Si do Aposela ki kera ilidaki 24:25 - Ṉa Alaofua Falu 1923 1949

²⁵ Ma si maṉa nia kwaifamanatai sulia kokoto la, ma inoto la ana seekulua, ma fa boṉi ana kotu baita na toto kai lae mai, tha Felikasi e aanu, ma ka luua, Oki lae amua si maṉa eri; si maṉa nau ku rikia ne farana, nau kwai aili oe mai.

Si do Aposela ki kera ilidaki 24:25 Referans Kwoze

Jone 16:8

Ma ni nia, lalae e fula, kai faaseenonia fanua nei iano sulia abula taa la, ma sulia kokoto la, ma sulia kotu kokoto la:

I. Pita 3:15

Muki faaabua tha Lord God i ruruumulua: ma muki fifarao ṉado uria luu lana atona bana ta wane na kai soetoomulua uria maalutana manatatoo ṉado la na ni ani kamulua, sui muki luua ana abula marabibi la ma ana mau la:

II. Pita 1:6

Ma ana thaitoomana la inoto la ana seemulua; ma ana inoto la ana seemulua si lio ni susuu la; ma asi lio eri si lio ni fare baita la atha God;

Galesia 5:23

Abula marabibi la, inoto la ana seemulua: e ai ta lo si to ana lufi lana si do una eki.

Si do Aposela ki kera ilidaki 10:42

Ma nia faaroṉo kamilia miki ṉata isana toa eki, ma miki faamamanea si do mili thaitoomana na nia ṉa Wane na tha God e alu nia Wane ni Kotu ifana toa maruki ma toa mae ki.

I. Jone 3:7

Kala wela ki, musi alamatania ta wane si tole garo ani kamulua: wane na ka ilia kokoto la e kokoto, ’uria lau boo ni nia e kokoto:

Jemesi 2:19

O faamamanea na tee God boo e to bana; o abula lea: spirit taa ki kera faamamanea lau boo, ma keka leleba.

Hibaru ki 9:27

Ma talafana kera tooa wane ki keki mae tee si maṉa boo, ma Wane ni Kotu kai ṉata sulida iburi;

Hibaru ki 4:1

Mania ni kulu kuki mau, ada mado e ai, si maṉa na alaṉaia to u sulia fulatoona lana mamaloa nia eri, atona bana ta wane iamulua to lana kai ’uria sa nia ṉuṉuru faisia.

Hibaru ki 3:13

Ma muki ṉata kwailiu isamulua sulia boṉi, si maṉa na kera alaṉia fa boṉi eri ana Itaraena; ada kaura lana abula taa la kai faasadia ruruuna ta wane iamulua:

Galesia 3:22

Ma kekeda la abu eri e suusia si do ki sui bana i la lokafu ana abula taa la, fasi alaṉaia eri ana fitoona lana tha Jesus Christ keki tona falea ifana toa eki na kera fitoo.

II. Korinitha 5:10

Uria na toto keki fatai kulu sui, e ai si ei boo, inaona do ni ono la tha Christ na Wane ni kotu; fasi kuka ṉalia, ta imole u boo i talaana ma ta imole u boo i talaana, si do na kai duua asi do ne ilidaki maṉa ne toto i seena imole, do lea mado do taa.

I. Jone 3:10

Asi kula eri kera fatai nia baree wela tha God, ma baree wela tha devil: ni tei bana ne ai si ilia kokoto la do tha God e ai, ma ni tei ne ai si liothau ana doorana.

II. Timothi 4:1

Mania nau ku faaroṉo oe inaofatha God, ma inaofatha Lord Jesus Christ, na Wane ni Kotu ana toa maruki ma toa mae ki, bia ana maṉo lana mai ma tooa nia;

II. Korinitha 6:2

(Uria nia sorea, Asi maṉa nau ku ala fafia ku fafuroṉo oe, Ma afa boṉi ana marukia ku adomi oe: rikia fasi, si maṉa eri maṉa nia e ala fafia; rikia fasi, fa boṉi eri fa boṉi ana marukia):

I. Korinitha 4:5

Mania musi ṉata mala wane ni kotu sulia atona bana ta si do, si maṉa ana ili lana e ai u; to si amulua maakwalia ṉa Lord kai fula, na kai fatai lalaa asi do thaufuni ki ana maerodo, ma kai fatai nia si manata la ne toto i rurui imole ki; ma asi maṉa eri tha God kai taṉo kulu, ta wane, sui ta wane.

