Si do Aposela ki kera ilidaki 18:7 - Ṉa Alaofua Falu 1923 1949

⁷ Ma nia lae faisida, ka kotho i biu tee nonii wane thatana tha Jasitasi, wane ne faabaita tha God, na biu nia ni karaṉia biu ni ofu la eri.

Si do Aposela ki kera ilidaki 18:7 Referans Kwoze

Si do Aposela ki kera ilidaki 16:14

Ma tee kini, thatana ni Lidia, na ra nia usi la asi maku momothelaa ki, kini ana toaa susu i Thaeatira, ne faabaita tha God, e roṉo kamilia: ma tha Lord e ifinia ruruuna, adedea nia fale nia ana manatatoona lana si do na tha Polo e soredaki.

Kolose 4:11

Ma tha Jesus, na kera alaṉia atha Jasitasi, toa ana kwai kakali la neri: talifili kera na kera toa ni ra ofu la bi nau ifana tooa tha God, wane na kera faainamaruki nau.

Si do Aposela ki kera ilidaki 17:4

Ma tei toa iada kera ala fafia ṉata lana, keka abetai nia tha Polo ma tha Saelasi; ma malului wane ana toa i Girisi na kera faabaita tha God ki, ma toa oro ana kini inoto ki.

Si do Aposela ki kera ilidaki 13:42

Ma si maṉa na Ju ki kera kotho i maa faisia biu ni ofu la eri, Jenetaele ki keka ṉata kwaitakoi keka sorea sa si baea eri keko ṉata sulia isada afa boṉi mamaloa iburi.

Si do Aposela ki kera ilidaki 10:22

Ma keka sorea, Tha Koneliasi ṉa senitiurione, wane kokoto ma wane ne mau atha God, na Ju ki sui bana kera ala fafi nia, tha God e faaroṉo nia ana angel abu sorea kai kwaiarasi iburiamu, oki lae uri biu nia, oki faaroṉo asi baea.

Si do Aposela ki kera ilidaki 10:2

Wane eri e faabaita tha God, ma ka mau ani nia bia toa eki sui boo ana maafera nia, wane ne tona fale baita ana toa na kesi rikii do, ma ka foa ṉado ana thatana tha God.

Jone 9:31

Kulu thaitoomana tha God e ai si roṉoa ṉata lana toa na kera abula taa: sui mada sa ta wane kai faabaita tha God, ma kai ilia si do nia thathamia, wane eri nia kai roṉoa.

Si do Aposela ki kera ilidaki 13:43

Sui si maṉa na ofu la eri e sui, toa oro ana Ju ki ma Jenetaele na kera ade mala Ju ki ma kera faabaita tha God, keka lae iburiatha Polo ma tha Banabasi: na keko ṉata isada, keko faaroṉo fifi ani kera keka to ṉado ana lea la tha God.

Si do Aposela ki kera ilidaki 13:50

Ma sui Ju ki kera faasurake ana kini inoto na kera faabaita tha God ki, ma wane inoto ki ana toaa susu eri, keka areda uria tona ilamatai lana tha Polo ma tha Banabasi, keka taridaroa i thara faisia oli lana fanua kera.