Si do Aposela ki kera ilidaki 2:22 - Ṉa Alaofua Falu 1923 1949

²² Kamulua wane Isirela ki, muki roṉoa si baea eri: Tha Jesus, Wane i Nasaretha, Wane na tha God e ala fafia inaofamulua asi ra baita ki ma do ni kwele la ania ki ma bala si do ki, na tha God e ilia ana abana i maalutamulua, ’uria si do na mulu tala thaitoomana;

Si do Aposela ki kera ilidaki 2:22 Referans Kwoze

Jone 3:2

Wane eri e fula isatha Jesus afa rodo, ka soree isana, Rabae ae, kamilia mili thaitoomana ni oe wane ni kwaifamanatai na tha God e arasi oe mai: uria na ta wane sa ka ilia bala si do noki ilidaki e ai, mada sa tha God e ai si ni isana.

Si do Aposela ki kera ilidaki 4:10

Kamulua sui, ma toa Isirela ni sui bana, muki thaitoomana si kula eri, Ana thatana tha Jesus Christ na Wane i Nasaretha, na mulu fota fafi nia ana ’ai rarafolo, na tha God e tataea faisia toa mae ki, ani nia wane nai ka takwe kunei inaofamulua, ka maruki naa.

Luke 11:20

Ma ni nau mada sa kwai arasia spirit taa ki ana kukuna tha God, tooa tha God e fula naa isamulua e ai si ei boo.

Mathui 12:28

Ma ni nau mada sa kwai arasia spirit taa ki ana Spirit tha God, tooa tha God e fula naa isamulua.

Mathui 9:8

Ma si maṉa na malului wane eki kera rikia, keka mau, ma keka fare inoto atha God, ne falea sukwaia una eri ifana imole.

Hibaru ki 2:4

Si maṉa na tha God lau boo e faamamanea bi kera si do nia thaitoomana, ana bala si do ki ma do ni kwele la ania, ma asi ra sukwai oro ki lau boo, ma asi fale la tataka ki atha Spirit Abu, sulia si do nia tala thathamia?

II. Korinitha 12:12

Bala si do ki ne farana aposela ku ilia mamana boo i maalutamulua asi lio ni susuu ṉado la, ana bala si do ki ma do ni kwele la ania ma ra baita ki.

Si do Aposela ki kera ilidaki 26:26

Sulaania ṉa kiṉa e thaitoomana maalutana si do eki, ma nau ku ṉata seeraa isana: uria nau ku thaitoomana boo ne ai ta do asi do eki si to thaufuni faisi nia; uria kesi ilia si do eri ana kasi susui fanua seseka.

Si do Aposela ki kera ilidaki 26:9

E mamana ni nau manataku i talaaku ne kokoto kwa ilia si do oro ki ne maalimae ana thatana tha Jesus. Wane i Nasaretha.

Si do Aposela ki kera ilidaki 24:5

Sulaania mili fulatoona wane nai ne ’uria mataia taa ne sisigi, kai thafalia firu la bia toa i Roma i maalutana Ju ki ana fanua nei iano ni sui bana, ma nia wane sukwai ana wane eki na kera tatha inaona toa na kera faamamanea kwaifamanatai lana Nasarini ki:

Si do Aposela ki kera ilidaki 22:8

Ma nau ku luua, Oe ni tei, Lord? Ma nia soree isaku, Nau tha Jesus, Wane i Nasaretha, noki tona ilamatai nau.

Si do Aposela ki kera ilidaki 21:28

Keka ’ai faamau, keka una eri, Wane Isirela ki, muki kwaiadomi: Wane eri nania, ne to’oa isana toa na fanua, ta si kula si ei, keki fare faekwa ana toa nai, ma ṉa lo, ma si kula eri: ma sui lau boo nia talaia toa i Girisi ki uri la biu baita tha God, me faasua kula ne abu nania.

Si do Aposela ki kera ilidaki 14:27

Ma lalae kero fula, keko bii ailia mai figua eri, keko uunu sulia si do eki sui bana na tha God e ilia ani keroa, me ifinia maethaka ana fitooa ifana Jenetaele ki.

Si do Aposela ki kera ilidaki 13:16

Ma tha Polo ka takwe ia, ka faabona kera ana abana, ka sorea, Wane Isirela ki, ma toa na mulu mau atha God, muki fafuroṉo fasi.

Si do Aposela ki kera ilidaki 6:14

Uria na mili roṉo nia, e sorea na tha Jesus, wane ba i Nasaretha, kai labatania i kunei, ma kai taala ana biraṉakulua ki na tha Mosesi e falea ifakulua na ba.

