Si do Aposela ki kera ilidaki 20:7 - Ṉa Alaofua Falu 1923 1949

⁷ Ma afa boṉi totonao ana uiki, si maṉa na toa na tha Jesus e toleda kera figu mai fasi keki nia berede, tha Polo e kwaifamanatai isada, manatana na nia kai lae afa boṉi iburiana; ma nia ṉa ṉata ka initoona rodo naa.

Si do Aposela ki kera ilidaki 20:7 Referans Kwoze

I. Korinitha 16:2

Sulia fa boṉi totonao ana uiki kamulua sui, ta wane u boo i talaana, ma ta wane u boo i talaana, kai alua si ana ana wai malefo, sulia todado lana, fasi e ai ta ofumalefo la si maṉa ni nau kwai fula.

Si do Aposela ki kera ilidaki 2:42

Ma kera seemabe ṉado uria roṉo lana kwaifamanatai lana aposela ki ma ana kwaimani lea la bida, ana ni lana berede eri ma ana foa la eki.

Jone 20:19

Mania lalae e thaulafia naa, afa boṉi eri, fa boṉi totonao ana uiki, asi maṉa na kera fonoa naa maa asi kula na toa eki na tha Jesus e toleda kera to iei, uria na kera mau ana Ju ki, tha Jesus e lae mai, ka takwe i maalutada, ka soree isada, Enenoa kai to ani kamulua.

Jone 20:1

Afa boṉi totonao ana uiki ni Meri Makadaline e lae mai la si makafukafua, ka fula isana kwaiṉeia eri, ka rikia gwa fau na kera idua naa faisia.

Si do na kera fatai nia 1:10

Nau ku ni atha Spirit afa boṉi ṉa Lord, ma ku roṉoa liṉana si ṉata la baita iburiaku, ’uria liṉana buṉu

Si do Aposela ki kera ilidaki 20:11

Me tae lau, ma ka nia berede eri, ka ania, ma ka ṉaṉata bida fanua ka dani, sui ka lae.

Si do Aposela ki kera ilidaki 28:23

Ma buriana na kera gwalua tee fa boṉi ifana, toa oro iada keka ofu mai isana i la biu ne to mai iei; ma nia fatai nia maalutana kwaifamanatai la eri, ka faamamanea si do ne thaitoomana sulia tooa tha God, ma ka ṉata sulia tha Jesus ana ṉa lo tha Mosesi ma ana porofeta ba ki, fasi kai bulasia ruruuda, too i uusuwadia ka ṉaṉata fanua ka rodo.

Si do Aposela ki kera ilidaki 20:9

Ma tee wane bii baita, thatana tha Iutikasi, ka ono i maana olofolo, maane fafokulu asia boo, ka biṉa liu; ma si maṉa na tha Polo e kwaifamanatai ka tau u, si biṉa eri e faasifo nia iano faisia biu ne to susui mai ia ana ulu biu eki, ma kera tafoa e mae naa.

Luke 24:35

Ma keko uunu sulia si do ne fula mai sula tale, ma si ade la eri na keko thaitoomana ana ni lana berede.

I. Korinitha 15:10

Sui ana lea la tha God nau ku fula asi do nau ku fulatoona: ma lea la nia ne falea mai iaku na ṉa tonee do e ai; nau ku ulafu ana ra ne oro ka tatha ani kera sui boo: ni nau e ai neri, lea la tha God bana na ni isaku.

I. Korinitha 10:16

Titiu ba ana lea la na kuka alua lea la kai to fafia, kwaimani lea la ana abuna tha Christ e ai bana nania? Berede ba na kulu nia, kwaimani lea la ana seena tha Christ e ai bana nania?

Si do Aposela ki kera ilidaki 20:31

Mania muki tharai, muki onotoona na sulia ulu fa ṉali nau ku fafaamanatai kamulua sui, ta si maṉa si ei, afa rodo mafa thato ana kafona maaku.

Si do Aposela ki kera ilidaki 2:46

Ma sulia boṉi kera seemabe ana figu la ana tee si lio i la biu baita tha God, keka nia berede i maafera kera ki, keka ania faṉa kera ana seethathala la ma ana tee si lio i ruruuda,

Jone 20:26

Ma kwalu fa boṉi e sui, toa nia ne toleda kera to lau i la biu, ma tha Tomasi ka ni bida. Tha Jesus e fula mai, si maṉa na kera fonoa naa maa, ka takwe i maalutada, ka sorea, Enenoa kai to ani kamulua.

Luke 22:19

Ma nia ka ṉalia berede, ka sore lea, ma ka nia, ma ka falea ifada, ka una eri, Seeku nai nia na kera falea uri kamulua: si do eri muki ilia ana manatai laku la

Nehemiah 9:3

Ma keka takwe asi kula kera, keka teemai la buka ana ṉa lo tha Jihova na God kera sulia faina kadee thato eri; ma faina kadee thato lau keka faaroṉo lalaa ana abula lada, ma keka faare baita atha Jihova na God kera.

Nehemiah 8:3

Ma nia ka teemai nia si ṉataa ne ilaala sulia tala eri ne ni otofana maethakaa kafo, ka thafalia i la si uusuwadia u boo, ka fula i initoona thato, inaofana wane eki, ma kini eki, ma toa eki na kera talaana thaitoomana lana maalutana; ma toa eki sui bana keka fafuroṉoa si baea ne i la buka ana ṉa lo.

II. Timothi 4:2

Oko ṉata sulia si baea eri; oki fifarao uria asi maṉa na kera maakwalia, ma asi maṉa na kesi maakwalia lau boo: oki faaseenoni kera, oki soreda, oki ṉata isada, asi lio ni doanita tatha la ma ana kwaifamanataia.

Mako 16:9

Ma si maṉa na nia e tatae naa i la si uusuwadia u boo afa boṉi totonao ana uiki, nia ka fula fatai sani Meri Makadaline totonao, ai ne arasia fiu spirit taa ki faisia.

Si do Aposela ki kera ilidaki 16:10

Ma buriana ne rikia si do eri na kera fatai lalaa ania, si maṉa eri u boo mili rofe uria si ade la na miki ilia fasi mika lae uri Masedonia, manatamilia na tha God e aili kamilia miki ṉata sulia si faaroṉoa lea isada.

Si do Aposela ki kera ilidaki 20:5

Toa eki kera lae totonao, keka maakwali kamilia i Toroasi.