Si do Aposela ki kera ilidaki 6:5 - Ṉa Alaofua Falu 1923 1949

⁵ Ma malului wane eki sui boo kera roṉoa ṉata lada ka lea: ma kera filia mai tha Sitifini, wane ne fuṉu ana fitooa ma tha Spirit Abu, ma tha Filifi, ma tha Porokorasi, ma tha Nikano, ma tha Timona, ma tha Pamenasi, ma tha Nikolasi tee Jenetaele i Adioko na ka ade mala Ju:

Si do Aposela ki kera ilidaki 6:5 Referans Kwoze

Si do Aposela ki kera ilidaki 11:24

Sulaania nia wane abula lane lea, ma ka fuṉu atha Spirit Abu ma ana fitooa: ma toa na kera lae mai isana ṉa Lord kera oro.

Si do Aposela ki kera ilidaki 21:8

Ma afa boṉi iburiana kamilia tha Polo mika lae, mika fula i Sesaria: ma mika kotho i maafera tha Filifi, wane ni ṉata la sulia si faaroṉoa lea, ne wane ana fiu nonii wane ba ki, mika to bi nia.

Si do Aposela ki kera ilidaki 6:8

Ma tha Sitifini, ne fuṉu ana fitooa ma sukwaia, e ilia do baita ni kwele la ania ki ma bala si do ki i maalutana toa eki.

Si do Aposela ki kera ilidaki 7:1

Ma aofia ni foa e sorea, Si do mamana ki neri?

Si do Aposela ki kera ilidaki 6:3

Mania, doora kera, muki talisia mai fiu nonii wane iamulua, toa na kera ṉata lea sulida, na kera fuṉu atha Spirit Abu ma ana liotooa, miki aluda keki ana asi ra eri.

Si do Aposela ki kera ilidaki 13:1

Ma tei porofeta ma tei wane ni kwaifamanatai ki ni Adioko, i la figua nai kula eri, tha Banabasi, ma tha Simiona na kera alaṉi nia ana Wanebulu, ma tha Lusiasi wane i Saerini, ma tha Manena na kera thare ni safu atha Heroda na kiṉa eri bi nia, ma tha Solo.

Si do Aposela ki kera ilidaki 11:19

Mania toa na kera faaseesula iada keka lae tataka si maṉa ana unii fualaṉa ne tae mai sulia tha Sitifini na ba kera lalae keka fula ana Fenisi, ma Saeporasi, ma Adioko, kesi ṉata sulia si baea isana ta toa eeta, isana talitoona Ju ki.

Si do Aposela ki kera ilidaki 6:10

Ma kesi sukwai ana duu lana liotooa eri ma tha Spirit na nia ṉata mania.

Si do na kera fatai nia 2:15

Alafana lau boo tai toa ni isamu na kera bira fafia kwaifamanatai la Nikoletana ki.

Si do na kera fatai nia 2:6

Ma tee si do eri ni isamu, no rikia si ra Nikoletana ki ka taa, si do ni nau ku rikia ka taa lau boo.

Si do Aposela ki kera ilidaki 15:22

Sui manatana aposela ki ma ulunao ki, ma figua eri sui boo, ne lea keki talisia tai wane iada, keki arasida uri Adioko bia tha Polo ma tha Banabasi; tha Judasi neri na kera alaṉia atha Basabasi, ma tha Saelasi, ro wane ana toa na kera tatha inaona baree wai doorana eki:

Mathui 23:15

Taa la kai thauṉi kamulua, wane ni kekeda ki ma Farisi ki, toa na muki olodola! uria na muki kalia amali ma fanua uria ta tee Jenetaele mena muki ṉata isana fasi kai ade mala Ju; ma si maṉa ne ade una eri naa, muki adea nia ṉa wela i Hell ka tatha ani kamulua.

GENESIS 41:37

Ma si ade la eri tha Fero e rikia ka lea, ma wane ni ra nia ki sui bana keka rikia ka lea lau boo.

Si do Aposela ki kera ilidaki 2:4

Ma kera faafuṉua toa eki sui boo atha Spirit Abu, keka bii ṉata asi ṉata la eeta ki, sulia si ṉata na tha Spirit e faaṉata kera ania.

Si do Aposela ki kera ilidaki 11:20

Ma sui tei toa iada wane i Saeporasi ma i Saerini ki, na si maṉa na kera fula i Adioko, keka ṉata isana toa i Girisi ki, keka ṉata sulia tha Lord Jesus.

Si do Aposela ki kera ilidaki 11:22

Ma si faaroṉoa sulia toa eki e talo i aliṉana figua nai Jerusalema: ma kera arasia kau tha Banabasi kai lae uri Adioko:

Si do Aposela ki kera ilidaki 11:26

Ma lalae rofetoona naa, ka talai nia uri Adioko. Ma sui sulia tee fa ṉali laulau, kero to ofu bia figua eri, keko kwaifamanatai isana toa oro; ma toa na tha Jesus e toleda kera alaṉida ana Christian ki totonao i Adioko.

Si do Aposela ki kera ilidaki 11:27

Ma afa boṉi eki porofeta ki kera sifo mai i Jerusalema, keka fula i Adioko.

Si do Aposela ki kera ilidaki 22:20

Ma si maṉa na kera thauṉia tha Sitifini, wane ba ne faamamanea si do ne thaitoomana suli oe, abuna e igwa, nau ku takwe lau boo isada, ku ala fafia mae lana, ma ku beta sulia tooni wane eki na kera thauṉi nia.