Si do Aposela ki kera ilidaki 3:14 - Ṉa Alaofua Falu 1923 1949

¹⁴ Ma ni kamulua mulu sorea mulu dora ani nia ne Abu ma ka Kokoto, ma mulu gani fasi keka falea wane ne thauwane ifamulua,

Si do Aposela ki kera ilidaki 3:14 Referans Kwoze

Mako 1:24

Ka una eri, To ana; ta si ta fetei miki kwaimani bi oe fafia, oe tha Jesus, wane i Nasaretha? o lae mai fasi oki labatai kamilia? Nau ku thaitoomamu, oe Wane Abu tha God.

Si do Aposela ki kera ilidaki 7:52

Ni tei ana porofeta eki na maka kamulua ba ki kesi tona ilamatai nia? ma kera thauṉia wane eki na kera fatai nia totonao si do ki sulia fula lana ṉa Wane Kokoto; nia na mulu bii faaalamai nia ma mulu thauṉia;

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

Si do Aposela ki kera ilidaki 4:27

Sulaania e mamana ana firu la bia Wela abu oe tha Jesus, no kiki nia ana gwai, tha Heroda bia tha Podiasi Paelate, bia Jenetaele ki ma kulee toa Isirela ki, kera ofu bomai,

Jemesi 5:6

Mulu sorea kwae lana wane kokoto, mulu thauṉi nia; wane eri e ai si suusi kamulua faisi nia.

Si do Aposela ki kera ilidaki 22:14

Ma nia sorea, Na God maka kulu ba inao ki e fili oe oki thaitoomana si do nia thathamia, ma oki riki nia ne Kokoto, oki roṉoa liṉana si ṉata la ana fokona.

Si do na kera fatai nia 3:7

Ma oki keda isana angel ana figua nai Filadelafia; Si do eki nia sorea ne abu, nia ne mamana, nia na ṉa ki tha Defeta ni isana, nia na ka ifinia, me ai ta wane si fonoa, ma nia na ka fonoa, me ai ta wane si ifinia:

I. Jone 2:1

Kala wela nau ki, si do eki ku keda kau isamulua, fasi e ai musi abula taa. Ma mada sa ta wane kai abula taa, akulua Wane na kai ṉata ifakulua isana ṉa Maka, tha Jesus Christ, Wane kokoto:

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

Si do Aposela ki kera ilidaki 2:27

Sulaania soki akwasia anoku i fanua toa mae ki e ai, Ma soki alamatania Wane Abu oe kai to fasi kai fufuraa ka ai lau boo.

Luke 23:25

Ma nia ka lubea wane eri ifada na kera suia uri la lokafu sulia firu la bia toa i Roma ma thauwanea, wane eri na kera thathamia; ma tha Jesus nia ka falea fasi keki ilia si do na kera thathamia ani nia.

Luke 1:35

Ma angel eri e luua, ka soree isana, Tha Spirit Abu kai fula fafi oe, ma sukwaia Nia ne Inoto ka tatha kai nunufi oe: mania lau boo si do abu na kai futa ani oe keki alaṉia ana Kaluwane tha God.

Mako 15:11

Ma wane inoto ni foa ki kera faaṉalua toa eki, fasi nia kai lubea tha Barabasi kai lae ifada.

Mako 15:7

Ma tee wane, thatana tha Barabasi, kera kania bia toa na kera firu bia toa i Roma, toa eri kera thauwane ana firua eri.

Fa Ṉu Abu ki 16:10

Sulaania soki akwasia anoku i la fanua toa mae ki e a’i; ma soki alamatania Wane Abu oe kai to fasi kai dura ka a’i lau boo.

Mathui 27:20

Ma wane inoto ni foa ki ma ulunao ki keka gaea malului wane eki fasi keka gania tha Barabasi, ma keka thaunia tha Jesus.

Jone 16:10

Sulia kokoto la uria na nau kwai lae isana ṉa Maka ma ka ai musi riki nau lau;

Jone 18:40

Mania kera sui keka ’ai lau, keka una eri, Wane nei e ai, tha Barabasi ana. Sui tha Barabasi wane ne laulau.

Si do Aposela ki kera ilidaki 5:28

Ka una eri, Kamilia misi ṉata fifi, misi lufi kamulua faisia kwaifamanatai la ana thata eri? ma rikia fasi, mulu faafuṉua i Jerusalema ana kwaifamanatai la kamulua, manatamulua sa muki alaṉi kamilia ana abuna wane eri.

Si do Aposela ki kera ilidaki 13:28

Ma kesi fulatoona mena ta si do fasi keki thauṉi nia fafia, keka gania bada tha Paelate fasi keka thauṉi nia.