Si do Aposela ki kera ilidaki 2:46 - Ṉa Alaofua Falu 1923 1949

⁴⁶ Ma sulia boṉi kera seemabe ana figu la ana tee si lio i la biu baita tha God, keka nia berede i maafera kera ki, keka ania faṉa kera ana seethathala la ma ana tee si lio i ruruuda,

Si do Aposela ki kera ilidaki 2:46 Referans Kwoze

Si do Aposela ki kera ilidaki 5:42

Ma sulia boṉi, i la biu baita tha God ma i maafera kera ki, keka kwaifamanatai si sui ma keka ṉata sulia tha Jesus Christ.

Si do Aposela ki kera ilidaki 2:42

Ma kera seemabe ṉado uria roṉo lana kwaifamanatai lana aposela ki ma ana kwaimani lea la bida, ana ni lana berede eri ma ana foa la eki.

Si do Aposela ki kera ilidaki 20:7

Ma afa boṉi totonao ana uiki, si maṉa na toa na tha Jesus e toleda kera figu mai fasi keki nia berede, tha Polo e kwaifamanatai isada, manatana na nia kai lae afa boṉi iburiana; ma nia ṉa ṉata ka initoona rodo naa.

Fa Ṉu Abu ki 86:11

Oko to’oa tala oe isaku, Jihova ae; nau kwai lae sulia mamana la oe: oko alua ruruuku ana tee si lio kwa faare baita ana thatamu.

II. Korinitha 1:12

Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

Si do Aposela ki kera ilidaki 16:34

Ma buriana ne talaidaroa uri maafera nia, nia ka tharaṉania tatafe ni faṉa la ifadaroa, ka seethathala faamau uria ne fitoona tha God, bia toa eki sui boo ana maafera nia.

Kolose 3:22

Wane ni ra ki, muki ade sulia ṉata lana wane inoto kamulua ki ana see imole asi do ki sui bana; ana si maṉa eri bana na keki rikia ra lamulua, sa muki ade mala toa na kera thathamia faalea lana imole ka ai, muki ilia ana tee si lio i ruruumulua, muka mau atha God:

Roma 12:8

Mado wane na kai kwaifamanatai, ana kwaifamanatai la nia: wane na kai tona falea si do ki, liona na kai ilia; wane na kai tatha inao, kai seemabe ania; wane na kai tatakomia ta imole, kai ilia ana seethathala la.

Nehemiah 8:10

Sui nia ka soree isada, Lae namulua, ania fasi si do gwagwarurutaa ki, kuu fasi ana si kafo gwagwaria, muki falea kau moriṉa kera ki ifana toa eki na kesi betaa ta si do iada: uria na fa boṉi nei e abu ifana Arai kulu: ada muka liliodila; uria na sukwaia kamulua ni ana seethathala la atha Jihova.

Luke 24:53

Ma keka to ṉado i la biu baita tha God, keka taṉoa ma keka ṉata sulia lea la tha God. Emeni.

II. Korinitha 11:3

Ma nau ku mau, ada mado e ai, ’uria lau boo wa aala eri e lolea ni Eve ana lole la nia, keki faataalia manatamulua faisia si lio ne mamana uria tha Christ.

Si do Aposela ki kera ilidaki 5:21

Ma si maṉa na kera roṉoa, keka kotho i la biu eri si maṉa fanua e thafalii dani, keka kwaifamanatai. Sui aofia ni foa e lae mai, bia toa na kera to isana, ka ailia mai ofu la eri, ma figu la eri sui bana ana wane inoto kwalafa tha Isirela ki, ka kwaiarasi uri lokafu sa keka toleda mai.

Si do Aposela ki kera ilidaki 3:1

Sui tha Pita ma tha Jone kero tae uri biu baita tha God asi kadee thato ana foa la, sikwana si kadee thato neri.

Luke 24:30

Ma lalae mai, si maṉa ne teoreri isana faṉa la bida, nia ka ṉalia berede, ka sore lea, ka nia, ma ka falea ifadaroa.

Mathui 6:22

Laafa ana seena imole na ṉa maana: mania mada sa maamu e laa, seemu sui boo kai laa teefau.

Efesasi 6:5

Wane ni ra ki, muki ade sulia ṉata lana wane eki na kera inoto ani kamulua ana see imole, ana mau la ma leleba la, ana tee si lio i ruruumulua, si do eri ifatha Christ;

Luke 11:41

Ma sui muki tona fale asi do na mulu rikidaki; ma rikia fasi, si do ki sui bana e falu ifamulua.

I. Korinitha 10:16

Titiu ba ana lea la na kuka alua lea la kai to fafia, kwaimani lea la ana abuna tha Christ e ai bana nania? Berede ba na kulu nia, kwaimani lea la ana seena tha Christ e ai bana nania?