo.

Roma 9:11

Uria si maṉa na wela eki kesi futa u mai, ma kesi ilia u si do ne lea mado si do ne taa, fasi si do eri na manatana tha God e thathamii ilia sulia fili la kai ṉado, asi ra ki e ai, ani nia na ka ailia mai.

Efesasi 1:9

Uria ne fatai nia si do ne toto thaufuni isakulua asi do nia thathamia, sulia si thathami la lea nia ne onotoona ani nia

Efesasi 1:18

Keki ifinia maana wane nai ruruumulua, fasi muki thaitoomana si do eri ne manatatoo ṉado uria si maṉa ne aili kulu mai, ma si do eki na nia kai rikii do ania uria faainoto lana la na nia kai fulatoona ana toa abu eki,

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.