Si do Aposela ki kera ilidaki 24:15

Ku manatatoo ṉado atha God uria si do eri, na ni kera keka maakwalia lau boo, na si maṉa ana tatae lana toa mae ki kai fula mai, tatae lana toa kokoto ki ma toa na kesi kokoto lau boo.

Si do Aposela ki kera ilidaki 17:32

Sui si maṉa kera roṉoa ṉa tatae la faisia toa mae ki, tei wane kera aefara; mat ei wane ki lau keka sorea, Miki roṉo oe si lau sulia si do eri.

Si do Aposela ki kera ilidaki 17:2

Ma tha Polo, si ade la nia na kai ililia ṉado neri, ka kotho isada, ma ulu fa boṉi mamaloa ki ka kwaifamanatai ana kekeda la abu ba ki isada,

Si do Aposela ki kera ilidaki 2:37

Sui si maṉa na kera roṉoa, e fi ’uria sa kera thaukwadaṉia ruruuda, ma keka soree isatha Pita ma toa na kera aposela bi nia, Doora kera, si ta na miki ilia?

Hibaru ki 6:2

Ma ṉa kwaifamanatai la sulia babataesi la ki, ma sulia alu lana abee imole, ma sulia ṉa tatae lana toa mae ki, ma sulia ṉata lana Wane ni Kotu sulia si do na kai uria imole toto si sui.

Hibaru ki 12:21

Ma fatai la eri e kwaifamaui, adedea tha Mosesi e sorea, Nau ku mau faamau ma kwa leleba:

Roma 14:12

Mania kulu sui, ta wane si ei boo, toto kuki faaroṉoa tha God asi do na kulu ilidaki.

Roma 12:1

Mania ku ṉata kwaitakoi, ku soree isamulua, doora kera, uria si do ba ki na tha God e tatakomi kulu ania, muki falea seemulua na do ni foa la ne maruki, do abu, na tha God kai ala fafia, si ra na manatamulua kai sorea e kokoto neri.

Roma 2:16

Afa boṉi eri na tha God na Wane ni Kotu kai sorea si do na kai uria wane ki maana si do thaufuni kera ki, atha Jesus Christ, sulia si faaroṉoa lea nau.

Si do Aposela ki kera ilidaki 26:28

Ma tha Agiripa ka soree isatha Polo, Ana kasi ṉata faekwa uria bulasi lana ruruuku o thathamia oki adea kwai Christian.

Si do Aposela ki kera ilidaki 17:13

Ma si maṉa Ju nai Thesalonika ki kilu thaitoomana na tha Polo ka ṉata sulia bae lana tha God i Berea, kiku lae lau boo uria si kula eri, kiku faasurake ana malului wane eki.

Si do Aposela ki kera ilidaki 9:6

Ma nia leleba ma ka tona, ka sorea, Lord, si ta noki thathamia kwai ilia? Ma ṉa Lord ka soree isana, Tatae, oki lae i la toaa susu, ma keki bii faaroṉo oe asi do noki ilia e ai si ei boo.

Mathui 22:5

Ma kera roṉo faekwa ania, keka lae nada, ta wane uri oole nia, ma ta wane uri usi la nia:

Fa Ṉu Abu ki 119:120

Seeku ka leleba uria mau la ku mau ania iamu; ma nau ku mau faamau asi ṉataa fifi oolo oe ki.

Fa Ṉu Abu ki 99:1

Tha Jihova kai inoto fafia si do ki sui bana; ina lana toa eki keki leleba fasi: nia ka ono bana ifafona serabimu: fanua na i iano kai isuisu.

Fa Ṉu Abu ki 72:2

Nia kai ṉata oolo sulia toa oe ki ana kokoto la; kai ṉata sulia toa oe ki na kesi rikii do, asi ṉataa ne oolo.

Fa Ṉu Abu ki 45:7

O liothau ana kokoto la, mo rikia abula la asi do kera lufia ka taa: mania tha God, na God oe, e kiki oe asi gwai ana seethathala la, oki tatha inaona toa na kera to ofu bi oe.

Fa Ṉu Abu ki 11:7

Uria na tha Jihova e kokoto; nia ka liothau ana kokoto la: toa oolo ki keki rikia boo maana.

Si do Aposela ki kera ilidaki 24:26

Nia manatatoo ṉado lau boo uria malefo ne maakwalia atha Polo fasi kai lubea kai lae: mania nia kwaiarasi uri nia asi maṉa oro, ma ka ṉata bi nia.

Taetasi 1:8

Kai beta ṉado sulia toa kwaita ki, kai liothau ana wane lea ki, kai seeeno, kai kokoto, kai abu, seena si inoto ani nia;