Mania toa na kera faaseesula iada keka lae tataka si maṉa ana unii fualaṉa ne tae mai sulia tha Sitifini na ba kera lalae keka fula ana Fenisi, ma Saeporasi, ma Adioko, kesi ṉata sulia si baea isana ta toa eeta, isana talitoona Ju ki.
Ma tha Solo e ala fafia mae lana. Ma kera tona ilamatai nia ṉa figua nai Jerusalema ana ila la baita ne tae mai afa boṉi eri; ma kera faaseesula iada keka lae tataka i la fanua i Judia ma i Sameria, talitoona bana aposela ki kesi lae.
Ma lalae keki tona ilamatai kamulua i la toaa susu nei, muki thaka uria toaa iburiana: uria na mamana ku soree isamulua, Musi lae i la toaa susu i Isirela ki si sui u, ma Kaluwane imole ka fula.
Ma si maṉa na mili toto totonao ana seefia, ma kera fare taa iamilia i Filifae na ba, si do mulu thaitoomana neri, mili bii seeraa ana God kamilia fasi miki ṉata sulia si faaroṉoa lea tha God isamulua i maalutana do oro ne suusia.
Ma si maṉa na kera fitoona ṉata lana tha Filifi ne ṉata sulia si faaroṉoa lea sulia tooa tha God ma thatana tha Jesus Christ, kera babataesida, wane ki ma kini ki lau boo.