Si do Aposela ki kera ilidaki 4:7 - Ṉa Alaofua Falu 1923 1949

⁷ Ma buriana na kera aludaroa keko takwe i maalutada, keka soetoodaroa, Sukwaia ta, mado thata ta, na moro ilia asi do nai?

Si do Aposela ki kera ilidaki 4:7 Referans Kwoze

Mathui 21:23

Ma si maṉa na nia fula i la biu baita tha God, wane inoto ni foa ki bia ulunao ki ana toa eri keka fula isana si maṉa nia kai kwaifamanatai, ma keka sorea, Sukwaia ta oki ilia ana do nei ki? ma ni tei ana ne falea sukwaia nei ifamu?

Mako 11:28

Ma keka soree isana, Sukwaia ta oki ilia ana do nei ki? mado ni tei ana ne falea sukwaia nei ifamu uria ili lana do nei ki?

Si do Aposela ki kera ilidaki 5:40

Ma ni nia kera ala fafia ṉata lana: ma buriana na kera ailia mai aposela ki, ma kera kwaeda, keka ṉata fifi isada, keka lufida faisia ṉata la ana thatana tha Jesus, sui keka alamatanida keka lae.

Jone 2:18

Mania Ju ki kera luua, keka soree isana, Bala si do ta oki fatai nia isamilia, uria noko ilia si do nei ki?

Si do Aposela ki kera ilidaki 4:10

Kamulua sui, ma toa Isirela ni sui bana, muki thaitoomana si kula eri, Ana thatana tha Jesus Christ na Wane i Nasaretha, na mulu fota fafi nia ana ’ai rarafolo, na tha God e tataea faisia toa mae ki, ani nia wane nai ka takwe kunei inaofamulua, ka maruki naa.

Jone 8:9

Ma ni kera, si maṉa na kera roṉoa, wane nai ruruuda ka tala faaseenoni kera, keka lae too tee wane uri maa, ka thafalia ana ulunao, ka fula ana ai buri: ma kera akwasia tha Jesus ka to tee nia, bia kini eri, asi kula nia e toto iei i maalutada.

Jone 8:3

Ma wane ni kekeda ki bia Farisi ki kera talaia mai tee kini na kera fulatoona ana oe la; ma buriana na kera alu nia kai takwe i maalutada,

Si do Aposela ki kera ilidaki 4:6

Ma tha Anasi ṉa aofia ni foa, ma tha Kaiafasi, ma tha Jone, ma tha Alikisada, ma toa eki sui bana ana ina lana aofia ni foa, kera ofu mai ana tee si kula i Jerusalema.

Si do Aposela ki kera ilidaki 4:8

Sui tha Pita, na kera faafuṉu nia atha Spirit Abu, ka soree isada, Kamulua toa gwauwai na mulu tatha inaona toa eki, ma ulunao Isirela ki,