Si do Aposela ki kera ilidaki 26:18 - Ṉa Alaofua Falu 1923 1949

¹⁸ Fasi oki ifinia maada, kikui akele faisia maerodo uria ṉa lalaa la, ma faisia sukwaia tha Satan isatha God, fasi keki manata lubea abula taa la kilua ki, ma kikui ṉalia si do na kikui fulatoona i maalutana toa na kera faaabuda ana fitoona laku la.

Si do Aposela ki kera ilidaki 26:18 Referans Kwoze

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania:

Efesasi 1:18

Keki ifinia maana wane nai ruruumulua, fasi muki thaitoomana si do eri ne manatatoo ṉado uria si maṉa ne aili kulu mai, ma si do eki na nia kai rikii do ania uria faainoto lana la na nia kai fulatoona ana toa abu eki,

Efesasi 5:8

Sulaania inao mai mulu rorodoa, ma sui si maṉa eri kamulua lalaa la ana ṉa Lord: abula lamulua kai farana baree wela ṉa lalaa la

Si do Aposela ki kera ilidaki 20:32

Ma sui si maṉa eri, doora kera, ku takofale kamulua atha God, ma asi baea ana lea la nia, ne sukwai fasi kai faasukwai kamulua, ma kai falea si do eri na muki fulatoona i maalutana toa eki sui boo na kera faaabuda.

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

Jone 8:12

Mania tha Jesus e ṉata lau isada, ka una eri, Ni nau ṉa lalaa la i fanua nei iano: imole na kai lae iburiaku ka ai si lae i la maerodo, ṉa lalaa la ana marukia kai ni isana.

Luke 1:79

Fasi ka laafia toa na keka ono i la maerodo ma nuna maea; Kai alua aaekulua kai lae sulia tala ana enenoa.

Efesasi 4:18

Uria na manatade rorodoa, ma keka lalakwatanida faisia marukia tha God uria lioda ne ai si thaitoomana si do ki, sulia ruruuda ne sadi;

II. Korinitha 6:14

Musi kani ofu ani kamulua ana ioke bia toa na kera fitala: sulaania nifana ade lana fasi kokoto la kai ado bia si do na kera lufia? mado nifana ade lana fasi ṉa lalaa la kai to ana kwaimani lea la bia maerodo?

II. Korinitha 4:4

Toa eki god kada nei e faarorodoa manatana toa ana fitala la, fasi ṉa lalaa la na si faaroṉoa lea sulia inotoa tha Christ, na nuna tha God, ka ai si laa ifada.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

I. Jone 5:19

Kulu thaitoomana kulu do tha God ki, ma fanua nei iano sui boo ka teo atha Taa.

I. Jone 1:9

Mada sa kuka faaroṉo lalaa ana abula taa la kulu ki, nia e mamana ma kokoto fasi kai manata lube kulu ana abula taa la kulu ki, ma kai faafalu kulu faisia si abula la ni sui bana ne ai si kokoto.

Si do Aposela ki kera ilidaki 20:21

Ku faamamanea isana Ju ki ma toa i Girisi lau boo si do nau ku thaitoomana sulia manata akele la uria tha God, ma fitooa uria Lord kulu tha Jesus Christ.

Luke 24:47

Bia keka ṉata sulia manata akele la ma doanita la ana abula taa la ki ana thatana i maalutana kulee toa ni sui, keka thafalia mai i Jerusalema.

Si do na kera fatai nia 21:27

Ma ta si do ne taa sa ka kotho iei e ai dodoloa, mado wane na kai ilia do ni mamagu la ania mado kai lole: talitoona bana toa na kera keda thatadalua i la buka ana marukia ṉa Lama.

I. Pita 2:25

Uria na mulu lalae garo uria aini sifi; ma si maṉa eri mulu oli naa isana Wane na kai fono toi kakalia ma kai Nanao ana maṉomulua.

Hibaru ki 11:6

Ma fitooa ka ai faisia, do afetai ka tatha sa ka lea iana uria imole: uria na wane na kai lae mai isatha God kai fitoo, e ai si ei boo, na nia kai to bana, ma kai falea ṉado kwaiara ifana toa eri na kera rofe buriana.

