Si do Aposela ki kera ilidaki 28:8 - Ṉa Alaofua Falu 1923 1949
8 Ma si maṉa eri maka tha Pabaliasi e teo ka matai ana si fule bia tatafa‐abu: ma tha Polo e kotho mai isana, ma ka foa, sui ka alua abana fafi nia, ka faamaruki nia.
Ma tha Pita e asuwai teefau ani kera i maa, ka boururu iano, ma ka foa; me akele uria seena kini eri, ka sorea, Tabitha ae, oki tatae. Ma nia tharai; ma si maṉa ne rikia tha Pita, ka tatae ia, ka ono.
Si maṉa na nia kei ṉata sulia si do eki isada, rikia fasi, tee nonii wane ne gwauwai ka fula, ka faabaita nia, ma ka una eri, Thari nau bii mae boo si maṉa eri: una ena mena, lae mai, oki alua abamu fafi nia, ma nia kai maruki.
Ma tha God e alua tei toa ana figua eri, etana aposela ki, ruana porofeta ki, ula toa ni kwaifamanatai, sui ra sukwai ki, sui faamaruki lana toa na kera matai ki, kwaiadomi la ki, tatha la inaoda, ṉata la ana ṉata la eeta ki.
Ma nia ailia mai akwala ma ro wane nia ne toleda isana, ma ka falea sukwaia ifada fafia spirit taa ki, fasi keki arasida, bia fasi keki faamarukia toa na si do oro ki bana e thauṉida bia toa na kera matai ana mataia oro ki.
Ma si maṉa na thato kai su, toa na mataia ki ni isada, na kera matai ana mataia oro ki, keka talaida mai isana; ma nia ka alua ro aba nia ki fafida sui boo, ma ka faamarukida.
Ma ka ṉata kwaitakoi isana asi maṉa oro, ka una eri, Kali thari nau karaṉia kai mae naa: ku thathamia oki lae, oki alua abamu fafi nia, fasi nia kai akwa, ma kai maruki.
Ma fanua kakalia si kula eri na fanua wane inoto ka tatha ana auua eri, thatana tha Pabaliasi; ne thathagoni kamilia mai, ma ka ade lea uri kamilia, ka thare kamilia sulia ulu fa boṉi.