Si do Aposela ki kera ilidaki 21:11 - Ṉa Alaofua Falu 1923 1949

¹¹ Ma nia ka fula isamilia, ka ṉalia si do na tha Polo e ali nia ania, ka kani fafia ro ae nia ki ma ro aba nia ki i talaana, ma ka sorea, Tha Spirit Abu ka sorea, Ju nai Jerusalema ki keki kani una eri ana wane ne ana ana do ni ali lana ana imole nania, ma keki fale nia i abana Jenetaele ki.

Si do Aposela ki kera ilidaki 21:11 Referans Kwoze

Si do Aposela ki kera ilidaki 21:33

Sui wane inoto eri ka idu karaṉia, ka rau ani nia, ka sorea keki kania ana ro nailii thalo ki; ma ka soetoona, Tei nena, ma si ta ne ilia?

Si do Aposela ki kera ilidaki 20:23

Talitoona si do eri, tha Spirit Abu ka faamamanea si do ne thaitoomana isaku i la toaa susu ki sui bana, ka ṉata sulia nailii thalo ki ma to la ana taa la ki na kai maakwali nau.

I. Pita 1:12

Toa na kera fatai nia si kula eri isada, na fani kera e ai, fani kamulua fetei, na kera ra asi do eki, na toa na kilu ṉata sulia si faaroṉoa lea isamulua atha Spirit Abu na kera arasia mai thalo kilu faaroṉo kamulua ania; si do na aini angel ki keka thathamii lio i lala.

Hibaru ki 10:34

Uria na mulu tatatakomia toa eki na kera kani fafida, ma si maṉa na kera lagua si do kamulua ki mulu seethathala ania, sulaania mulu thaitoomana amulua do lea ka tatha na muka rikia, ma do na kai to ladoa.

Hibaru ki 3:7

Mania, ’uria si do na tha Spirit Abu e sorea, Itaraena mada sa muki roṉoa liṉana ṉata lana,

II. Timothi 2:9

Si do eri na nau ku to ana taa la uria ka fula ana kani la, ’uria ta wane ne abula taa; sui bae lana tha God kesi kani fafia.

Efesasi 6:20

Na nau wane ni ṉaliṉata ania fafia nailii thalo nania; fasi nau kwai ṉata seeraa sulia, ’uria si ṉata ne kokoto ifaku.

Efesasi 4:1

Mania ni nau, wane ana ṉa Lord na kera suusi nau i la lokafu, ku ṉata kwaitakoi ku soree isamulua muki abula ana abula la ne farana aili la eri na kera aili kamulua mania,

Efesasi 3:1

Uria si kula eri ni nau tha Polo, wane tha Jesus Christ na kera suusi nau i la lokafu uri kamulua Jenetaele ki, —

Si do Aposela ki kera ilidaki 28:25

Ma si maṉa ne ai kesi to ana tee si lio, keka lae nada, buriana na tha Polo e sorea tee si baea neri, Si do na tha Spirit Abu e sorea atha Aisaia ṉa porofeta isa na maka kulu nai nao ki e too,

Si do Aposela ki kera ilidaki 28:20

Mania uria si kula eri nau ku aili kamulua mai na ba fasi muki lio i maaku ma muki ṉata bi nau: sulaania uria si do eri Isirela e manatatoo ṉado uria, kera kani nau ana nailii thalo nania.

Si do Aposela ki kera ilidaki 28:17

Ma lalae mai buriana ulu fa boṉi, tha Polo e ailia mai toa na kera inoto ana Ju ki: ma si maṉa na kera ofu mai, nia soree isada, Doora kera, kwasi abula taa mena uria toa kulu, mado biraṉana maka kulu nai nao ki, kera fale nau bada i Jerusalema i abana wane i Roma ki:

Si do Aposela ki kera ilidaki 26:29

Ma tha Polo ka sorea, Ku thathamia inaofatha God, ana kasi ṉata faekwa mado asi ṉata oro, kwai adea na talifili oe e ai, toa eki sui bana na kera roṉo nau itaraena, keki ’uri nau, nailii thalo eki ka ai faisida.

Si do Aposela ki kera ilidaki 24:27

Ma sui buriana ro fa ṉali, tha Posiasi Fesitasi e taala tha Felikasi; ma uria ne thathamia Ju ki keki ala fafi nia, tha Felikasi e akwasia tha Polo ana nailii thalo eki.

Si do Aposela ki kera ilidaki 22:25

Ma si maṉa na kera kani nia asi uṉee do, tha Polo ka soree isana senitiurione ne takwe isada, Si do kera alamatania muki kwae una eri ana wane i Roma, si maṉa na kesi sorea kwae lana totonao?

Si do Aposela ki kera ilidaki 16:6

Ma kera tatha ana fanua i Firitia ma Galesia, ma tha Spirit Abu e lufida kesi ṉata sulia si ṉata i Asia;

Si do Aposela ki kera ilidaki 13:2

Ma si maṉa na kera ra ifana ṉa Lord, ma kera abu ana faṉa la, tha Spirit Abu e sorea, Muki filia tha Banabasi ma tha Solo ifaku asi ra na nau ku ailida mai uria.

Si do Aposela ki kera ilidaki 9:16

Uria ni nau kwai fatai nia do baita oro isana na kai thauṉi nia e ai si ei boo inunufana thataku.

Jone 18:1

Buriana na tha Jesus e sorea si baea eki e sui, nia ka lae kau bia toa nia ne toleda, ka tatha rarafolo ana darigwaugwau i Kidorona, asi kula na tee ra ni iei, ma ka kotho iei, nia ma toa nia ne toleda.

Si do Aposela ki kera ilidaki 8:29

Ma tha Spirit ka soree isatha Filifi, Oko idu karaṉia, oki lae bia do eri hosi kai aba.

Si do Aposela ki kera ilidaki 21:4

Ma mili fulatoona toa eki na tha Jesus e toleda, mili makafa to iei sulia fiu fa boṉi: ma toa eki kera lufia tha Polo atha Spirit, e ai si uri si theegano i Jerusalema.

I. Timothi 4:1

Ma sui tha Spirit ka ṉata fifi, ka sorea, asi maṉa na ni ki u tei toa keki lae garo faisia si do eki na kulu fitoona, keki ade sulia spirit ki na kera gafoda ma kwaifamanataia spirit taa ki,