Si do Aposela ki kera ilidaki 5:41 - Ṉa Alaofua Falu 1923 1949

⁴¹ Mania kera lae faisia ofu la eri ana seethathala la, uria na manatana tha God e thaitoomana na kera farana to la ana fare faekwa la uria Thatana.

Si do Aposela ki kera ilidaki 5:41 Referans Kwoze

Jemesi 1:2

Manatamulua na do muki seethathala faamau ania, doora kera, si maṉa na muki tatha ana ilitooa oro ki;

Luke 6:22

Lea iamulua, si maṉa na imole keki riki kamulua ka taa, ma keki lalakwatai kamulua faisi kera, ma keki tamani taa seemulua, ma keki lalakwa ana thatamulua ’uria do taa, inunufana Kaluwane imole.

Filifae 1:29

Sulaania kera falea si kula eri iamulua inunufatha Christ, talitoona na muki fitoona e ai, na muki to ana taa la lau boo inunufana:

Jone 15:21

Ma si do eki sui bana lalae keki ilia iamulua inunufana thataku, uria na kesi thaitoomana nia ne arasi nau mai.

II. Korinitha 12:10

Mania nau ku seethathala uria feda la, uria fare faekwa la ki, uria rofe la ki, uria tona ilamatai la ki, uria fualaṉa ki, inunufatha Christ: sulaania si maṉa nau ku feda, si maṉa ku sukwai neri.

Hibaru ki 12:2

Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.

Roma 5:3

Ma ana talitoona bana si do eri e ai, kulu seethathala ana taa la eki lau boo na kulu to ania: uria na kulu thaitoomana to la ana taa la kai ṉalia mai si lio ni susuu la;

Hibaru ki 10:34

Uria na mulu tatatakomia toa eki na kera kani fafida, ma si maṉa na kera lagua si do kamulua ki mulu seethathala ania, sulaania mulu thaitoomana amulua do lea ka tatha na muka rikia, ma do na kai to ladoa.

Si do Aposela ki kera ilidaki 5:21

Ma si maṉa na kera roṉoa, keka kotho i la biu eri si maṉa fanua e thafalii dani, keka kwaifamanatai. Sui aofia ni foa e lae mai, bia toa na kera to isana, ka ailia mai ofu la eri, ma figu la eri sui bana ana wane inoto kwalafa tha Isirela ki, ka kwaiarasi uri lokafu sa keka toleda mai.

Si do Aposela ki kera ilidaki 21:13

Sui tha Polo e luu kamilia, Ta na muki ilia, na muki aṉi ma muki adea lioku kai dila faamau? sulaania nau ku fifarao talitoona fasi keki kani fafi nau e ai, fasi kwai mae lau boo i Jerusalema uria thatana tha Lord Jesus.

III. Jone 1:7

Uria na inunufana Thata eri kera lae kau, ma kesi ṉalia ta si asi do Jenetaele ki.