Si do Aposela ki kera ilidaki 7:2 - Ṉa Alaofua Falu 1923 1949

² Ma nia sorea, Doora kera ma maka kera, muki fafuroṉo fasi. Ṉa God ana inotoa e fula fatai isana maka kulu ba inao na tha Aberahamo, si maṉa ne to i Mesopotemia, si maṉa ne ai si ni u i Harana,

Si do Aposela ki kera ilidaki 7:2 Referans Kwoze

GENESIS 11:31

Ma tha Tira ka talaia kaluwane nia na tha Aberamo, ma kokoo nia na tha Lota, kaluwane tha Harana na kaluwane nia, ma ni Serai na kini‐fuṉao nia, kwaina kaluwane nia na tha Aberamo; ma kera lae ofu kau faisia i A, na fanua toa i Kaladia, sa keki lae uria fanua i Kenana; ma lalae kera fula i Harana, keka to iei.

Si do Aposela ki kera ilidaki 22:1

Doora kera ma maka kera, muki roṉo nau si maṉa eri ni nau kwai ṉata isamulua, kwai talumatania si do taa eri faisi nau.

Fa Ṉu Abu ki 29:3

Liṉana ṉata lana tha Jihova ni fafona kafo eki, God ana inotoa baita kai ṉata ana kukururua, tha Jihova neri ifafona kafo oro ki.

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Nehemiah 9:7

Ni oe tha Jihova, ṉa God no filia tha Aberamo, mo talai nia mai na ba faisia i A, na fanua toa i Kaladia, mo alaṉia thatana atha Aberahamo;

GENESIS 15:7

Ma nia ka una eri isana, Ni nau tha Jihova na ku talai oe mai faisia i A, na fanua toa i Kaladia, fasi kwai falea fanua nei iamu, do oe bonaa neri.

Si do na kera fatai nia 4:11

Lord, o farana ṉali lana inotoa ma fare baita la ma sukwaia: sulaania o thauwai nia si do ki sui bana, ma uria no thathamia kai fula, ka fula, ma keka thauwai nia.

Taetasi 2:13

Kuki maakwalia ṉado si do na kera taṉoa na kulu manatatoo ṉado uria na ṉa fatai lana inotoa God baita kulu ne faamaruki kulu, tha Jesus Christ neri;

I. Korinitha 2:8

Si do ne ai ta imole ana wane gwauwai i kada nei ki si thaitoomana: uria na mada sa kera thaitoomana bada, kesi fota fafia ṉa Lord, ne inoto ka tatha, ana ’ai rarafolo:

Si do Aposela ki kera ilidaki 23:7

Ma buriana ne ṉata una eri, oli susuu la e tae mai i maalutana Farisi ki ma Sadiusi ki: ma ofu la eri ka to ana ro si lio.

Jone 12:41

Si do eki tha Aisaia e sorea, uria ne rikia inotoa nia; me ṉata suli nia.

Luke 2:14

Keki fare inoto atha God ne ni asi kula da ia ka tatha, Ma i fanua nei iano keki falea enenoa i maalutana imole ne lea iana urida.

Mathui 6:13

Ma osi talai kamilia isana bae aliṉa la, oki suusi kamilia faisia tha Taa, sulaania na do oe na ṉa tooa, ma ṉa sukwaia, ma ṉa inotoa, toto si sui. Emeni.

Fa Ṉu Abu ki 24:10

Ni tei na Kiṉa eri ana inotoa baita? Tha Jihova ana omea baita ki, ni nia na ṉa Kiṉa ana inotoa baita. (Totoo fasi.)

Fa Ṉu Abu ki 24:7

Tafoa fasi gwaumulua, maethakaa ki ’ae; baba ana maana olofolo ki ’ae na muka to tathaa, keki tafo kamulua iaa: ma ṉa Kiṉa nei ana inotoa baita kai kotho mai.

GENESIS 29:4

Ma tha Jekofo ka soree isada, Doora kera, fanua ifei na ni kamulua mulu too mai iei, muka lae mai? Ma keka una eri, Kamilia toa i Harana.

GENESIS 12:5

Ma tha Aberamo ka talaia kau kwaina na ni Serai, ma tha Lota na kaluwane doorana, ma ogogonia kera na kera ofua mai, ma imole eki na kera safu kera anida i Harana; ma keka lae kau fasi keki lae uria fanua i Kenana; lalae keka fulatoona boo fanua eri i Kenana.

GENESIS 12:1

Ma tha Jihova e sorea naa isatha Aberamo, Oi lae kamua faisia fanua oe, ma ina lamu kera, ma toa na i maafera maka oe, uria ta fanua na nau kwai fatai nia isamu;

Si do Aposela ki kera ilidaki 7:1

Ma aofia ni foa e sorea, Si do mamana ki neri?

Efesasi 1:17

Fasi nia ne God na Lord kulu tha Jesus Christ, ṉa Maka ana inotoa, kai falea spirit ana manata lea la ifamulua ma riki lana si do nia kai fatai nia ana thaitoomana lana la;

Hibaru ki 11:8

Ana fitooa tha Aberahamo, si maṉa na kera ailia na ba, e ade sulia si ṉata fasi ka lae kau uria ta fanua na kera tooa kai ṉalia ana do nia i talaana; ma nia lae kau, si maṉa ne dora ania ifei ne lae uria.

Jemesi 2:1

Doora kera, si maṉa na muki rau asi do eki na kulu fitoona sulia Lord kulu tha Jesus Christ, ana inotoa, musi rikia imole ki ’uria sa kesi totoo.