Si do Aposela ki kera ilidaki 2:32 - Ṉa Alaofua Falu 1923 1949

³² Jesus eri boo tha God e tataea, si do ni kamilia sui mika faamamanea si do mili thaitoomana sulia.

Si do Aposela ki kera ilidaki 2:32 Referans Kwoze

Si do Aposela ki kera ilidaki 3:15

Ma mulu thauṉia Wane Inoto ana marukia; Wane na tha God e tataea faisia toa mae ki; si do na mere faamamanea si do mere thaitoomana sulia.

Si do Aposela ki kera ilidaki 1:8

Ma lalae tha Spirit Abu e fula fafi kamulua, muki bii ṉalia sukwaia: ma si do mulu thaitoomana suli nau muki faamamanea i Jerusalema, ma i fanua i Judia ka sui bana ma i Sameria, ma ana si kula ne tau faamau mena i fanua nei iano.

Si do Aposela ki kera ilidaki 4:33

Ma ana sukwaia baita aposela ki kera faamamanea si do kera thaitoomana sulia tatae lana tha Lord Jesus: ma lea la baita e to fafi kera sui boo.

Si do Aposela ki kera ilidaki 1:22

Ka thafali mai ana babataesi la tha Jone, ka fula afa boṉi eri na kera tae fafi nia faisi kamilia, ana wane eki tee wane kai faamamanea ofu bi kamilia e ai si ei boo si do ne thaitoomana sulia tatae lana faisia maea.

Si do Aposela ki kera ilidaki 2:24

Wane na tha God e tataea, buriana ne luke nia faisia fiwela la ana maea: uria ne afetai ka tatha sa do eri kai rau ṉado ani nia.

Jone 15:27

Ma ni kamulua lau boo muki faamamanea si do na muka thaitoomana, uria na mulu to bi nau ka too mai ana thafali la.

Si do Aposela ki kera ilidaki 3:26

Ma ni kamulua totonao, tha God, buriana ne tataea Kaluwane nia tha Jesus, e arasi nia mai isamulua fasi kai falea lea la ifamulua, ana bulasi lamulua la, ta imole iamulua si ei boo, faisia abula taa la kamulua ki.

Si do Aposela ki kera ilidaki 4:10

Kamulua sui, ma toa Isirela ni sui bana, muki thaitoomana si kula eri, Ana thatana tha Jesus Christ na Wane i Nasaretha, na mulu fota fafi nia ana ’ai rarafolo, na tha God e tataea faisia toa mae ki, ani nia wane nai ka takwe kunei inaofamulua, ka maruki naa.

Si do Aposela ki kera ilidaki 5:30

Ṉa God maka kulu ba inao ki e tataea tha Jesus, Wane na mulu thauṉia, muka tarufai nia sulia rebee ’ai.

Si do Aposela ki kera ilidaki 13:30

Ma sui tha God e tataea faisia toa mae ki:

Si do Aposela ki kera ilidaki 13:33

Na tha God e faamamanea alaṉaia eri ifana wela kera ki, ni kulu neri, ana tatae la eri ne tataea atha Jesus; ’uria lau boo na kera keda ana ruana fa ṉu na ba, Kaluwane nau ni oe, itaraena boo ku thare oe.

Si do Aposela ki kera ilidaki 17:31

Uria ne gwalua tee fa boṉi, na nia na Wane ni Kotu kai ṉata kokoto sulia toa na fanua nei iano ana Wane ne alu nia ania; me fatai nia mamana lana si do eri isana toa na fanua asi kula eri, ne tataea Wane eri faisia toa mae ki.

I. Korinitha 6:14

Ma tha God e tataea ṉa Lord, ma kai tatae kulu lau boo ana sukwaia nia.

I. Korinitha 15:15

Iu, ma kera fulatoomilia na mili lole fafia tha God; uria na mili faamamanea si do na mili thaitoomana sulia tha God na nia e tataea tha Christ: Wane ne ai si tataea bana, mada se ai kesi tataea toa mae ki.

II. Korinitha 4:14

Uria na mili thaitoomana ni nia ne tataea tha Lord Jesus toto kai tatae kamilia lau boo bia tha Jesus, ma kai fatai kamilia bi kamulua.

Galesia 1:1

Polo, ṉa aposela (aposela wane ki e ai, ma sulia wane ki ka ai lau boo, atha Jesus Christ ana, ma tha God na Maka, ne tataea faisia toa mae ki),

Efesasi 1:20

Ne ra ania atha Christ, si maṉa ne tataea na ba faisia toa mae ki, ka alua kai ono ibali aba aola nia i thalo lo ki,

Kolose 2:12

Uria na kera kwaiṉei kamulua bi nia ana babataesi la eri, si kula na kera tatae kamulua lau boo bi nia uria fitooa kamulua eri ana ra lana tha God, ne tatae nia faisia toa mae ki.

Hibaru ki 13:20

Ma ṉa God ana ene noa, ne talaia lau mai faisia toa mae ki na Lord kulu tha Jesus, Wane baita eri ni fono toi la kakalia sifi, fafia ’abu eri ana alaofua na kai to tatha,

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.