Efesasi 1:1 - Ṉa Alaofua Falu 1923 1949

¹ Polo, aposela tha Jesus Christ sulia si do na tha God e thathamia, isana toa abu eki nai Efesasi, ma toa mamana eki atha Christ Jesus:

Efesasi 1:1 Referans Kwoze

Kolose 1:2

Isana toa abu eki ma baree wai doorana mamana eki atha Christ nai Kolose: Lea la iamulua ma enenoa ita atha God na Maka kulu ma tha Lord Jesus Christ.

II. Korinitha 1:1

Polo, aposela tha Jesus Christ asi do na tha God e thathamia, ma doorakulua na tha Timothi, isana figua tha God nai Korinitha, bia toa abu eki sui bana na kera to i fanua i Akaia ni sui:

Galesia 1:1

Polo, ṉa aposela (aposela wane ki e ai, ma sulia wane ki ka ai lau boo, atha Jesus Christ ana, ma tha God na Maka, ne tataea faisia toa mae ki),

Roma 1:1

Tha Polo, wane ni ra tha Jesus Christ, na kera aili nau fasi kwai aposela, ma kera fili nau ifana si faaroṉoa lea tha God,

Roma 1:7

Isana toa nai Roma ki sui bana, na tha God e liothau ani kamulua, toa abu ne aili kamulua mai: Lea la iamulua ma enenoa ita mai atha God na Maka kulu ma tha Lord Jesus Christ.

Efesasi 6:21

Ma fasi ni kamulua lau boo muki thaitoomana to la na nau ku to ania, tha Tikikasi, doora liliothaua kulu eri ma wane ni ra mamana ana ṉa Lord, kai faaroṉo kamulua asi do ki sui bana:

I. Korinitha 4:17

Uria si kula eri ku arasia kau tha Timothiasi isamulua, ne wela liliothaua ma mamana nau ana ṉa Lord, na kai faaroṉo kamulua lau ani nau muki onotoona abula laku na ni atha Christ, talafana si do ni nau ku kwaifamanatai sulia ana figua eki sui boo ta fanua si ei.

Luke 16:10

Wane ne mamana asi do faekwa asia boo e mamana lau boo asi do oro: ma wane ne ai si kokoto asi do faekwa asia boo e ai si kokoto lau boo asi do ne oro.

Si do na kera fatai nia 2:10

Osi mau ana taa la eki na toto oki to ania: rikia fasi, e ai si tau na tha devil kai suia tai toa iamulua uri la lokafu, fasi keki ilitoomulua; ma muki to ana taa la sulia tafulu fa boṉi. Oki to mamana boo uria maea, kwai falea do ni eregwau ana marukia ifamu.

Si do na kera fatai nia 17:14

Toa eki kikui firu bia ṉa Lama, ma ṉa Lama si nia kai tatha iadalua, uria nia Lord inoto ka tatha ana lord ki, ma Kiṉa inoto ka tatha ana kiṉa ki; ma toa eki lau boo na kiku lae bi nia, na kera ailida mai ma kera filida ma kiku mamana.

Galesia 3:9

Mania toa eki ana fitooa kai lea iada ofu bia tha Aberahamo, wane eri ne fitoo.

Roma 8:1

Mania si maṉa eri e ai kesi sorea kwae lana toa eki na ni atha Christ Jesus, na kera abula sulia see imole e ai, sulia tha Spirit.

Si do Aposela ki kera ilidaki 16:15

Ma buriana na kera babataesi nia, bia toa na ana maafera nia, nia ṉata kwaitakoi isamilia, ka una eri, Mada sa manatamulua na nau ku fitoona mamana ṉa Lord, muki kotho mai i maafera nau, ma muki to iei. Ma nia suuwai kamilia uria.

Si do na kera fatai nia 2:13

Nau ku thaitoomana si ra oe ki, ma si kula no to mai iei, fuila do ni ono la tha Satan ana inotoa nia neri: mo rau ṉado ana thataku, ma osi sorea o dora bamua asi do eki no fitoona suli nau, asi maṉa ba mena na tha Adipasi e to u, wane nau ana faamamane lana si do ne thaitoomana suli nau, ma wane fitoo nau, na kera thauṉia i maalutamulua, asi kula na tha Satan ka to mai iei.

I. Korinitha 4:12

Ma mili ulafu, mili ra ana abamilia i talaamilia: kera ṉata taa uri kamilia, ma mili ṉata lea; kera tona ilamatai kamilia, ma mili susuu ania;

Si do Aposela ki kera ilidaki 9:13

Ma tha Ananiasi e luua, Lord, toa oro kera faaroṉo nau ana wane eri, asi do taa oro ne ilia ana toa abu oe ki nai Jerusalema:

Si do Aposela ki kera ilidaki 18:19

Ma nia fula i Efesasi, me akwasidaroa keko to iei: ma ni nia ka kotho i la biu ni ofu la, ka kwaifamanatai isana Ju ki.

Si do Aposela ki kera ilidaki 18:21

Ka alulu anida, ka una eri, Nau kwai faaabua, e ai si ei boo, fafaṉa eri ne kwaikaraṉi naa i Jerusalema: ma sui kwai oli lau mai isamulua, mada sa tha God e thathamia. Sui ka lae i la faka faisia Efesasi.

Galesia 3:26

Uria ni kamulua sui boo kaluwane tha God ki, uria fitooa, atha Christ Jesus.

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

Efesasi 1:15

Mania ni nau lau boo, buriana na nau ku roṉoa fitooa eri na mulu fitoona tha Lord Jesus, ma liothau la na mulu liothau ana toa abu eki sui boo,

Efesasi 2:6

Me tatae kulu ofu bi nia, e alu kulu kuka ono bi nia i thalo lo ki, atha Christ Jesus:

Efesasi 2:10

Uria ni kulu do nia e thauwai nia, ne thauwai kulu atha Christ Jesus maakwalia si ra lea ki, na tha God e thathaia totonao fasi kuki abula sulia.

Efesasi 2:13

Ma si maṉa eri atha Christ Jesus ni kamulua na mulu ni da, kera talai kamulua muka idu karaṉi mai ana abuna tha Christ.