Si do Aposela ki kera ilidaki 9:16 - Ṉa Alaofua Falu 1923 1949

¹⁶ Uria ni nau kwai fatai nia do baita oro isana na kai thauṉi nia e ai si ei boo inunufana thataku.

Si do Aposela ki kera ilidaki 9:16 Referans Kwoze

I. Thesalonika 3:3

Fasi taa la eki e ai si isua ta wane; uria ni kamulua mulu thaitoomana na kulu to bonaa uria si do eki.

Si do Aposela ki kera ilidaki 21:11

Ma nia ka fula isamilia, ka ṉalia si do na tha Polo e ali nia ania, ka kani fafia ro ae nia ki ma ro aba nia ki i talaana, ma ka sorea, Tha Spirit Abu ka sorea, Ju nai Jerusalema ki keki kani una eri ana wane ne ana ana do ni ali lana ana imole nania, ma keki fale nia i abana Jenetaele ki.

II. Korinitha 6:4

Asi do ki sui bana mili ṉata ifamilia, mala toa ni ra tha God ki, asi lio ni susuu ṉado la, ana to la ana taa la ki, ana rofe la ki, ana fualaṉa ki,

Jone 15:20

Muki onotoona si baea ba na nau ku soree isamulua, Wane ni ra e ai si baita si tatha ana wane inoto nia. Mada sa kera tona ilamatai nau, keki tona ilamatai kamulua lau boo; mada sa kera ade sulia bae laku, keki ade lau boo sulia bae lamulua.

I. Pita 4:14

Mada sa keka ṉata taa uri kamulua uria thatana tha Christ, kai lea iamulua; uria na Spirit ana inotoa na ṉa Spirit tha God ka to fafi kamulua: ṉi kera keka ṉata taa i seena, ma ni kamulua muka fare inoto ani nia.

II. Timothi 1:12

Ma sulia si do eri lau boo ku to ana taa la eki: sui e ai kwasi seenoni; uria nau ku thaitoomana ni nia na nau ku fitoona sui, ma nau ku thaitoomana boo na nia e sukwai fasi kai beta si do nau ku takofale nia ania maakwalia fa boṉi eri.

Mathui 5:11

Lea iamulua, si maṉa na keki tamani taa seemulua, ma keki tona ilamatai kamulua, ma keki lole fafi kamulua ana si do taa oro ki inunufaku.

Mathui 24:9

Sui keki fale kamulua ifana malakita la, ma keki thauṉi kamulua: ma toa na fanue ni sui rakeda kai aṉofi kamulua inunufana thataku.

II. Timothi 3:11

Ana ila la na kera tona ilamatai nau ania, ana taa la nau ku to ania; asi do ba ne uri nau i Adioko, ma i Ikoniama, ma i Lisitara; ana ila la ba ki ku susuu ania: ma faisia si do eki sui boo ṉa Lord e faamaruki nau.

Si do Aposela ki kera ilidaki 21:4

Ma mili fulatoona toa eki na tha Jesus e toleda, mili makafa to iei sulia fiu fa boṉi: ma toa eki kera lufia tha Polo atha Spirit, e ai si uri si theegano i Jerusalema.

Si do na kera fatai nia 1:9

Nau tha Jone, dooramulua ma wane ku ṉalia lau boo ta si ana to la eri ana taa la bi kamulua ma tooa eri ma si lio ni susuu la na ni atha Jesus Christ, nau ku to ana auua na kera alaṉia ani Patamosi, uria bae lana tha God ma si do na tha Jesus Christ e faamamanea.

Si do Aposela ki kera ilidaki 9:14

Ma i fanua nai wane inoto ni foa ki kera faasukwai nia fasi kai kania toa eki sui bana na kera ’ai ana thatamu.

Si do Aposela ki kera ilidaki 9:6

Ma nia leleba ma ka tona, ka sorea, Lord, si ta noki thathamia kwai ilia? Ma ṉa Lord ka soree isana, Tatae, oki lae i la toaa susu, ma keki bii faaroṉo oe asi do noki ilia e ai si ei boo.

Si do Aposela ki kera ilidaki 14:22

Keko faaṉadoa ruruuna toa na tha Jesus e toleda, keko soree isada keki to ṉado asi do eki na kulu fitoona, keko faaroṉoda na kuki to e ai si ei boo ana taa la oro ki fasi kuki kotho ana tooa tha God.

Si do Aposela ki kera ilidaki 21:13

Sui tha Polo e luu kamilia, Ta na muki ilia, na muki aṉi ma muki adea lioku kai dila faamau? sulaania nau ku fifarao talitoona fasi keki kani fafi nau e ai, fasi kwai mae lau boo i Jerusalema uria thatana tha Lord Jesus.