Si do Aposela ki kera ilidaki 20:3 - Ṉa Alaofua Falu 1923 1949

³ Ma nia to i fanua eri sulia ulu madami. Ma uria na Ju ki kera oloa omea uri nia, si maṉa karaṉia sa kai lae i la faka uri Siria, manatana na nia kai tatha i Masedonia fasi kai oli kau.

Si do Aposela ki kera ilidaki 20:3 Referans Kwoze

Si do Aposela ki kera ilidaki 20:19

Na nau ku ra ifana ṉa Lord asi lio ana abula seseka la, ma ana kafona maaku ne oro, ma ana ilitooa ba ki na kera ilitooku ania ana omea ba Ju ki kera oloa uri nau:

II. Korinitha 11:26

Ana laea oro ki, ku toto karaṉia maea ana kafo ki, ku toto karaṉia maea ana toa na kera laulau, ku toto karaṉia maea ana kulee toa nau, ku toto karaṉia maea ana Jenetaele ki, ku toto karaṉia maea i la toaa susu, ku toto karaṉia maea i la fanua kwasi, ku toto karaṉia maea i la amali, ku toto karaṉia maea i maalutana baree wai doorana na kesi mamana ki;

Si do Aposela ki kera ilidaki 25:3

Keka sorea sa kai ade lea iada sulia si do eki, kai kwaiarasi uri nia kai lae mai uri Jerusalema; fasi keki u teoa, keki thauṉi nia sula tale.

II. Korinitha 7:5

Uria na kada mili fula i Masedonia mena, seemilia e ai si mamalo, taa la e thauṉi kamilia ta kula si ei; i thara firu la ki, ma i la ruruumilia mau la.

Galesia 1:21

Sui iburiana ku fula i la fanua i Siria ma i Silisia.

II. Korinitha 1:15

Ma sulaania nau ku faamamanea si kula eri, manataku inao sa kwa fula isamulua totonao, fasi amulua lau ta lea la;

Si do Aposela ki kera ilidaki 21:3

Ma lalae mili rikia i Saeporasi e maṉo, mika akwasia fanua eri ana aba mauli, mika lae uri Siria, ma mika sifo i Taera: uria na keki sifolaṉai nia do nai la faka eki i fanua eri.

Si do Aposela ki kera ilidaki 19:21

Ma buriana na kera ilia si do eki e sui, manatana tha Polo na nia kai tatha totonao i Masedonia ma i Akaia, sui kai tae uri Jerusalema, ma nia una eri, Lalae ku fula i kula eri e sui, e ai si ei boo kwai rikia lau boo Roma.

Si do Aposela ki kera ilidaki 18:18

Ma tha Polo ka to u sulia fa boṉi oro ki buriana si maṉa eri, sui ka alulu ania baree wai doorana, ka lae i la faka faisia si kula eri uri Siria, ma ni Pirisila ma tha Akwila kero lae bi nia; buriana ne sufia gwauna i Keṉakiria: uria ne othia ta si do.

Si do Aposela ki kera ilidaki 16:9

Ma si na kera fatai lalaa ania ka fula mai isatha Polo i la rodo; Tee nonii wane i Masedonia ka takwe, ma ka ṉata kwaitakoi isana, ka una eri, Oki tatha mai uri Masedonia, oki adomi kamilia.

Mathui 4:24

Ma thatana ka talofia i Siria sui: ma keka talaia mai toa eki sui bana na kera matai isana, toa na mataia oro ki e thauṉida ma seede fi, toa spirit taa ki ni anida, ma toa na futamae e thauṉida, ma toa afemae e thauṉida; ma nia ka faamarukida.

Si do Aposela ki kera ilidaki 16:12

Ma mili lae faisia si kula eri, mili fula i Filifae, tee toaa susu ana Masedonia ne inoto ka tatha i fanua eri, na toa i Roma kera faainotoa: ma mili to i la toaa susu eri sulia tai fa boṉi.

Si do Aposela ki kera ilidaki 20:1

Ma buriana na ṉataṉata eri e sui, tha Polo e kwaiarasi uria toa na tha Jesus e toledaki, ma ka alulu iada, sui ka lae faisida fasi kai lae uri Masedonia.

Si do Aposela ki kera ilidaki 20:2

Ma buriana ne liufia fanua eki, me kwaifamanatai faamau isada, nia bii fula i Girisi.