Si do Aposela ki kera ilidaki 13:47

Uria na si do na tha God e soree isamarea neri, Nau ku alu oe na laafa Jenetaele ki, Fasi oki to uria faamaruki la ka fula asi kula ne to da mena i fanua nei iano.

Si do Aposela ki kera ilidaki 15:9

Ma nia e ai si adea ’uria sa kera eeta faisi kulu, ka faafalua ruruuda ana fitooa.

Si do Aposela ki kera ilidaki 5:31

Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki.

Jone 9:5

Si maṉa ku ni ana fanua nei iano, nau ṉa lalaa la i fanua nei iano.

Jone 3:19

Ma kwae lada nania, na ṉa lalaa la e fula naa i fanua nei iano, ma wane ki kesi thathamia lalaa la eri, keka thathamia ada maerodo ni ana; uria na abula lade taa.

I. Jone 2:12

Kwai kekeda kau isamulua, kala wela ki, sulaania abula taa la kamulua ki kera manata lubea ana thatana.

I. Pita 1:4

Maakwalia si do na kuki fulatoona ne toto si taa, na kesi faataalia, ma ka ai si sui, na keka beta i thalo maakwali kamulua,

Jone 17:17

Oki faaabu kera ana mamana la: bae lamu na ṉa mamana la eri.

Luke 1:77

Fasi ka falea thaitoomana lana marukia ifana toa nia ki Ana doanita la ana abula taa la kera ki,

Jude 1:1

Jude, wane ni ra tha Jesus Christ, doora tha Jemesi, isana toa eki na kera ailida mai, na kera liothau ani kera atha God na Maka, ma kera beta sulida atha Jesus Christ:

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?

Hibaru ki 10:14

Uria na ana tee fa do eri boo ne falea e faasukwai teefau toto si sui ana toa eki ne faaabuda.

Galesia 3:14

Fasi lea la ba tha Aberahamo kai fula fafia Jenetaele ki atha Jesus Christ; fasi kuki ṉalia alaṉaia eri na tha Spirit ana fitooa.

Luke 24:45

Sui nia e faatooa manatada, fasi keka thaitoomana maalutana kekeda la abu eki;

Fa Ṉu Abu ki 119:18

Ifinia ro maa nau ki kai laa, fasi kwai rikia si do ni kwele la anidaki faisia lo oe.

II. Timothi 2:26

Bia fasi keki manata lau bada faisia aikwai tha devil, si maṉa ni nia kai rau anida uria si do ne thathamia.

Efesasi 2:8

Sulaania ana lea la kera faamaruki kamulua uria fitooa; ma fitooa eri do ita mai ani kamulua e ai: si do na tha God e tona falea neri:

Efesasi 1:11

Wane eri lau boo na mika inamaruki ani nia asi do miki fulatoona, uria na kera alu kamilia ania u mai inao sulia si do ni nia e thathamii ilia ne ilia si do ki sui bana sulia si do manatane thathamia;

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Luke 4:18

Spirit tha Lord ni fafi nau, Uria nia e gwai nau uria ṉata la sulia si faaroṉoa lea isana toa na kesi rikii do: Nia e arasi nau mai uria faamaruki lana toa liode dila faamau, Uria ’ai kwaitalofi la ana to laa la isana toa na omea e lauda, Ma ade lana imole maane rodo ka lio, Uria faaseelaa lana toa na kera kwae tataria anida,

Luke 2:32

Ṉa laafa na kai fula fatai ifana Jenetaele ki, Ma inotoa toa oe Isirela.

Mathui 4:16

Toa na kera oono i la maerodo Keka rikia lalaa la baita, Ma toa na kera oono i la fanua ana nuna maea, Lalaa la ka laa mai ifada.

Fa Ṉu Abu ki 146:8

Tha Jihova ka ifinia maana wane eki maade boko; tha Jihova ka tafoa iaa toa na kera agwaoro iano; tha Jihova ka liothau ana toa kokoto ki;

Hibaru ki 10:10

Ma sulia si do eri ne thathamia, kera faaabu kulu ka sui naa ana fale lana seena tha Jesus Christ ana tee si maṉa boo.

