Si do Aposela ki kera ilidaki 3:25 - Ṉa Alaofua Falu 1923 1949

²⁵ Kamulua na kwalafana porofeta eki, ma amulua alaofua eri na tha God e kania bia maka kamulua ba inao ki, si maṉa ne soree isatha Aberahamo na ba, Ma kulee toa ni sui bana nai fanua nai iano kai lea iada sulia kwalafamu.

Si do Aposela ki kera ilidaki 3:25 Referans Kwoze

GENESIS 22:18

Ma kulee toa ni sui bana na i fanua na i iano, kai lea iada sulia kwalafamu, uria no ade naa sulia ṉata laku.

Si do Aposela ki kera ilidaki 2:39

Sulaania alaṉaia eri na do ifamulua, ma ifana wela kamulua ki, ma ifana toa ni sui bana na kera ni da, toa eri sui boo na tha Lord na God kulu kai ailia mai.

Galesia 3:8

Ma kekeda la abu eri, ne thaitoomana totonao na tha God kai ala fafia kokoto la Jenetaele ki uria fitooa, e ṉata totonao sulia si faaroṉoa lea isatha Aberahamo, ka una eri, Keki alua lea la ifana kulee toa ni sui bana ani oe.

GENESIS 12:3

Ma nau kwai alua lea la ifana toa eki na kera alua lea la ifamu, kwai alua taa la fani tei ne alua taa la fafi oe: ma ani oe keki alua lea la ifana ina lana toa eki sui bana na ni fanua na i iano.

Si do na kera fatai nia 7:9

Buriana si do eki nau ku lio, ma rikia fasi, malului imole, na eta eta ka dora, ana toa ana fanua eeta ki sui bana, ma kulee toa ki sui boo ma ina lana toa ki sui boo ma toa ana ṉata la eeta ki sui bana, keki takwe inaofana do ni ono la eri ana inotoa ma inaofana ṉa Lama, fafia tooni kwakwaoa ki, ma rena niu ki ni abada;

Galesia 3:16

Sui tha Aberahamo ana kera ṉata sulia si alaṉaia eki ifana, ma ifana kwalafana. E ai si sorea, Ifana kwalafana ki, ’uria sa wane oro ki; ma ’uria sa sulia tee nonii wane, Ma ifana kwalafamu, ma kwalafa eri na tha Christ.

Roma 4:13

Sulaania alaṉaia eri atha Aberahamo ma ana kwalafa nia, na nia kai fulatoona inotoa fafia fanua nei iano, si do uria ṉa lo e ai, uria kokoto la eri ana fitooa.

Galesia 3:29

Ma mada sa ni kamulua do tha Christ ki, kamulua kwalafana tha Aberahamo, na muki ṉalia ta si asi do na kera alaṉai nia iana.

Fa Ṉu Abu ki 22:27

Toa asi kula ne tau faamau ki i fanua na i iano toto keki onotoona ma keki akele mai satha Jihova: ma ina lana imole ni sui boo ana kulee toa ni sui keki faabaita oe inaofamu.

Nehemiah 9:8

Mo rikia naa ruruuna ne mamana inaofamu, mo kania alaofua bi nia soki falea fanua Kenanaete ki, Hitaete ki, Amoraete ki, ma Berisaete ki, ma Jebusaete ki, ma Gagasaete ki, soki falea boo fanua eri ifana kwalafaa nia; mo ade naa sulia bae lamu neri; sulaania abula lamu e kokoto.

GENESIS 28:14

Ma kwalafamu keki ’uria gegeona theegano, ma oki lae tathaa uri bali su lana thato, ma ibali tae lana, ma uri notoa ma uri mutana: ma ani oe ma ana kwalafamu keki alua lea la fafia ina lana toa eki sui bana na ni fanua na i iano.

GENESIS 26:4

Ma ni nau kwai adea kwalafaa oe kai oro alaa, alafana fa bubulu lo i thalo ki mai, ma kwai falea fanua nei ki sui bana ifana kwalafaa oe ki; ma ana kwalafaa oe keki alua lea la ifana ina lana toa eki sui bana na ni fanua na i iano;

GENESIS 20:7

Mania si maṉa eri oki oli fafia kwaina isana wane eri; uria ni nia ṉa porofeta; sui nia kai foa faisi oe, ma oki bii maruki: ma sui mada sa osi oli fafia, oko thaitoomana fasi si kula nei, oki maelia mamana boo, ni oe, bia toa oe ki sui bana.

GENESIS 17:19

Ma tha God ka una eri, Kwaimu na ni Sera kai tharea ta wela wane ifamu mamana boo; ma oki alaṉia thatana atha Aesiki: ma nau kwai kania alaofua nau eri kai nado ifana, na alaofua na kai toto si sui, bi nia ma bia kwalafana iburiana.

Si do na kera fatai nia 14:6

Ma nau ku rikia tee angel lau ne lofo i initoona thalo, fafia si faaroṉoa lea na kai to tatha na nia kai ṉata sulia isana toa nai fanua nei iano, isana toa ana fanua eeta ki sui bana ma kulee toa ni sui ma toa ana ṉata la eeta ki sui bana ma ina lana imole ni sui boo;

Si do na kera fatai nia 5:9

Ma keka ṉulia tee fa ṉu falu, keka una eri, O farana ṉali lana ṉa buka, ma dekwe lana do ne faaṉadoa ki: sulaania kera thauṉi oe oko mae, mo usia imole ki ifatha God ana abumu faisia kulee toa ni sui, ma toa ana ṉata la eki sui bana, ma ina lana imole ni sui boo, ma toa ana fanua eeta ki sui bana,

Roma 15:8

Sulaania ku sorea kera alua tha Christ ṉa wane ni ra la ana kwai kakali la ifana mamana la tha God, fasi kai faaṉadoa alaṉaia eki ana maka ba inao ki,

Si do Aposela ki kera ilidaki 13:26

Doora kera, wela ana kwalafa tha Aberahamo ki, ma toa iamulua na kera mau atha God, ni kamulua toa na kera falea mai si baea ana marukia nai ifamulua.

Luke 1:72

Fasi ka faamamanea tatakomia talea maka kulu nai nao ki, Ma kai onotoona alaofua abu nia;

Fa Ṉu Abu ki 96:7

Kamulua na ina lana toa ana kulee toa eki, muka faare baita atha Jihova, faare baita atha Jihova uria inotoa nia ma sukwaia.

GENESIS 18:18

Uria na tha Aberahamo ṉa maka totonao mamana boo ana kulee toa baita ma ka rigita, ma ani nia keki alua lea la ifana kulee toa eki sui bana na ni fanua na i iano.