Si do Aposela ki kera ilidaki 2:1 - Ṉa Alaofua Falu 1923 1949

¹ Ma Taṉafula‐limana‐tafulu fa boṉi eri lalae e fula naa, kera sui kera ofu mai ana tee si kula.

Si do Aposela ki kera ilidaki 2:1 Referans Kwoze

Roma 15:6

Fasi ana tee si lio ma ana tee si ṉata muki faainoto nia ne God ṉa Lord kulu tha Jesus Christ ma Maka nia.

Filifae 2:2

Muki ilia na seethathala la nau kai mamana boo, si maṉa na muki to asi lio eri, amulua tee liothau la eri boo, muki to ana tee si manata la, ana tee si lio;

Filifae 1:27

Tee si do boo, abula lamulua kai farana si faaroṉoa lea tha Christ: fasi, mada sa kwa fula kwa riki kamulua mado kwa to mai i thara faisi kamulua, kwai roṉoa to lamulua, na muki takwe ṉado ana tee spirit, ma ana tee si manata muki aṉasi ana ra ofu la ifana si do eki na kulu fitoona na si faaroṉoa lea;

I. Korinitha 16:8

Ma nau kwai to si akua i Efesasi maakwalia Taṉafula‐limana‐tafulu fa boṉi eri;

Si do Aposela ki kera ilidaki 4:32

Ma malului wane eki sui boo na kera fitoo kera to ana tee si lio ma ana tee si manata: me ai ta imole si sorea si do ne rikidaki si do nia ki i talaana; si do kera ki si do i ofuane ki bana.

Si do Aposela ki kera ilidaki 20:16

Sulaania manatana tha Polo na nia kai tatha ana faka faisia i Efesasi, fasi e ai kesi suuwai nia kai to suka tau i Asia; uria ne lae lakwalakwa, sa mado e ai nia kai fula i Jerusalema ana Taṉafula‐limana‐tafulu fa boṉi eri.

Si do Aposela ki kera ilidaki 4:24

Ma ni kera, si maṉa na kera roṉoa, keka ṉata lalaa uria tha God ana tee si lio, keka sorea, Lord, oe God no thauwai nia ṉa thalo ma fanua nei iano ma ṉa amali, ma si do ki sui bana nai kula eki:

Si do Aposela ki kera ilidaki 5:12

Ma ana abana aposela ki kera ilia bala si do oro ki ma do ni kwele la ania ki i maalutana toa eki; ma kera figu ana tee si lio i la taofa tha Solomona.

Fa Ṉu Abu ki 133:1

Rikia fasi, si abula la e lea me farana sa keki thathamia nai nia, doora kera keki to ofu ana tee si lio!

Si do Aposela ki kera ilidaki 2:46

Ma sulia boṉi kera seemabe ana figu la ana tee si lio i la biu baita tha God, keka nia berede i maafera kera ki, keka ania faṉa kera ana seethathala la ma ana tee si lio i ruruuda,

Si do Aposela ki kera ilidaki 1:5

Uria na tha Jone e babataesi boo ana kafo; ma ni kamulua ṉadee fa boṉi e sui keki bii babataesi kamulua atha Spirit Abu.

Si do Aposela ki kera ilidaki 1:8

Ma lalae tha Spirit Abu e fula fafi kamulua, muki bii ṉalia sukwaia: ma si do mulu thaitoomana suli nau muki faamamanea i Jerusalema, ma i fanua i Judia ka sui bana ma i Sameria, ma ana si kula ne tau faamau mena i fanua nei iano.

Si do Aposela ki kera ilidaki 4:31

Ma buriana na kera foa, si kula eri na kera figu mai iei ka igiigi; ma kera faafuṉua toa eki sui boo atha Spirit Abu, ma keka seeraa ana ṉata la sulia bae lana tha God.