Hibaru ki 9:15

Mania nia Wane ni fofolo la ana alaofua falu, fasi si maṉa na Wane e mae naa ana tae la faisia ade garo la na kera adede garo anidaki asi maṉa ba na alaofua totonao eri ni u bana, toa eki na kera ailida mai keki ṉalia alaṉaia eri na ṉa do keki fulatoona na kai to tatha.

Efesasi 5:14

Mania nia sorea, Oki tharai, wane no biṉa liu, ma oki tatae faisia toa mae ki, ma tha Christ kai laa fafi oe.

Efesasi 1:14

Na thafali lana do lea eri na kuki fulatoona, fasi keki tae naa faisia si do kulu eri, ana taṉo lana inotoa nia.

Efesasi 1:7

Wane eri na kulu rikia tae la faisi kulu ni ani nia sulia ’abuna, na manata lube la ana abula garo lakulua ki, sulia inotoa lea la nia.

Galesia 3:2

Tee si do boo ku thathamia muki faaroṉo nau mania, Mulu ṉalia tha Spirit uria si ra ana ṉa lo ki, mado uria si do na mulu roṉoa ana fitooa?

Galesia 2:20

Kera fota fafi nau sui naa ana ’ai rarafolo bia tha Christ; una ena mena, ku maruki bakua; sui ni nau e ai lau, tha Christ ana ne maruki i seeku; ma marukia eri na nau ku to ania i seena imole ku to ania ana fitooa, na ni ana Kaluwane tha God, ne liothau iaku, ma ka alamatai nia uri nau.

I. Korinitha 1:2

Isana figua tha God nai Korinitha, toa na kera faaabu kamulua atha Christ Jesus, na kera aili kamulua muki toa abu, bia toa eki sui boo i fanua ni sui bana na kera ’ai thatana tha Jesus Christ, ne Lord kera ma Lord kulu lau boo:

Roma 8:17

Ma mada sa kulu wela nia ki, kuki ṉalia lau boo ta si asi do nia ki; kuki ṉalia ta si asi do tha God ki, ma kuki ṉalia ofu bia tha Christ; mada sa kuki to ana taa la ofu bi nia, fasi keki faainoto kulu ofu lau boo bi nia.

Si do Aposela ki kera ilidaki 26:23

Na ṉa Christ kai to ana taa la e ai si ei boo, ma nia Wane totonao na kai tatae faisia toa mae ki, ma kai fatai nia lalaa la isana toa nai ma isana Jenetaele ki lau boo.

Si do Aposela ki kera ilidaki 10:43

Porofeta eki sui boo keka faamamanea si do na kera thaitoomana suli nia, na ni tei bana na kai fitoona keki doanita ana abula taa la nia ki ana thatana.

Si do Aposela ki kera ilidaki 3:19

Mania muki akeletania manatamulua, ma muki akele buri, fasi keki usua abula taa la kamulua ki, fasi maana si do eri si maṉa ana faalea lakulua la ki kai thafali mai asi kula na ni inaofatha Lord;

Jone 9:39

Ma tha Jesus ka sorea, Uria kotu kokoto la nau ku lae mai ana fanua nei iano, fasi toa maade rodo keki lio; ma toa kera lio maada kai rodo.

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Jone 4:10

Tha Jesus e luua, ka soree isana, Mado so thaitoomana si do na tha God ka tona falea bana, ma ni tei na kai soree isamu, Falea mai, kwai kuu; ni oe oki gani nia, ma ni nia kai falea si kafo ana marukia iamu.

Mathui 4:10

Sui tha Jesus ka soree isana, Oi lae kamua, Satan: uria na kera keda, Oki faabaita tha Lord na God oe, ma nia talitoona boo oki ra ifana.

Si do Aposela ki kera ilidaki 26:19

Mania, kiṉa Agiripa, nau kwasi ade faisia si na kera fatai lalaa mania i thalo neri:

Efesasi 5:11

Ma musi kwaimani bia si ra eki ana maerodo ne ai si fuṉu ata foee do, muki sore kera fafia;

Efesasi 6:12

Sulaania do ana mariko ma abu e ai na kulu kwaikwairaui bia, toa inoto eki molo, toa sukwai eki, toa gwauwai fafia si kada nei ana maerodo nei, omea spirit taa ki nai thalo.