Si do Aposela ki kera ilidaki 27:21 - Ṉa Alaofua Falu 1923 1949

²¹ Ma buriana ne tau naa na kesi faṉa, tha Polo e takwe ia i maalutada, ma ka sorea, Thaa wane ae, e lea na sa mulu roṉo nau na ba, ma musi lae faisia Kirita, musi fulatoona taa la nai ma rofe la nai.

Si do Aposela ki kera ilidaki 27:21 Referans Kwoze

GENESIS 42:22

Ma tha Rubeni ka luuda, ka una eri, Nau ku ṉata isamulua, mado? ku una eri, Ada muka abula taa uria wela wane ba; ma ni kamulua mulu lalakwee roṉoa, mado? mania, rikia fasi, keka duua ’abuna.

Si do Aposela ki kera ilidaki 27:7

Ma buriana na mili thafee lae sulia fa boṉi oro ki, ma mili aṉasi faamau mili fula otofana Kinidasi, uria na thauthau e suusi kamilia misi tatha i kula eri, mika lae karaṉia Kirita, otofana Salamone, fanua eri kai suusia thauthau faisi kamilia;

Si do Aposela ki kera ilidaki 27:12

Ma uria na fokali eri e ai si baita lea fasi keki to iei sulia unii gwagwaria, manatana oroṉana toa eki keki akwasia si kula eri, keki lae i la matakwa, sa mado e ai keki fulatoona Fenisi, keki to mai iei sulia unii gwagwaria; tee fokali i Kirita neri, na kai lio uria si kula i maalutana tae lana thato ma notoa ma uria si kula i maalutana tae lana thato ma mutana lau boo.

Si do Aposela ki kera ilidaki 27:13

Ma si maṉa na thauthau ne ai si sukwai e maṉo mai i mutana, manatada sa kera fulatoona naa si do kera thathamia, keka kwaigwalu ma keka usuli thara i Kirita.

Si do Aposela ki kera ilidaki 27:20

Ma si maṉa na thato ma bubulu ki e ai si laa kakali kamilia sulia fa boṉi oro ki, ma kuburu e baita fafi kamilia, mika sorea ne ai misi maruki bonaa.