Si do Aposela ki kera ilidaki 20:2 - Ṉa Alaofua Falu 1923 1949

² Ma buriana ne liufia fanua eki, me kwaifamanatai faamau isada, nia bii fula i Girisi.

Si do Aposela ki kera ilidaki 20:2 Referans Kwoze

I. Thesalonika 4:1

Si do iisi, doora kera, kamilia mika ṉata kwaitakoi mika soree isamulua atha Lord Jesus, na, talafana na mulu roṉoa ani kamilia sulia abula la ne kokoto muki abula sulia na tha God ka ala fafia, abula la kamulua eri kai sukwai alaa.

I. Thesalonika 2:3

Uria na si do eri na mili sorea, do kera faagaro kamilia ania, mado do mili manata taa sulia, mado do ni lole la, e ai:

Kolose 1:28

Wane na mili faaroṉo ania neri, mili ṉata fifi isana wane eki sui boo ma mili kwaifamanatai isana wane eki sui boo ana liotooa faamau, fasi miki fatai nia wane eki sui boo keki sukwai teefau atha Christ Jesus;

I. Thesalonika 2:11

Uria na mulu thaitoomana na mili ṉata isamulua ta wane iamulua si ei boo ’uria maka bia baree wela nia, ma mili faainamaruki kamulua, ma mika faamamanea si do na mili thaitoomana,

Si do Aposela ki kera ilidaki 20:11

Me tae lau, ma ka nia berede eri, ka ania, ma ka ṉaṉata bida fanua ka dani, sui ka lae.

Si do Aposela ki kera ilidaki 17:10

Ma si maṉa eri u boo baree wai doorana keka arasia tha Polo ma tha Saelasi afa rodo uria Berea: ma lalae kero fula i kula eri, keko kotho i biu ni ofu la Ju ki.

Si do Aposela ki kera ilidaki 17:1

Sui buriana na kera tatha i Amafipolisi ma i Apolonia, keka fula i Thesalonika, si kula na tee bin ni ofu la Ju ki e ni iei:

Si do Aposela ki kera ilidaki 16:12

Ma mili lae faisia si kula eri, mili fula i Filifae, tee toaa susu ana Masedonia ne inoto ka tatha i fanua eri, na toa i Roma kera faainotoa: ma mili to i la toaa susu eri sulia tai fa boṉi.

Si do Aposela ki kera ilidaki 15:41

Ma nia tathafia Siria ma Silisia, ka faaṉadoa figua eki.

Si do Aposela ki kera ilidaki 14:22

Keko faaṉadoa ruruuna toa na tha Jesus e toleda, keko soree isada keki to ṉado asi do eki na kulu fitoona, keko faaroṉoda na kuki to e ai si ei boo ana taa la oro ki fasi kuki kotho ana tooa tha God.

Si do Aposela ki kera ilidaki 2:40

Ma asi baea oro e faamamanea lau boo si do ne thaitoomana, ma ka faamanatai kera, ka una eri, Muki faamaruki kamulua faisia unii wane nai ne abula kekeo.

Luke 3:18

Ma nia ka ṉata sulia si faaroṉoa lea eri ana tei kwaifamanatai la oro lau isana toa eki;

Si do Aposela ki kera ilidaki 20:1

Ma buriana na ṉataṉata eri e sui, tha Polo e kwaiarasi uria toa na tha Jesus e toledaki, ma ka alulu iada, sui ka lae faisida fasi kai lae uri Masedonia.

Si do Aposela ki kera ilidaki 20:3

Ma nia to i fanua eri sulia ulu madami. Ma uria na Ju ki kera oloa omea uri nia, si maṉa karaṉia sa kai lae i la faka uri Siria, manatana na nia kai tatha i Masedonia fasi kai oli kau.

I. Korinitha 4:19

Sui nau kwai makee lae bokau isamulua, mada sa ṉa Lord e thathamia; ma nau sa kwa thaitoomana bae lana toa eri na kera faabaita kera i talaada e ai, kwai thaitoomana sukwaia kera.