Si do Aposela ki kera ilidaki 23:11 - Ṉa Alaofua Falu 1923 1949

¹¹ Ma afa rodo iburiana ṉa Lord e takwe isana, ka sorea, Kai lea bana iamu, Polo: uria talafana no faamamanea si do no thaitoomana suli nau i Jerusalema, alafana lau boo e ai si ei oki faamamanea boo si do eri i Roma.

Si do Aposela ki kera ilidaki 23:11 Referans Kwoze

Si do Aposela ki kera ilidaki 19:21

Ma buriana na kera ilia si do eki e sui, manatana tha Polo na nia kai tatha totonao i Masedonia ma i Akaia, sui kai tae uri Jerusalema, ma nia una eri, Lalae ku fula i kula eri e sui, e ai si ei boo kwai rikia lau boo Roma.

Si do Aposela ki kera ilidaki 18:9

Ma ṉa Lord ka soree isatha Polo afa rodo ana si na kera fatai lalaa ania, Osi mamau, oki ṉata, me ai osi bona:

II. Timothi 4:17

Ma sui ṉa Lord e takwe isaku, ma ka faasukwai nau; fasi suli nau si ṉata eri keki faaroṉo teefau ania, ma fasi Jenetaele ki sui boo keki roṉoi: ma kera lau nau faisia fokona laeona.

Mathui 14:27

Ma si maṉa eri u boo tha Jesus e ṉata isada, ka una eri, Kai lea i manatamulua; ni nau bana nania; musi mamau.

Filifae 1:13

Adedea kani la na kera kani nau ania inunufatha Christ e to fatai isana omea ni sui na kera toi faisia wane inoto, ma isana toa eki sui boo;

Mathui 9:2

Ma rikia fasi, kera ṉalia mai tee nonii wane afemae e thauṉia isana, kai teo i la thamataia: ma tha Jesus e rikia fitooa kera, ka soree isana wane eri afemae e thauṉia, Kaluwane nau, kai lea i manatamu: abula taa la oe ki kera manata lubea naa.

Si do Aposela ki kera ilidaki 22:18

Ma nau ku riki nia ne soree isaku, Oki lakwasia, oki lae fofoa faisia i Jerusalema: sulaania kesi roṉoa bae lamu si maṉa oki faamamanea si do no thaitoomana suli nau.

Si do Aposela ki kera ilidaki 20:22

Ma rikia fasi, si maṉa eri kera suuwai nia spirit nau kwai lae, e ai si ei boo, uri Jerusalema, ma kwasi thaitoomana si do na kai fulatooku iei:

Si do Aposela ki kera ilidaki 2:25

Sulaania tha Defeta e sorea suli nia, Ku rikia ṉado tha Lord inaofana maaku; Uria nia to ana aba aola nau, fasi e ai kesi idu nau:

Jone 16:33

Si do nei ki ku soree isamulua, fasi amulua enenoa ani nau. Ana fanua nei iano taa la kai thauṉi kamulua: sui kai lea bana iamulua; si nau e tatha naa fafia fanua nei iano.

Jone 14:18

Nau sa kwa akwasi kamulua muka inamae e ai: kwai lae mai isamulua.

Mathui 28:20

Muki faamanatai kera keki manatatoona si do ki sui bana asi do eki ku fafaaroṉo kamulua ania: ma lio fasi, nau ku to bi kamulua sulia boṉi, lalae ka fula ana susui lana kada nei. Emeni.

Fa Ṉu Abu ki 109:31

Uria na ni nia kai takwe bana isana aba aola wane ana rofe la, fasi kai faamaruki nia faisia toa eki na keka ṉata kekeo sulia maṉona.

Luke 16:28

Uria na akua lima doora; fasi nia lae kai faamamanea si do ne thaitoomana isada, ada keki lae lau bomai uria si kula ana seefia nei.

Si do Aposela ki kera ilidaki 22:15

Sulaania oe ṉa wane oki faamamanea si do no rikia mo roṉoa ifana isana toa na fanua.

I. Korinitha 9:1

Nau aposela e ai? nau kwasi tonee to? kwasi rikia tha Jesus Christ na Lord kulu? ni kamulua ṉa ra nau ana ṉa Lord e ai?