Si do Aposela ki kera ilidaki 5:35

Ma nia soree isada, Kamulua wane Isirela ki, muki beta suli kamulua asi do na muki ilia sulia wane eki.

Si do Aposela ki kera ilidaki 3:12

Ma si maṉa na tha Pita e rikia, nia luua toa eki, ka una eri, Kamulua wane Isirela ki, uria ta na muka kwele asi do eri? mado uria ta na muka bubu tete uri kamarea, ’uria sa ana sukwaia kamarea i talaamarea mado si lio kamarea ana fare baita la atha God mere tala adea wane eri kai lae?

Jone 19:19

Ma tha Paelate e keda lau boo tee kekeda la, ka alua ana ’ai rarafolo eri. Ma si do na kera keda seena, THA JESUS, WANE I NASARETHA, KIṈA JU KI.

Jone 15:24

Mada se ai kwasi ilia ra eki i maalutada na ta wane eeta si ilia, abula taa la si to fafida: sui si maṉa eri ni nau ma Maka nau lau boo, kera riki kamarea naa ma kera riki kamarea ka taa lau boo.

Jone 12:17

Mania malului wane eri na kera ni isana si maṉa ne ailia tha Lasarasi faisia kwaiṉeia, ma ka tataea faisia toa mae ki, toa eki kera faamamanea si do na kera thaitoomana suli nia.

Jone 11:47

Mania wane inoto ni foa ki ma Farisi ki kera ofua mai tee ofu la, ma keka sorea, Ta neri na kuki ilia? uria na wane eri ka ilia bala si do oro ki.

Jone 10:37

Mada se ai kwasi ilia si ra Maka nau, musi fitooku.

Jone 9:33

Mada sa wane nei e ai si ita mai atha God, e ai si talaana ili lana ta si do.

Jone 7:31

Sui ana malului wane eki imole oro ki kera fitoona; ma keka sorea, Si maṉa na Christ ba kai fula mai, nia kai ilia bala si do ki kai oro ka tatha asi do eki na wane nei e ilia?

Jone 6:27

Musi rara uria faṉa na toto kai taa, muki ra uria faṉa na kai to ṉado ana marukia tatha, na Kaluwane imole kai falea iamulua: uria nia God na Maka e safua ana do ni faaṉado lana.

Jone 6:14

Mania si maṉa na toa eki kera rikia bala si do eri na tha Jesus e ilia, keka sorea, Porofeta ba mamana boo nai nia na kai lae mai uria fanua nei iano.

Jone 5:36

Ma faamamane la na kera faamamane nau ania asi do kera thaitoomana, e baita ka tatha ana faamamane la tha Jone: uria na si ra ki na ṉa Maka e falea ifaku sa kwai ilia, si ra eki boo na nau kwai ilia bakua, ka faamamane nau, na ṉa Maka e arasi nau mai.

Jone 4:48

Mania tha Jesus e soree isana, Si maṉa na musi rikia bala si do ki ma do ni kwele la ania, sa muki fitoo e ai.

Jone 1:45

Tha Filifi ka fulatoona tha Nathaniala, ma ka soree isana, Kamilia mili fulatoona wane eri, na tha Mosesi ana ṉa lo, ma porofeta ba ki, kera kekeda sulia, nia na tha Jesus wane i Nasaretha, kaluwane tha Josefa.

Luke 24:18

Ma ta wane iadaroa, thatana tha Kiliopasi, e luua, ka soree isana, O wane o bii fula i Jerusalema nosi thaitoomana si do ne fula mai iei afa boṉi eki?

Mathui 2:23

Me lalae mai ka ono ṉado i la tee toaa susu kera alaṉia ana Nasaretha: fasi keki faamamanea si do na porofeta ki kera sorea, na nia toto keka alaṉia ana wane i Nasaretha.

Si do Aposela ki kera ilidaki 2:19

Ma nau kwai fatai nia do ni kwele la ania ki i thalo lo, Ma bala si do ki ana fanua nei iano; Si abu, bia si era, bia si datha:

Si do Aposela ki kera ilidaki 2:43

Ma mau la e to fafia imole ki sui bana: ma aposela ki keka ilia do oro ni kwele la ania ma bala si do ki.

Si do Aposela ki kera ilidaki 3:6

Ma tha Pita e sorea, Silifa bia goloda e ai kwasi rikia; sui si do ku rikia, kwai falea ifamu. Ana thatana tha Jesus Christ, Wane i Nasaretha, tatae, oki lae.

Luke 18:37

Ma kera faaroṉo nia, na tha Jesus, wane i Nasaretha, kai tatha.