Si do Aposela ki kera ilidaki 4:26 - Ṉa Alaofua Falu 1923 1949

²⁶ Kiṉa ana fanua nei iano ki kera thathaia firu la, Ma wane gwauwai ki kera ofu mai, Uria firu la bia tha Lord, ma bia Christ nia:

Si do Aposela ki kera ilidaki 4:26 Referans Kwoze

Fa Ṉu Abu ki 2:2

Kiṉa ana fanua na i iano ki kera thathaia firu la, ma wane gwauwai ki kera ofu, keka furia ṉataa uria firu la bia tha Jihova ma bia wane nia ne gwaia asi gwai, keka una eri,

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Hibaru ki 1:9

O liothau ana kokoto la, mo rikia abula la asi do kera lufia ka taa; Mania tha God, na God oe, e kiki oe Asi gwai ana seethathala la oki tatha inaofana toa na kera to ofu bi oe.

Luke 4:18

Spirit tha Lord ni fafi nau, Uria nia e gwai nau uria ṉata la sulia si faaroṉoa lea isana toa na kesi rikii do: Nia e arasi nau mai uria faamaruki lana toa liode dila faamau, Uria ’ai kwaitalofi la ana to laa la isana toa na omea e lauda, Ma ade lana imole maane rodo ka lio, Uria faaseelaa lana toa na kera kwae tataria anida,

Si do na kera fatai nia 17:17

Sulaania tha God e alua si lio eri i ruruuda keka ilia si do manatane thathamia, keki fulatoona tee si lio, keki falea tooa kera ifana do maruki eri ne kwasi, maakwalia si maṉa na keki ilia bae lana tha God kai mamana naa.

Si do na kera fatai nia 12:10

Ma nau ku roṉoa liṉana si ṉata la baita i thalo, ne una eri, Ṉa marukia, ma ṉa sukwaia, ma ṉa tooa God kia, e fula na mai si maṉa eri, ma ṉa inotoa Christ nia: sulaania kera naṉa ani nia ne aalaṉia dooraka kera asi do ki, ne aalaṉi kera asi do eki inaofana God kia afa thato ma afa rodo.

Si do na kera fatai nia 11:15

Ma fiuna angel ka ufia buṉu; ma si ṉata la baita ki ka fula mai i thalo iburiana, na keka una eri, Ṉa tooa fanua nei iano ni naa ifana Lord kia, ma Christ nia: ma nia kai inoto ka tatha toto si sui.

Fa Ṉu Abu ki 2:1

Uria ta na toa ana fanua eeta ki keki rakeiri kwasi, ma kulee toa ki keki manataia si do ne a’i si kwaiadomi?