Si do Aposela ki kera ilidaki 3:15 - Ṉa Alaofua Falu 1923 1949

¹⁵ Ma mulu thauṉia Wane Inoto ana marukia; Wane na tha God e tataea faisia toa mae ki; si do na mere faamamanea si do mere thaitoomana sulia.

Si do Aposela ki kera ilidaki 3:15 Referans Kwoze

Si do Aposela ki kera ilidaki 2:24

Wane na tha God e tataea, buriana ne luke nia faisia fiwela la ana maea: uria ne afetai ka tatha sa do eri kai rau ṉado ani nia.

Si do na kera fatai nia 21:6

Ma nia ka soree isaku, Si baea eki e mamana naa. Nau ṉa Alafa ma ṉa Omega, ṉa thafali la ma ṉa susui la. Nau kwai tona falea ana ruka‐mauri asi kafo ana marukia ifana wane lione lalaṉa.

Si do Aposela ki kera ilidaki 2:32

Jesus eri boo tha God e tataea, si do ni kamilia sui mika faamamanea si do mili thaitoomana sulia.

Hibaru ki 2:10

Sulaania e farana ni nia, na si do ki sui bana ka to ifana, ma si do ki sui bana ka ita mai ani nia, si maṉa na ka tolea kaluwane oro ki uria inotoa nia, e farana kai faasukwaia ana taa la ki ne susuu ania Wane na marukia kera ita mai ania.

I. Korinitha 15:45

’Uria lau boo na kera keda, Tha Adam totolenao na ṉa do maruki. Tha Adam, Wane buri, na ṉa Spirit na kai kwaifaamaruki.

Jone 5:26

Sulaania talafana ṉa Maka marukia ni ani nia i talaana, alafana lau boo nia e falea si kula eri ana ṉa Kaluwane lau boo na marukia kai ni ani nia:

Jone 1:4

Marukia ni ani nia; ma marukia eri na ṉa lalaa la na ka laafia imole ki.

Si do na kera fatai nia 22:17

Ma tha Spirit ma ṉa kini seelea keko sorea, Oki lae mai. Ma wane na kai roṉoa, kai sorea, Oki lae mai. Ma wane na lione lalaṉa, kai lae mai: ma ni tei bana ne thathamia, kai tonee ṉalia si kafo ana marukia.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Hibaru ki 5:9

Ma si maṉa na kera faasukwai teefau bonaa ani nia, nia Wane na marukia tatha bii ita mai ani nia ifana toa eri sui boo na keka ade sulia ṉata lana;

Jone 17:2

’Uria lau boo o alu nia kai inoto ana imole ni sui bana, fasi toa eki sui boo no falea naa iana, nia kai falea marukia tatha ifada.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Jone 4:10

Tha Jesus e luua, ka soree isana, Mado so thaitoomana si do na tha God ka tona falea bana, ma ni tei na kai soree isamu, Falea mai, kwai kuu; ni oe oki gani nia, ma ni nia kai falea si kafo ana marukia iamu.

Si do na kera fatai nia 22:1

Ma nia fatai nia tee kafo isaku asi kafo ana marukia, ne thathaulia uria fau niniu, ne maṉo mai ana do ni ono la tha God ma ṉa Lama ana inotoa,

Jone 10:28

Ma nau ku falea marukia tatha ifada; ma toto kesi sui, me ai ta imole si lauda faisia abaku.

Efesasi 1:20

Ne ra ania atha Christ, si maṉa ne tataea na ba faisia toa mae ki, ka alua kai ono ibali aba aola nia i thalo lo ki,

Si do Aposela ki kera ilidaki 5:31

Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki.

Si do Aposela ki kera ilidaki 1:22

Ka thafali mai ana babataesi la tha Jone, ka fula afa boṉi eri na kera tae fafi nia faisi kamilia, ana wane eki tee wane kai faamamanea ofu bi kamilia e ai si ei boo si do ne thaitoomana sulia tatae lana faisia maea.

Luke 24:48

Ma ni kamulua toa ni faamamane lana si do mulu thaitoomana sulia si do eki.

Si do Aposela ki kera ilidaki 4:2

Uria na kera liodila faamau sulaania keko kwaifamanatai isana toa eki, ma atha Jesus keko ṉata sulia tatae la faisia toa mae ki.

Hibaru ki 12:2

Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.