Si do Aposela ki kera ilidaki 26:10 - Ṉa Alaofua Falu 1923 1949

¹⁰ Ma ku ilia boo si do eki i Jerusalema: ku suusia toa oro ana toa abu ki la lokafu ki, uria wane inoto ni foa ki kera faasukwai nau uria, ma si maṉa kera thauṉida, nau ku alanee mae lada lau boo.

Si do Aposela ki kera ilidaki 26:10 Referans Kwoze

Si do Aposela ki kera ilidaki 8:3

Ma tha Solo e labatania ṉa figua, ka kotho i maafera kera ki sui bana, ka aba wane ki ma kini ki ma ka suusida i la lokafu.

Si do Aposela ki kera ilidaki 9:21

Ma toa eki sui boo na kera roṉoa ṉata lana keka tona, ma keka sorea, Ta na sa wane ba nania ne lalabatania toa na kera ’ai ana thata eri i Jerusalema: me lae mai uri fanua nai uria si kula eri, uria kani lada kai talai kera inaofana wane inoto ni foa ki, mado?

I. Korinitha 15:9

Uria ni nau wane nai buri bonaa ana aposela ki, ne ai kwasi farana keki alaṉi nau ana aposela, sulaania nau ku tona ililamatai nia figua tha God.

Si do Aposela ki kera ilidaki 9:26

Ma tha Solo lalae e fula i Jerusalema, ka thathamia sa kai safua toa na tha Jesus e toleda: ma toa eki sui boo kera mau ani nia, kesi faamamanea ne wane tha Jesus e tole nia mamana boo.

Si do Aposela ki kera ilidaki 8:1

Ma tha Solo e ala fafia mae lana. Ma kera tona ilamatai nia ṉa figua nai Jerusalema ana ila la baita ne tae mai afa boṉi eri; ma kera faaseesula iada keka lae tataka i la fanua i Judia ma i Sameria, talitoona bana aposela ki kesi lae.

Si do Aposela ki kera ilidaki 7:58

Ma kera suia kau i thara faisia toaa susu eri, keka ufauna: ma wane eki na kera faamamanea si do kera thaitoomana suli nia kera alua tooni kera ki isana aaena tee wane bii baita, thatana tha Solo.

Si do na kera fatai nia 17:6

Ma nau ku rikia kini eri ne kuu ka bula nia ana abuna toa abu ki, ma ana abuna toa na kera faamamanea si do kera thaitoomana sulia tha Jesus. Ma si maṉa nau ku riki nia, kwa kwele ana kwele la baita.

Efesasi 1:1

Polo, aposela tha Jesus Christ sulia si do na tha God e thathamia, isana toa abu eki nai Efesasi, ma toa mamana eki atha Christ Jesus:

Galesia 1:13

Uria na mulu roṉoa abula laku dini mai inao asi do Ju ki kera faamamanea, na nau ku tona ilamatai nia faamau figua tha God, ma ku labatania:

Si do Aposela ki kera ilidaki 9:41

Ma nia rau i abana, ma ka tataea; sui ka ailia mai toa abu eki ma gwa oru eki, ma ka fatai nia ne maruki.

Si do Aposela ki kera ilidaki 9:32

Ma lalae mai, si maṉa na tha Pita kai liu ana fanua eki sui bana, nia sifo lau boo isana toa abu nai Lida.

Fa Ṉu Abu ki 16:3

Sulia toa abu eki na ni fanua na i iano, toa lea ka tatha na ni kera, seethathala la nau ni sui bana ka ni ani kera.