Si do Aposela ki kera ilidaki 2:40 - Ṉa Alaofua Falu 1923 1949

⁴⁰ Ma asi baea oro e faamamanea lau boo si do ne thaitoomana, ma ka faamanatai kera, ka una eri, Muki faamaruki kamulua faisia unii wane nai ne abula kekeo.

Si do Aposela ki kera ilidaki 2:40 Referans Kwoze

Filifae 2:15

Fasi muki dodoloa ma seemulua kai eno, baree wela tha God ki ne ai ta si lio garo si ni ani kamulua i maalutana unii wane na kilu kekeo ma kiku ade garo, unii wane na kera riki kamulua i maalutada mala laafa ki i fanua nei iano,

I. Timothi 4:16

Oki beta suli oe, ma sulia kwaifamanatai lamu. Oki ra ṉado asi do eki; uria na si maṉa oki ade una eri oki faamaruki oe i talaamu bia toa na kera roṉoa ṉata lamu lau boo.

Efesasi 4:17

Mania si do eri ku sorea, ma ku faamamanea si do nau ku thaitoomana sulia ana ṉa Lord, Musi abubula lau ’uria abula lana Jenetaele ki, sulia manatada ne fakoka,

II. Korinitha 6:17

Mania Muki lae kau faisida, ma muka eeta, tha Lord e sorea, Ma musi suana do ne ai si falu; Ma nau kwai thathagoni kamulua mai,

Mathui 17:17

Ma tha Jesus e luua, ka sorea, Kamulua unii wane na musi fitoo ma muki lae eeta, ta fita fa boṉi lau kwai to isamulua? ta fita fa boṉi lau kwai doanita iamulua? talaia mai kunei isaku.

Mathui 16:4

Unii wane ne taa ma kai oe kai rofe uria bala si do; sui sa keki fatai nia bala ta si do isana e ai, talitoona bala tha Jona ṉa porofeta. Ma nia akwasida, ka lae nana.

Galesia 5:3

Iu, nau ku faamamanea lau si do nau ku thaitoomana isana atona bana ta wane na keki kwai kakali ani nia, na wane eri keki suuwai nia kai ilia si do eki sui bana na ṉa lo e sorea.

Si do Aposela ki kera ilidaki 28:23

Ma buriana na kera gwalua tee fa boṉi ifana, toa oro iada keka ofu mai isana i la biu ne to mai iei; ma nia fatai nia maalutana kwaifamanatai la eri, ka faamamanea si do ne thaitoomana sulia tooa tha God, ma ka ṉata sulia tha Jesus ana ṉa lo tha Mosesi ma ana porofeta ba ki, fasi kai bulasia ruruuda, too i uusuwadia ka ṉaṉata fanua ka rodo.

Mathui 23:33

Kamulua wa aala ki, kamulua kwalafana baekwa i tolo ki, toto muki thaka ufita faisia kotu baita ana hell?

I. Pita 5:12

Atha Silafenasi, doora mamana kamulua (manataku neri), ku kekeda ṉuṉuru kau isamulua, ku soree isamulua, ma ku faamamanea si do na nau ku thaitoomana, na lea la mamana tha God neri: muki takwe ṉado ania.

I. Thesalonika 2:11

Uria na mulu thaitoomana na mili ṉata isamulua ta wane iamulua si ei boo ’uria maka bia baree wela nia, ma mili faainamaruki kamulua, ma mika faamamanea si do na mili thaitoomana,

II. Korinitha 5:20

Mania kamilia toa ni ṉaliṉata ifatha Christ, ’uria sa tha God e ṉata kwaitakoi ani kamilia: mika ṉata kwaitakoi, mika soree isamulua ifatha Christ, sa muki kwaimani lau bia tha God.

Si do Aposela ki kera ilidaki 20:24

Ma nau ku doanita asi do eki sui boo, ma kwasi ogoni ana maṉoku, ’uria si do nau ku liothau ania, fasi kwai fita lea ana fita la nau, ma kwai ilia si ra eri na nau ku ṉalia atha Lord Jesus, faamamane lana si do nau ku thaitoomana sulia si faaroṉoa lea ana lea la tha God.

Luke 21:36

Mania muki lio, ma muka foa ta si maṉa si ei, fasi keki ala fafi kamulua mulu farana si do eki sui bana na kai fula si fulatoomulua, ma muki takwe inaofana Kaluwane imole.

Mako 8:38

Mania ni tei bana na kai seenoni suli nau ma kai seenoni sulia bae laku maalutana unii wane nei na kera oe ma kera abula taa, Kaluwane imole kai seenoni lau boo suli nia, si maṉa na nia kai lae mai ana inotoa Maka nia bia angel abu ki.

Si do Aposela ki kera ilidaki 20:21

Ku faamamanea isana Ju ki ma toa i Girisi lau boo si do nau ku thaitoomana sulia manata akele la uria tha God, ma fitooa uria Lord kulu tha Jesus Christ.

Jone 21:25

Ma tei do oro lau boo kai to bana na tha Jesus e ililia, na mada sa kera keda ka sui, manataku ka sorea na fanua nei iano mena e ai si baita si tala ana buka eki sa kera keda. Emeni.

Si do Aposela ki kera ilidaki 20:11

Me tae lau, ma ka nia berede eri, ka ania, ma ka ṉaṉata bida fanua ka dani, sui ka lae.

Si do Aposela ki kera ilidaki 20:9

Ma tee wane bii baita, thatana tha Iutikasi, ka ono i maana olofolo, maane fafokulu asia boo, ka biṉa liu; ma si maṉa na tha Polo e kwaifamanatai ka tau u, si biṉa eri e faasifo nia iano faisia biu ne to susui mai ia ana ulu biu eki, ma kera tafoa e mae naa.

Si do Aposela ki kera ilidaki 20:2

Ma buriana ne liufia fanua eki, me kwaifamanatai faamau isada, nia bii fula i Girisi.

Si do Aposela ki kera ilidaki 15:32

Ma tha Judasi ma tha Saelasi, uria ni keroa lau boo ro porofeta ki, keko kwaifamanatai isana baree wai doorana asi baea oro ki, ma keko faaṉado kera.

Si do Aposela ki kera ilidaki 10:42

Ma nia faaroṉo kamilia miki ṉata isana toa eki, ma miki faamamanea si do mili thaitoomana na nia ṉa Wane na tha God e alu nia Wane ni Kotu ifana toa maruki ma toa mae ki.

Mathui 12:34

Kamulua kwalafana baekwa i tolo ki, si do lea ki muki sore ufita ania, na mulu taa nania? sulia fokona imole kai ṉata asi do ne oro i ruruuna.

Luke 16:28

Uria na akua lima doora; fasi nia lae kai faamamanea si do ne thaitoomana isada, ada keki lae lau bomai uria si kula ana seefia nei.

Si do Aposela ki kera ilidaki 4:36

Ma tha Josefa, wane na aposela ki kera alaṉia atha Banabasi (ma toolaṉai lana thata eri, Kaluwane ana kwaifamanatai la), wane ana kwalafa tha Lifae, ana toa i Saeporasi,