Si do Aposela ki kera ilidaki 23:1 - Ṉa Alaofua Falu 1923 1949

¹ Ma tha Polo ka lio tete uria ofu la eri, ka sorea, Doora kera, nau ku abula ṉado inaofatha God asi lio ne lea ka fula ana itaraena.

Si do Aposela ki kera ilidaki 23:1 Referans Kwoze

Si do Aposela ki kera ilidaki 24:16

Ma asi kula eri ku aṉasi lau boo fasi lioku kai dodoloa ṉado uria tha God ma uria imole ki.

II. Timothi 1:3

Ku sore lea atha God, na nau ku ra ifana ita ana maka maka nau ki inao asi lio ne thathaulia, na nau ku onotoomu ta si maṉa si ei ana ṉata fifi la ki isatha God, afa rodo ma afa thato

II. Korinitha 1:12

Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

Hibaru ki 13:18

Muki foa uri kamilia: uria na mili thaitoomana boo amilia si lio ne lea, mili thathamia to lamilia kai dodoloa asi do ki sui bana.

I. Korinitha 4:4

Uria ni nau e ai kwasi rikia ta si do kekeo i ruruuku; sui kesi ala fafi nau uria si do eri: Wane ni Kotu na kai ṉata suli nau na ṉa Lord.

Si do Aposela ki kera ilidaki 22:5

’Uria lau boo aofia ni foa kai faaroṉo kamulua asi do nia thaitoomana suli nau, ma aini ulunao ki sui bana: toa na kera falea leta ki isaku kwa falea isana baree wai doorana, ma nau ku lae uri Damasikasi, fasi kwa tolea tai toa nai kula eri uri Jerusalema fafia nailii thalo ki, fasi keki faamanatai kera.

II. Korinitha 4:2

Mili ekwa ania si do thaufuni ki ana seenonia, e ai misi abula ni lole la, misi dola bae lana tha God bia do eeta; ana fatai lana si do ne mamana mili ilia na liona toa eri sui boo kai ala fafi kamilia inaofatha God.

Si do Aposela ki kera ilidaki 23:6

Ma sui si maṉa na tha Polo e rikia na ta bali wane iada kera Sadiusi ki, ma ta bali wane kera Farisi ki, nia ’ai faamau ana ofu la eri, Doora kera, nau ku Farisi, kaluwane Farisi: sulia si do kulu manatatoo ṉado uria ma tatae lana toa mae ki kera alaṉi nau.

I. Pita 3:16

Liomulua kai lea; fasi, asi do eri boo na kera ṉata taa suli kamulua ania, keki faaseenonia toa eki na kera tamani taa sulia to lamulua ne lea atha Christ.

Si do Aposela ki kera ilidaki 22:30

Ma sui afa boṉi iburiana, uria ne thathamii thaitoomana filoa maalutana si do Ju ki kera alaṉi nia ania e lubea, ka soree isana wane inoto ni foa ki ma ofu la eri sui bana keki ofu mai, sui ka talaia tha Polo kai sifo, ka alua ka takwe inaofada.

Si do Aposela ki kera ilidaki 6:15

Ma toa eki sui boo na kera ono ana ofu la eri, kera lio tete uri nia, keka rikia maana ’uria sa maana angel.

Si do Aposela ki kera ilidaki 22:1

Doora kera ma maka kera, muki roṉo nau si maṉa eri ni nau kwai ṉata isamulua, kwai talumatania si do taa eri faisi nau.

Mathui 5:22

Ma ni nau ku soree isamulua, Ni tei na kai tona rakeiri uria doorana kai to karaṉia kotu; ma ni tei bana na kai soree isana doorana, O wane oewanea, kai to karaṉia ofu la; ma ni tei bana na kai sorea, O wane oewanea bonaa, kai to karaṉia hell ana era.

Si do Aposela ki kera ilidaki 23:15

Mania ni kamulua bia ofu la eri muki faaroṉoa wane ne inoto ana omea kai talaia kai sifo mai isamulua usuwadi, ’uria sa muki thathamii thaitoomana filoa maalutana abula lana: ma ni kamilia, si maṉa ne ai si fula u karaṉi kamulua, miki kwaimaakwali uria thauṉi lana la.

Si do Aposela ki kera ilidaki 23:20

Ma nia sorea, Ju ki kera ṉata ofu, keka to ana tee si lio, keki sorea soki talaia tha Polo usuwadi isana ofu la eri, ’uria sa keki soetoona, keki thaitoomana filoa ta si do lau suli nia.

Si do Aposela ki kera ilidaki 23:28

Ma uria nau ku thathamii thaitoomana maalutana si do na kera alaṉi nia ania, ku tole nia kai sifo isana ofu la kera: